མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- བིས་མདོ་ཆོས་སྐྱོང་།

རྫ་ཆུ་ཁ་ནས་ཁ་བ་བཞིན་དྲན་གདུང་འཐོར་བ།

རྩོམ་པ་པོ། བིས་མདོ་བ་ཆོས་སྐྱོང་།    2014-02-19 09:54

སུ་ལ་ཡང་གསང་ཐབས་མེད་པ་དེ
ཁ་སང་ཉི་མ་དྲོད་ལམ་ལམ་དུ་ཤར་ཡོད་ཀྱང
ད་ནངས་སྔ་མོ་རླུང་འཚུབ་གཡུག་ཅིང
ཁ་བ་ཡང་ལྷབ་ལྷུབ་ཏུ་བབས་པ་དེ་རེད

ནམ་ཟླ་ནི
དགུན་ཟླ་བཅུ་བའི་ཁུགས་ནས
རྫ་ཆུ་སྔོན་མོར་མཆོད་གསུམ་འཕངས་ཤིང་ཁམ་གསུམ་འཐུང་བ་དེ་དང་འདྲ་འདུག
ད་ནི་རྩྭ་ཐང་ཞེས་པའི་སྔོ་ལྗང་ལྗང་ཅན་དེ
བུད་མེད་ཡུགས་ས་ཞིག་གི་ངུ་སྐད་ལས་ཤོར་བའི
ཁ་ཁོག་སྐྱ་བོ་ཞིག་ཏུ་གྱུར་ནས
ཨ་བྲ་གཅིག་པུས་འདུར་རྒྱུག་གོ

ཉི་མ་ཡང་བརྩེ་བ་མེད་པའི་ངོ་གདོང་ཞིག་བཞིན
སུ་ཞིག་ལ་ཁེར་རྐྱང་མིན་པ་ར་སྤྲོད་ཆེད
འཛུམ་མདངས་བཅོས་མ་དེ་སུ་ལ་བསྟན་ནམ

ཁ་བ་ནི་སེམས་ངལ་ཞིག་ཨང
དྲན་གདུང་དང་མཉམ་དུ
འདབ་མ་རེ་རེ་བཞིན་རྫ་ཆུའི་སེམས་ལ་བབས་སོང

༢༠༡༣ ༡༢ ༡༤

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག