མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཚེ་རིང་འཚོ།

བསུབ་དཀའ་བའི་གས་ཁ།

རྩོམ་པ་པོ། ཚེ་རིང་འཚོ།    2013-05-09 09:24

དུས་ཀྱི་གླག་མོ་འཕུར་རྩལ་ཅན་མོས་གྱ་གྱུའི་ཉག་ཁ་འཕྲད་དུ་གཏུབ།།

གཉིད་མ་སད་ཀྱི་སྙིང་ཆུང་དམར་པོར་ལོ་ཟླའི་གསེབ་ནས་ཤུགས་རིང་ཤོར།།

དུག་གཤིས་རླུང་གི་མཚོན་ཆ་རྣོན་པོས་ལུས་ཀྱི་ལྷུ་ཚུགས་གཏོར་ལ་ཉེ།།

ཤ་སྐྱིའི་བར་དུ་ཟུག་པའི་ཚེར་མས་བཟོད་པའི་སེམས་ཁམས་རླུང་ལ་བསྐུར།།

 

གཞན་རྟེན་གཞུང་རྟ་སྦོམ་པོའི་ལྐོག་ནས་མི་བུ་ཞིག་གི་སྙིང་སྟོབས་བོར།།

དམིགས་བསལ་ཆུ་ཡི་ཝུ་བའི་ཁྲོད་ནས་ཁེར་ཚུགས་ལྟ་བའི་དབུ་ཁྱུད་བོར།།

རོགས་སྐྱོར་མཚོན་གྱི་མདུང་སྣེ་དེ་ནས་སྲོལ་རྒྱུན་དངོས་པོའི་དུངས་བ་བོར།།

འཕུར་མ་ལྡང་གི་ཁོར་ཡུག་ཅིག་ནས་ངུ་མ་དགོད་ཀྱི་འཚོ་བར་བྲེལ།།

 

གང་གི་ཡུལ་དུ་གང་ཞིག་མཁོ་བའི་གདམ་ཀའི་རི་མོ་ཟད་ལ་ཉེ།།

སུ་ཡི་ཆེད་དུ་ཅིའི་ཕྱིར་གསོན་པའི་སེམས་རིས་ལམ་གྱི་བཞི་མདོ་ནས།།

གང་གི་ལམ་ལ་ཇི་ལྟར་ཆས་བའི་ཆོད་སེམས་རི་མོ་ཟུར་དུ་བཞག།

རེ་བའི་ཀློང་ན་འོད་དུ་འཚེར་བའི་རྣམ་ཤེས་གསོན་པོར་རྨས་ཤིག་ཕོག།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག