མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཚེ་རིང་འཚོ།

སྤྱི་ཚོགས་ཀྱི་གྲུ་ཟུར་ཞིག་ལ་བལྟས་པ།

རྩོམ་པ་པོ། ཚེ་་རིང་འཚོ།    2013-05-09 09:18

 

ཡིད་ཀྱི་ཕུགས་འདུན་ཟབ་མོ།།

ནོར་ལྷའི་པང་དུ་མཆོང་འདུག།

ནོར་གྱི་གཟུགས་ཙམ་མཐོང་ཚེ།།

རི་རྐྱང་ཤ་ལ་རྔམ་འདྲ།།

 

ངག་གི་སྨྲ་བརྗོད་དག་མོ།།

མཛེས་མའི་གདོང་ལ་གཏད་འདུག།

མཛེས་མའི་ཕྱི་ཉམས་མཐོང་ཚེ།།

འབྲི་མོས་བེའུ་ཆུང་ལྡག་འདྲ།།

 

ལུས་ཀྱི་རྣམ་ཤེས་དྭངས་མ།།

ཆང་འདྲེའི་བྲན་དུ་ཚུད་འདུག།

ཆང་གི་དྲི་ཙམ་ཁྱབ་ཚེ།།

ཧྭ་ཤང་རོལ་ཆས་བཟི་འདྲ།།

 

དཔྱོད་པའི་རྣམ་རིག་སྐྱེན་མོ།།

ཤོ་འདྲེའི་འཁོར་དུ་གྱུར་འདུག།

ཁྱིམ་གྱི་ཡོད་ཚད་ཤོར་ཚེ།།

སེམས་ངལ་རྦབ་ཆུ་བབ་འདྲ།།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག