རྒྱ་གར་རིག་གནས་དང་བོད་ཀྱི་རིག་གནས་བར་གྱི་འབྲེལ་བ།

སྟོད་ཆ།

བར་ཆ།

སྨད་ཆ།


འཆད་ཁྲིད་གནང་མཁན་ངོ་སྤྲོད།

微信图片_20200529085717.jpg

1963ལོར་ཨ་མདོའི་ཡུལ་གྱི་མཚོ་ཆེན་པོ་ཁྲི་ཤོར་རྒྱལ་མོའི་ལྷོ་འགྲམ་དང་རི་མཐོན་པོ་བློན་པོ་གསེར་ཆེན་གྱི་མདུན་རོལ་ཏུ་གནས་པའི་རྒྱ་ཡེ་ཞེས་པའི་འབྲོག་སྡེ་རུ་སྐྱེས།  ཁོང་གིས་སྔ་ཕྱིར་མཚོ་ལྷོ་མི་རིགས་དགེ་འོས་སློབ་གྲྭ་དང་།  མཚོ་སྔོན་མི་རིགས་སློབ་གླིང་།  པེ་ཅིན་སློབ་གྲྭ་ཆེན་མོ།  རྒྱལ་ཁབ་སློབ་གསོའི་སྲིད་འཛིན་སློབ་གླིང་།  ནུབ་བྱང་མི་རིགས་སློབ་ཆེན།  རྒྱལ་ཁབ་སྲིད་འཛིན་སློབ་གླིང་།  ཉི་ཧོང་རྒྱལ་ཁབ་ཀྱི་ཨ་ཨིས་རྫུ་མཐོ་རིམ་སློབ་གྲྭ་སོགས་རྒྱལ་ཁབ་ཕྱི་ནང་གི་སློབ་གྲྭ་དུ་མ་འགྲིམས་ཤིང་།  2004ལོའི་ཟླ9པར་ནུབ་བྱང་མི་རིགས་སློབ་ཆེན་བོད་སྐད་ཡིག་རིག་གནས་སློབ་གླིང་དུ་འབུམ་རམས་པར་རྒྱུགས་སྤྲད་དེ་བོད་ཀྱི་རྩོམ་རིག་དང་བོད་བརྒྱུད་ནང་བསྟན་ཞེས་པའི་ཆེད་ལས་སློབ་གཉེར་གནང་།  1987ལོར་མཚོ་སྔོན་མི་རིགས་སློབ་གྲྭ་ཆེན་མོའི་རམ་འབྱམས་པའི་མཚན་གནས་བླངས།  དེའི་རྗེས་སུ་ཉི་ཧོང་རྒྱལ་ཁབ་ཏུ་ཕྱི་འགྲིམ་སློབ་མ་བྱས་པ་དང་།  2002ལོའི་ཟླ་བ་དང་པོར་སློབ་དཔོན་ཆེན་མོའི་གོ་གནས་བླངས།   

2004ལོར་ནུབ་བྱང་མི་རིགས་སློབ་གྲྭ་ཆེན་མོ་ནས་འབུམ་རམས་པའི་མཚན་གནས་བླངས།   ཁོང་གིས་མཚོ་སྔོན་དགེ་ཐོན་སློབ་ཆེན་མདོ་དབུས་མཐོ་སྒང་རིག་གནས་ཞིབ་འཇུག་ཁང་གི་མགོ་གཙོ་དང་མི་རིགས་དགེ་འོས་སློབ་གླིང་གི་གླིང་གཙོ།   སློབ་དཔོན་ཆེན་མོ།  མཚོ་སྔོན་གྱི་ཞིང་ཆེན་རིམ་པའི་ཕུལ་བྱུང་ཤེས་ལྡན་མི་སྣ་བཅས་ཀྱི་འགན་བཞེས་ཡོད།  ཁོང་གི་ལོ་དུ་མའི་རིང་དུ་བོད་ཀྱི་རྩོམ་རིག་ལོ་རྒྱུས་དང་བོད་སྐད་ཡིག་ལ་ཞིབ་འཇུག་བྱས་ཏེ་གྲུབ་འབྲས་བཟང་བོ་བླངས་ཡོད་པར་མ་ཟད།  བོད་ཀྱི་ཤེས་རིག་གི་གར་སྟེགས་སུ་གོ་གནས་ངེས་ཅན་ཟིན་ཡོད་པའི་བོད་ཀྱི་སློབ་གསོ་བ་ཞིག་ཀྱང་རེད།  «ཀྲུང་གོའི་བོད་རིག་པ»སོགས་རྒྱལ་ཁབ་རིམ་པའི་དུས་དེབ་སྟེ«རོ་སྒྲུང་ཉེར་ལྔའི་ཞིབ་འཇུག»དང«བོད་ཀྱི་གཏེར་མའི་རྣམ་བཤད»སོགས་དཔྱད་རྩོམ་བཅུ་ཕྲག་སྤེལ་མྱོང་།  «བོད་ཀྱི་རྩོམ་རིག་ལོ་རྒྱུས་སྐལ་བཟང་མིག་སྒྲོན»སྤྱི་ལོ2003ལོར་མཚོ་སྔོན་ཞིང་ཆེན་གྱི་སྐབས་དྲུག་པའི་མཚན་ཉིད་སྤྱི་ཚོགས་ཚན་རིག་གླིང་གི་ཨང་གསུམ་པའི་བྱ་དགའ་གནང་བ་དང«བོད་ཀྱི་གནའ་རབས་རྩོམ་རིགས་ཀྱི་རིགས་དང་ལུས་ཀྱི་རྣམ་བཞག་ཚངས་པའི་ཚད་ཡིག»ལ་རྒྱལ་ཡོངས་མཐོ་རིམ་སློབ་གྲྭའི་མི་གཞུང་ཚན་རིག་གླིང་གི་ཨང་གསུམ་པའི་བྱ་དགའ་ཐོབ།  «ཚད་ལྡན་གྱི་ཉི་ཧོང་སྐད་ཡིག»ཅེས་པ་བོད་ཡིག་ཏུ་བསྒྱུར་ཏེ་པར་སྐྲུན་བྱས།  ཁོང་གིས་རིག་གཞུང་ཐད་ཞིབ་འཇུག་བྱས་པའི་གྲུབ་འབྲས་མང་བོར་རྒྱལ་ཁབ་མི་གཞུང་སྤྱི་ཚོགས་ཚན་རིག་གླིང་གིས་གནང་བའི་བྱ་དགའ་ཐེངས་མང་ཐོབ་མྱོང་།  ད་ལྟ་ཁོང་གིས་མཚོ་སྔོན་དགེ་ཐོན་སློབ་ཆེན་མི་རིགས་དགེ་འོས་སློབ་གྲྭ་ཆེན་མོའི་སློབ་གཙོ་གཞོན་པ་དང་མི་རིགས་དགེ་འོས་སློབ་གླིང་གི་མགོ་གཙོ་བཅས་ཀྱི་འགན་གཅིག་ལྕོགས་སུ་བཞེས་ཡོད།


རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།