མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཚེ་རིང་འཚོ།

འདུན་མའི་མགུར་དབྱངས

རྩོམ་པ་པོ། ཚེ་རིང་འཚོ།    2013-05-09 09:19

 

སྤྲིན་དང་སྨུག་པ་འདྲེས་མཚམས་དེ་རུ།།

སྣང་བ་རྡོག་པོའི་ཞགས་ཐག་འཕེན་དུས།།

སེམསཀྱི་བུ་ག་འགག་ལ་ཉེ་ཡང་།།

དུང་ཞེན་མར་ལོ་ཞི་བའི་དཔེ་མེད།།

 

ངུ་མ་དགོད་ཀྱི་འཚོ་བའི་ཁྲོད་ནས།།

ཀ་མེད་སུམ་ཅུའི་དབྱངས་དང་འགྲོགས་ཏེ།།

རིགས་ཀྱི་བུ་ལོ་ཐབས་ཀྱིས་སྐྱོང་བའི།།

སེམས་འདུན་དྲོན་མོ་མེ་རུ་སྤར་འདོད།།

 

དཔྱོད་པའི་རྣམ་རིག་ཁབ་མིག་ཙམ་ནས།།

ལངས་ཕྱོགས་དྲང་མོའི་མདའ་དང་སྡེབ་སྟེ།།

རྐང་འཛིན་བུ་ལོའི་མདུན་ལམ་བཟང་བོ།།

ལག་ཟུང་བར་ནས་ཤུགས་ཀྱིས་སྐྱོང་འདོད།།

 

ལུས་ཀྱི་རྣམ་ཤེས་གངས་ལ་ཟུག་ནས།།

སེམས་ཀྱི་སྐྱོ་གཞས་མཚོ་ལ་བསྐུར་ཏེ།།

རུས་ཞེན་བརྩེ་བའི་མགུར་དབྱངས་རེ་རེ།།

སེམས་ཀྱི་གཏིང་ནས་ཤུགས་ཀྱིས་གྱེར་འདོད།།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག