མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- རྟོགས་སད་ལྷ་མོ།

ངའི་སྐྱེས་སྐར་གྱི་ལེགས་སྐྱེས།

རྩོམ་པ་པོ། རྟོགས་སད་ལྷ་མོ།    2013-05-13 09:33

གཅིག་གཅིག་གསུམ།

       ཚེ་སྐྱིད་ལྷ་མོའི་སྐྱེས་སྐར་ལ

དེ་རིང་གླུ་སྐད་ཅིག་སྐུར་དགོས་སམ

དབུགས་ཀྱི་རྒྱུ་བ་ལས་མིད་ཐག་འགག་ཤིང་

རྩྭ་ཆུ་དང་རི་བྲག་འགུལ་བའི་དབྱངས་རྟ་དེས

བརླན་ཞིང་གཞོན་པའི་ཡུལ་སྡེ་ཞིག་གཞི་ནས་དཀྲོགས་ཤོག

 

ལོ་ཟླའི་གྲིབ་གཟུགས་ལ་ཁེན་པའི་ཕུང་པོ

དོག་དྲགས་པའི་ལམ་ཕྲན་ནས་ཕྱི་མིག་བལྟས་ཚེ

དུངས་གཏམ་དང་སྣང་བ་བསྲེས་པའི་རྨི་ལམ་ཞིག་ནས

སྐམ་ཞིང་གོག་པའི་འཇའ་སྤྲིན་དག་ཡོངས་སུ་རློན་ཤོག

 

རི་བོའི་པང་ཁུག་ན་འཕུར་བའི་ཕྱེ་ལེབ་དཀར་པོ

གོ་ལའི་གས་སྲུབ་ནས་འབུས་པའི་ཙན་དན་གྱི་ལོ་མ

ཡང་བསྐྱར་ཁོད་ཡངས་བའི་ཕ་ཡུལ་གྱི་རྩེད་ར་ནས

གཡང་དཀར་དང་འབྲི་མོའི་ལྷས་ར་ནས་ཁད་ཀྱིས་སད་ཤོག

 

བཙའ་ཡིས་ཟིན་པའི་རལ་གྲི་འདི་བཀོལ་ཐེངས་རེར

རྨ་ཆུ་དང་རྫ་ཆུའི་རབ་ཁ་ནས་རྟ་མཆོག་ལ་སྒུག་འདྲ

གནམ་གཤིས་ཀྱི་དྲོད་གྲང་མི་སྙོམས་པའི་དུས་བཞི་ལས

དབུས་ལམ་ནས་བབ་པའི་ཁ་བ་དང་ལྷན་དུ་ཁྱེད་ལ་འཁྲུངས་སྐར་ཞུ།

                          

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག