འབྲས་དང་ཕྱེ་ཡི་རིགས་ཀྱི་གཙོ་ཟས་མ་ཟོས་ན་ཚོ་བྱང་ཐུབ་བམ།

མི་མང་པོ་ཞིག་གིས་ཚོ་བྱང་དུ་འཇུག་པའི་མགོ་བརྩམས་མ་ཐག་ནས་འབྲས་དང་ཕྱེ་ཡི་རིགས་ཀྱི་གཙོ་ཟས་མི་བཟའ་བ་དང་། འབྲས་དང་ཕྱེ་ཡི་རིགས་ཀྱི་ནུས་ཚད་ཤིན་ཏུ་མཐོ་བར་བསམ་བཞིན་ཡོད། འབྲས་དང་ཕྱེ་ཡི་རིགས་ཀྱི་གཙོ་ཟས་བཟའ་བ་ནི་ངོ་མ་ཚོ་འབུད་པའི་རྒྱུ་གཏེ་དེ་ཡིན་ནམ།

ཚོ་འབུད་པ་ནི་འབྲས་དང་ཕྱེ་ཡི་རིགས་ཀྱི་གཙོ་ཟས་ཟོས་པའི་སྐྱོན་མ་ཡིན་པར། ཚོ་བུད་པའི་རྒྱུ་རྐྱེན་ངོ་མ་ནི་ནུས་ཚད་ལྷག་མ་བྱུང་བ་སྟེ། ནུས་ཚད་གཞིབ་ལེན་བྱེད་ཚད་དེ་ཟད་གྲོན་ཚད་ལས་འགོངས་པ་དང་། ནུས་ཚད་གསོག་པ་ཚད་ལས་བརྒལ་བ་ལས་ལུས་ལ་ཚིལ་བསོགས་པའི་དབང་གིས་ཚོ་བུད་པ་རེད།

ཐཱན་ཆུ་འདྲེས་སྦྱོར་རྫས་སམ་སྤྲི་དཀར་རྫས་ཁེ་རེ་ཡིས་མིའི་ལུས་སྟེང་དུ་ཧ་ལམ་ནུས་ཚད་སྟོང་ཁཱ4ལྷག་བསྐྱེད་ཐུབ་པ་དང་། ཚིལ་ཁེ་རེ་ཡིས་ནུས་ཚད་སྟོང་ཁཱ9བསྐྱེད་ཐུབ་པས། དེ་ནི་ཐཱན་ཆུ་འདྲེས་སྦྱོར་རྫས་ཀྱི་ལྡབ2.2ཡིན། དེ་བས། འདི་ལས་རྟོགས་ཐུབ་པ་ནི་ཚིལ་གྱིས་ཐཱན་ཆུ་འདྲེས་སྦྱོར་རྫས་ལས་ཀྱང་འཚོ་བཅུད་ལྷག་མ་བསྐྱེད་པ་རེད།

དངོས་བཤེར་མཇུག་འབྲས་ལས་གསལ་བ་ལྟར་ན། ཐཱན་ཆུ་འདྲེས་སྦྱོར་རྫས་འདུས་ཚད་དམའ་བའི་ཟས་རིགས་ཀྱིས་དུས་ཡུན་ཐུང་ངུའི་ནང་ལུས་ཀྱི་ལྗིད་ཚད་ཇེ་དམའ་རུ་གཏོང་ཐུབ་པ་རེད། ཡིན་ནའང་། འདི་ནི་དུས་ཡུན་ཐུང་ངུའི་མངོན་ཚུལ་ཙམ་ཞིག་ལས་མ་འདས་ཤིང་། ལོ་གཅིག་གི་དུས་ཚོད་ལ་བརྟགས་ཚེ་དེ་ལ་ཕན་ཐོགས་གང་ཡང་ཡོད་མི་སྲིད། དེས་ན་ཅི་ཞིག་ལ་ཚོ་བྱང་ཐུབ་སོང་ཟེར་རམ་ཞེ་ན། རྒྱལ་སྤྱིའི་སྟེང་ཀུན་གྱིས་ཁས་ལེན་པའི་ཚོ་བྱང་བའི་ཚད་ཐིག་ནི་ལུས་པོའི་ལྗིད་ཚད་ཇེ་ཡང་དུ་སོང་རྗེས་ཟླ་ངོ6གི་རིང་ལ་ཕྱིར་ཚོ་མ་བསོགས་པ་ལ་ཟེར། འོན་ཀྱང་ཐཱན་ཆུ་འདྲེས་སྦྱོར་རྫས་འདུས་ཚད་དམའ་བའི་ཟས་རིགས་བསྟེན་མཚམས་བཞག་ཚེ་སླར་ཡང་མྱུར་དུ་ཕྱིར་ཚོ་འབུད་པ་ཡིན། ཡང་གཅིག་བཤད་ན། ཐབས་འདི་ལྟ་བུས་མི་རྣམས་ལ་གནས་སྐབས་ཀྱི་དགའ་སྣང་ཙམ་སྐྱེད་ཐུབ་ནའང་། ཡུན་རིང་པོར་ཚིགས་དྲུག་སྨྱུག་མ་འདྲ་བའི་སྐྱེ་གཟུགས་སྲུང་འཛིན་བྱེད་དཀའ་ཞིང་ཚོ་བྱང་བར་མཐའ་མཇུག་རྒྱལ་ཁ་ལེན་པ་མངོན་དུ་འགྱུར་ཁག་པོ་ཡིན། 

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།