བོད་ཀྱི་ལ་གཞས་གླེང་བ།

སྟོད་ཆ།

སྨད་ཆ།


རྒྱ་ཡེ་བཀྲ་བྷོ་ངོ་སྤྲོད་མདོར་བསྡུས།

微信截图_20191217212929.jpg

 རྒྱ་ཡེ་བཀྲ་བྷོ། 1963ལོར་མཚོ་སྔོན་པོའི་འགྲམ་རྒྱུད་ཀྱི་རྒྱ་ཡེ་སྡེ་བར་སྐུ་བལྟམས། ཁོང་ནི་སློབ་དཔོན་ཆེན་མོ་དང་འབུམ་རམས་པ། འབུམ་རམས་སློབ་མའི་མཛུབ་སྟོན་དགེ་རྒན་བཅས་ཡིན་ལ། དེ་སྔར་ཉི་ཧོང་དུ་ཕྱི་འགྲིམས་སློབ་མར་ཕེབས་པ་དང་ཞིང་ཆེན་རིམ་པའི་ཕུལ་བྱུང་ཤེས་ལྡན་མི་སྣ་ཡིན། ད་ལྟ་མཚོ་སྔོན་དགེ་འོས་སློབ་ཆེན་གྱི་སློབ་གཙོ་གཞོན་པ་དང་མི་རིགས་དགེ་འོས་སློབ་གླིང་གི་དྲུང་ཆེ་དང་གླིང་གཙོ་ཡིན། གཞན་ཡང་རྒྱལ་ཡོངས་བོད་ཡིག་བསླབ་གཞི་ཞིབ་བཤེར་ཨུ་ཡོན་ལྷན་ཚོགས་ཀྱི་ཚོགས་མི་དང་མཚོ་སྔོན་ཞིང་ཆེན་གཟུགས་འདས་ཤུལ་བཞག་རིག་གནས་བདག་སྐྱོང་བྱ་བའི་ཆེད་མཁས་ཨུ་ཡོན་ཚོགས་པའི་ཚོགས་མི། ཉི་ཧོང་ཏ་ཀོའུ་སློབ་ཆེན་གྱི་གདན་ཞུའི་ཞིབ་འཇུག་པ། རྒྱལ་སྤྱིའི་བོད་རིག་པ་ལྷན་ཚོགས་ཀྱི་ཚོགས་མི་སོགས་ཀྱི་འགན་བཞེས་ཡོད། གཙོ་བོ་བོད་ཀྱི་གནའ་རབས་རྩོམ་རིག་དང་མི་རིགས་རིག་གནས་ལོ་རྒྱུས་ཀྱི་ཞིབ་འཇུག་དང་སློབ་ཁྲིད་སོགས་ཀྱི་བྱ་བ་བསྒྲུབས་པ་དང་། ཀྲུང་གོའི་བོད་རིག་པ་དང་བོད་ལྗོངས་ཞིབ་འཇུག་སོགས་རིག་གཞུང་དུས་དེབ་མང་བོའི་སྟེང་ཆེད་རྩོམ40ལྷག་སྤེལ་མྱོང་། 

སྔ་རྗེས་སུ་སྐབས་དང་པོའི་རྒྱལ་ཡོངས་ཀྱི་སློབ་གྲྭ་ཆེན་མོའི་མི་དོན་སྤྱི་ཚོགས་ཚན་རིག་ཞིབ་འཇུག་ཕུལ་བྱུང་དཔྱད་འབྲས་ཀྱི་བྱ་དགའ་ཨང་གཉིས་པ་དང་། མཚོ་སྔོན་ཞིང་ཆེན་གྱི་མཚན་ཉིད་རིག་པའི་སྤྱི་ཚོགས་ཚན་རིག་ཞིབ་འཇུག་ཕུལ་བྱུང་དཔྱད་འབྲས་ཀྱི་ཨང་གསུམ་པའི་བྱ་དགའ་ཐོབ། ཀྲུང་གོ་བོད་རིག་པ་ཞིབ་འཇུག་གི་ཇོ་མོ་གླིང་མ་བྱ་དགའི་ཨང་དང་པོའི་བྱ་དགའ་ཐོབ་མྱོང་། དུས་རབས་གསར་བའི་ཕུལ་བྱུང་ཤེས་ལྡན་མི་སྣའི་རྒྱབ་སྐྱོར་ཇུས་གཞིའི་གཙོ་སྐྱོང་བ་དང་། རྒྱལ་ཁབ་སྤྱི་ཚོགས་ཚན་རིག་ཁང་གི་ཞུབ་འཇུག་ལས་གཞིའི་ཁྲོད་བྲམ་ཟེའི་རིག་གནས་དང་བོད་ཀྱི་རིག་གནས། རྒྱལ་ཁབ་ཀྱི་ཁྱད་ཆོས་ལྡན་པའི་ཆེད་ལས་གཙོ་གྲས་སུ་གྱུར་བའི(བོད་ཀྱི་སྐད་ཡིག་རྩོམ་རིག)གསར་འཛུགས་བྱས་པ་སོགས་ཀྱིས། སྔ་རྗེས་སུ་མཚོ་སྔོན་ཞིང་ཆེན་ཆེད་ལས་ལག་རྩལ་ཤེས་ལྡན་མི་སྣ་དང་། རྒྱལ་ཡོངས་མཐོ་རིམ་དགེ་འོས་སློབ་གླིང་གི་ཕུལ་བྱུང་དགེ་རྒན་ཨང་དང་པོའི་བྱ་དགའ་དང། མཚོ་སྔོན་ཞིང་ཆེན135ཤེས་ཡོན་རྩེར་སོན་ལས་གཞིའི་བསླབ་ཁག་གི་སྣེ་ཁྲིད་པ་སོགས་ཀྱི་བྱ་དགའ་བསྟུད་མུར་ཐོབ་མྱོང་། ཁོང་གི་བརྩམས་ཆོས་གཙོ་བོར《བོད་ཀྱི་རྩོམ་རིག་ལོ་རྒྱུས་སྐལ་བཟང་མིག་སྒྲོན》དང《བོད་ཀྱི་བརྡ་སྤྲོད་སྤྱི་བཤད།》《བོད་ཀྱི་གནའ་རབས་རྩོམ་རིག་རིགས་དབྱེ་ཞིབ་འཇུག།》《བོད་ཀྱི་གནའ་རབས་རྩོམ་རིག་གི་རྩོམ་ལུས་དབྱེ་འབྱེད།》《རྒྱ་གར་བྲམ་ཟེ་རིག་གནས་དང་བོད་ཀྱི་གནའ་རབས་རྩོམ་རིག》སོགས་ཡོད།

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།