མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཚེ་རིང་འཚོ།

སྲིན་པོ་གླིང་ཀའི་ལྷན་འཛོམས

རྩོམ་པ་པོ། ཚེ་རིང་འཚོ།    2013-05-09 09:21

སེམས་ཀྱི་གཞས་ཆུང་སྐྱོ་བར་མ་དྲངས་སྤྲོ་དགའི་དབྱངས་རྟ་མཁའ་རུ་ཁྱབ།།

མོས་པ་མཐུན་པའི་གཟུང་ཐག་རིང་མོ་ཨ་མྱེས་ཡུལ་ལྷའི་པང་དུ་མདུད།།

དམིགས་ཡུལ་གཅིག་པའི་དུང་ཞེན་མེ་ཏོག་མདོ་སྨད་ཁྲི་ཀའི་ཡུལ་དུ་བཞད།།

རེ་བའི་མེ་ཏོག་ཆེ་རུ་ཕྱིན་པའི་གདེང་ཚོད་བདག་གི་སྙིང་ཁར་བབས།།

 

འདི་ནི་ཕུ་ནུའི་གདོང་ལ་གཏད་པའི་ཀི་རིང་མ་ཡིན་ལྷད་མེད་འོ་མའི་མར་ལོ་ཞིག།

འདི་ནི་དུས་ཀྱི་སྲུབ་ཏུ་འཕྱུར་བའི་བསླུ་བྲིད་མ་ཡིན་མུན་སེལ་སྒྲོན་མེ་འོད་ཆེན་ཞིག།

འདི་ནི་དམིགས་མེད་འཁྱམ་པོ་དག་གི་རྩེད་ར་མ་ཡིན་མོས་བ་མཐུན་པའི་སློབ་ར་ཞིག།

འདི་ནི་འགན་བཞེས་མི་སྣ་དག་གི་ཕྱི་ཉམས་མ་ཡིན་རིགས་ལ་དུངས་བའི་གཟི་བརྗིད་ཡིན།།

 

མ་ཡི་བྱམས་བརྩེ་རྟ་བདུན་འོད་སྣང་སྨྱུ་གུའི་རྩེ་ནས་གཏོར་བར་མོས།།

མ་ཡི་ལྷག་བསམ་འོ་མའི་རང་མདངས་ཚོར་བ་རྣོན་པོའི་རྩེ་ལ་འདེགས།།

མ་ཡི་མིག་རྒྱང་གཙང་བོའི་རྒྱུན་བཟང་ཤོག་དཀར་བུ་མོའི་གདོང་ལ་གཏོར།།

མ་ཡུམ་ཚོགས་པའི་སེམས་གཞས་ཡངས་མོ་གངས་ལྗོངས་གསོས་སུ་སྨིན་པར་སྨོན།།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག