ཚོང་གཉེར་པས་ཚོང་རྫས་འཚོང་སྐབས་འགན་འཁྲི་གང་དག་འཁུར་དགོས།

1.ཚོང་གཉེར་པའི་རྒྱུན་ལྡན་ལྟར་ཚོང་རྫས་བཀོལ་སྤྱོད་དང་ཞབས་ཞུ་དང་ལེན་བྱེད་པའི་གནས་ཚུལ་འོག་རང་ཉིད་ཀྱིས་འདོན་སྤྲོད་བྱས་པའི་ཚོང་རྫས་དང་ཞབས་ཞུ་ལ་ངེས་པར་ལྡན་དགོས་པའི་སྤུས་ཀ་དང་བྱེད་ནུས། སྤྱོད་ཡུལ། གོ་ཆོད་དུས་ཡུན་སོགས་ཁག་ཐེག་བྱ་དགོས་མོད། འོན་ཀྱང་། འཛད་སྤྱོད་པས་ཚོང་རྫས་དེ་ཉོ་བའམ་ཡང་ན་ཞབས་ཞུ་དང་ལེན་མ་བྱས་གོང་དེར་སྐྱོན་ཆ་ཡོད་པ་ཤེས་དགོས་པ་མ་ཟད། སྐྱོན་ཆ་དེ་བཅའ་ཁྲིམས་ཀྱི་བཙན་ཤེད་རང་བཞིན་གྱི་གཏན་ཁེལ་དང་འགལ་མེད་པ་ཕུད་དགོས།

2. ཚོང་གཉེར་པས་བརྡ་ཁྱབ་དང་ཐོན་རྫས་ཀྱི་གསལ་བཤད་ཡི་གེ་དངོས་དཔེ་སོགས་ཀྱི་རྣམ་པ་སྤྱད་དེ་ཚོང་རྫས་དང་ཞབས་ཞུའི་སྤུས་ཀའི་གནས་ཚུལ་ལ་འགྲེམ་སྟོན་བྱེད་པར་རང་ཉིད་ཀྱིས་འདོན་སྤྲོད་བྱས་པའི་ཚོང་རྫས་སམ་ཞབས་ཞུའི་དོན་དངོས་སྤུས་ཀ་དང་འགྲེམ་སྟོན་བྱས་པའི་སྤུས་ཀ་གཉིས་གཅིག་མཐུན་ཡིན་པར་ཁག་ཐེག་བྱ་དགོས།

3.ཚོང་གཉེར་པས་འདོན་སྤྲོད་བྱེད་ཀྱིན་པིའ་འཕྲུལ་སྒུལ་འཁོར་ལོ་དང་རྩིས་འཁོར། བརྙན་འཕྲིན་འཕྲུལ་ཆས། འཁྱགས་སྒམ། འཁྱགས་བཟོ་འཕྲུལ་ཆས། གོས་འཁྲུད་ཆས་སོགས་ཀྱི་སྤྱོད་ཡུན་རིང་བའི་ཚོང་རྫས་སམ་སྡོད་ཁང་མཛེས་སྤྲས་སོགས་ཀྱི་ཞབས་ཞུ་ལ། འཛད་སྤྱོད་པས་ཚོང་རྫས་སམ་ཞབས་ཞུ་དང་ལེན་བྱས་པའི་ཉིན་དེ་ནས་བཟུང་སྟེ་ཟླ6གི་ནང་སྐྱོན་ཆ་ཡོད་པ་ཤེས་ཏེ་རྩོད་གཞི་བྱུང་ན། ཚོང་གཉེར་པས་འབྲེལ་ཡོད་སྐྱོན་ཆའི་བདེན་དཔང་འདོན་པའི་འགན་འཁྲི་འཁུར་དགོས། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།