བྱིས་པ་ལས་བཟོ་པ་བཀོལ་སྤྱོད་བྱེད་པ་གཏན་འགོག་བྱེད་པ་ནི་རྒྱལ་སྤྱིའི་ངལ་རྩོལ་ལས་བཟོ་པའི་བཅའ་ཁྲིམས་ཀྱི་རྩ་བའི་རྩ་དོན་ཞིག་ཡིན་ལ། རང་རྒྱལ་གྱི《ངལ་རྩོལ་བཅའ་ཁྲིམས》ཀྱི་རྩ་བའི་རྩ་དོན་ཞིག་ཀྱང་ཡིན་མོད། འོན་ཀྱང་རིག་རྩལ་དང་། ལུས་རྩལ། བཟོ་རྩལ་ལས་ཁུངས་ལ་ལ་ཞིག་སྟེ། ངེས་པར་ན་གཞོན་བྱིས་པ་སྡུད་ལེན་བྱས་ཏེ་ཆུང་དུས་ནས་སྦྱོང་བརྡར་བྱ་དགོས་ཚེ(དཔེར་ན་རྩལ་རྩེད་ལྟ་བུ)། ངེས་པར་རྫོང་རིམ་པའི་ཡན་གྱི(རྫོང་རིམ་པ་འདུ)ངལ་རྩོལ་སྲིད་འཛིན་སྡེ་ཁག་གི་ཆོག་མཆན་བརྒྱུད་རྗེས། ལོ་ན16ལ་མ་སོན་པའི་རིག་རྩལ་ལས་གཉེར་མཁན་དང་ལུས་རྩལ་པ། བཟོ་རྩལ་སློབ་མ་སོགས་སྡུད་ལེན་བྱ་ཆོག་ལ། དེ་རང་ཁྲིམས་འགལ་གྱིས་བྱིས་པ་ལས་བཟོ་པ་བེད་སྤྱོད་པའི་ཁོངས་སུ་མི་འདུ།
བྱིས་པ་ལས་བཟོ་པ་བསྡུ་བར་ངེས་པར་དེའི་ཁྲིམས་བཀོད་ལས་ཚབམིའི་འཐད་པ་བརྒྱུད་དགོས་པའམ་ཡང་ན་ལས་ཚབ་བྱས་ཏེ་ངལ་རྩོལ་གན་རྒྱ་འཇོག་དགོས་པར་མ་ཟད། རྫོང་རིམ་པ་ཡན་གྱི་ངལ་རྩོལ་སྲིད་འཛིན་སྡེ་ཁག་གི་ཆོག་མཆན་བརྒྱུད་དགོས། དེ་ལས་ལྡོག་ན་གན་རྒྱ་ནུས་མེད་ཡིན། རང་རྒྱལ་གྱི《རྒྱལ་སྲིད་སྤྱི་ཁྱབ་ཁང་གིས་ཁྱབ་སྤེལ་བྱས་པའི་བྱིས་པ་ལས་བཟོ་པ་སྤྱོད་པ་གཏན་འགོག་བྱེད་པའི་ཐག་གཅོད》ནང་གཏན་ཁེལ་གསལ་བོ་བྱས་དོན། རིག་རྩལ་དང་། ལུས་རྩལ། དམིགས་བསལ་བཟོ་རྩལ་ལས་ཁུངས་བཅས་ཀྱིས་དོན་དངོས་སུ་ལོ་ན16ལ་མ་སོན་པའི་རིག་རྩལ་ལས་གཉེར་མཁན་དང་ལུས་རྩལ་པ། བཟོ་རྩལ་སློབ་མ་སོགས་སྡུད་ལེན་བྱ་དགོས་ཚེ། ངེས་པར་རྫོང་རིམ་པ་ཡན་གྱི་ངལ་རྩོལ་སྲིད་འཛིན་སྡེ་ཁག་གི་ཆོག་མཆན་བརྒྱུད་དགོས། ལས་ཁུངས་ཀྱིས་སྡུད་ལེན་བྱེད་དུས། ལས་ཁུངས་ཡོད་སའི་རྫོང་ངལ་རྩོལ་ཁག་ཐེག་སྲིད་འཛིན་སྡེ་ཁག་ལ་ཞིབ་བཤེར་ཆོག་མཆན་གྱི་རེ་འདུན་ཞུ་དགོས་པར་མ་ཟད། གཤམ་གྱི་བདེན་དཔང་རྒྱུ་ཆ་དག་མཁོ་སྤྲོད་བྱ་དགོས།
1.ལས་ཁུངས་ཀྱིས་སྡུད་ལེན་བྱེད་པའི་མི་སྣའི་རེ་འདུན་ཡི་གེ
2.ལས་ཁུངས་ཀྱི་མཚམས་སྦྱོར་ཡི་གེ
3.ལས་སྒྲུབ་མིི་སྣའི་ཐོབ་ཐང་དཔང་ཡིག
4.སྡུད་ལེན་གན་རྒྱའི་ཡི་གེ