ལྷ་ས་གྲོང་ཁྱེར་གྱིས་ས་གཙང་བདེ་ཐང་ཐོན་ལས་ཀྱི་སྤུས་ལེགས་བཞོན་མ་ལེགས་འདེམས་བྱེད་སྒོ་ཐོག་མ་སྤེལ།

 

vbdfvgbg111.jpg

སྐབས་དང་པོའི་ལྷ་སའི་ས་གཙང་བདེ་ཐང་ཐོན་ལས་ཀྱི་སྤུས་ལེགས་བཞོན་མ་ལེགས་འདེམས་བྱེད་སྒོ། 

sgferg22222222.jpg

ལྷ་སའི་ས་གཙང་བདེ་ཐང་ཐོན་ལས་འཕེལ་རྒྱས་གཏིང་ཟབ་ཐད་ལ་སྐུལ་འདེད་གཏོང་ཆེད།  ལྷ་ས་གྲོང་ཁྱེར་གྱི་བ་གླང་སྤུས་ལེགས་བསྒྱུར་བའི་ལག་རྩལ་རྒྱ་ཁྱབ་གཏོང་བའི་གྲུབ་འབྲས་འགྲེམ་སྟོན་བྱས་ཏེ།  རྒྱ་ཆེའི་ཞིང་འབྲོག་མང་ཚོགས་ཀྱིས་ཚན་རྩལ་གསར་གཏོད་ལ་བརྟེན་ནས།  དེང་རབས་འོ་ཞོའི་ཐོན་ལས་འཕེལ་རྒྱས་གཏོང་བའི་ཧུར་ཐག་རང་བཞིན་དང་གསར་གཏོད་རང་བཞིན་སྐུལ་སློང་བཏང་སྟེ།  རྒྱལ་ཡོངས་ཀྱི་མིང་གྲགས་ཆེ་བའི་ས་གཙང་བདེ་ཐང་འོ་ཞོའི་ཐོན་ལས་ཀྱི་ཐོན་སྐྱེད་ལས་སྣོན་རྟེན་གཞི་འཛུགས་པའི་ཆེད་དུ།  ཟླ་བརྒྱད་པའི་ཚེས་ཉེར་གཅིག་ཉིན།  ལྷ་ས་གྲོང་ཁྱེར་གྱིས་སྐབས་དང་པོའི་ས་གཙང་བདེ་ཐང་ཐོན་ལས་ཀྱི་སྤུས་ལེགས་བཞོན་མ་ལེགས་འདེམས་བྱེད་སྒོ་སྤེལ་བ་རེད།  

རྒྱུས་ལོན་བྱུང་བ་ལྟར་ན།  ཐེངས་འདིའི་བྱེད་སྒོ་ནི་ལྷ་ས་གྲོང་ཁྱེར་གྱིས་ས་གཙང་བདེ་ཐང་ཐོན་ལས་འཕེལ་རྒྱས་འཆར་འགོད་ཀྱི་བླང་བྱ་གཞི་བྱས་ཏེ།  ས་གཙང་བདེ་ཐང་འོ་ཞོ་ལས་རིགས་འཕེལ་རྒྱས་གོམ་སྟབས་ཇེ་མགྱོགས་གཏོང་བ་དམིགས་ཡུལ་དུ་བཟུང་ནས།  བཞོན་མ་ལེགས་འདེམས་བྱེད་སྒོ་སྤེལ་བ་བརྒྱུད་དེ།  གསོ་བདག་གིས་དེང་རབས་ཀྱི་བཞོན་མ་གསོ་སྤེལ་ལས་རིགས་འཕེལ་རྒྱས་གཏོང་བ་དང་།  ཐོན་སྐྱེད་དང་ཡོང་འབབ་ཁ་སྣོན་ཡོང་བར་སྐུལ་འདེད་བཏང་། ཐེངས་འདིའི་འགྲན་བསྡུར་གྱི་དཔྱད་འདེམས་པས་སྤུས་ལེགས་བཞོན་མ་དར་མ་དང་བ་གླང་རྒྱུད་བཟང་གི་ཕྱི་གཟུགས་ཁྱད་ཆོས་དང་།  འོ་ཐོན་བྱེད་ནུས་སོགས་ཕྱོགས་མང་པོའི་ཐད་ནས་སྐར་གྲངས་བརྒྱབ་པ་རེད།  ཆེས་མཇུག་མཐར།  ཉིང་རི་ཤང་གི་གསོ་སྤེལ་ཁུལ་གྱི་བསྟན་འཛིན་དངུལ་སྒྲོན་ཚང་གི་བཞོན་མ་ཚོའི་སྤྱིའི་བསྡུར་སྐར་ཨང་དང་པོ་ཡིས་དམིགས་བསལ་བྱ་དགའ་ཐོབ་ལ།  སངས་ཆོས་དང་བསོད་ནམས་ཐར་ཆེན།  བསྟན་པ་འཕྲིན་ལས་ཚང་བཅས་ཀྱི་བཞོན་མར་བྱ་དགའ་ཨང་དང་པོ་ཐོབ་པ་རེད། ཐེངས་འདིའི་བྱེད་སྒོ་སྤེལ་ཡུན་ལོ་གསུམ་ཡིན་པ་དང་།  ལོ་རེར་ཐེངས་གཅིག་སྤེལ་བ་རེད། །   

རྩོམ་སྒྲིག་པ། རྡོ་རྗེ་སྐྱིད།

དཔྱད་མཆན 0 ཡོད།