མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཚེ་རིང་འཚོ།

དུས་ཆེན་བསུ་བའི་རྔ་སྒྲ

རྩོམ་པ་པོ། ཚེ་རིང་འཚོ།    2013-05-09 09:13

      ---ན་ཆུང་བྱིས་པའི་དུས་ཆེན་ལ་ཕུལ  

སྐྱོན་གྱིས་མ་གོས་ཡོན་ཏན་རབ་རྫོགས་པ།།

ངག་གི་དཔལ་སྟེར་ཚངས་སྲས་དབྱངས་ཅན་ལྷ།།

ཡིད་གཉིས་རབ་སྤངས་རྩེ་གཅིག་དད་པའི་མཐུས།།

ན་ཆུང་བྱིས་པའི་བློ་རིག་རྒྱས་གྱུར་ཅིག། 

 

དབྱིག་འཛིན་སྒེག་མོ་གཡུ་ཡི་མདངས་འཛིན་ལ།།

ཕྲ་ཚོམ་མེ་ཏོག་རྒྱན་གྱིས་སྤྲོས་པའི་དུས།།

དབྱར་ཟླ་དྲུག་པའི་བྱིས་པའི་དུས་བཟང་འདིར།།

བདག་བློ་སྤྲོ་བའི་ཚིག་འགའ་ལྷུག་ལྷུག་ཤོར།།

 

ཡིད་ལ་བཅངས་བའི་ཕུགས་བསམ་རླབས་ཆེན་ཞིག།

གདོང་ལ་ཁེངས་བའི་འཛུམ་མདངས་རྣལ་མ་གཉིས།།

ལུས་སུ་གྱོན་པའི་ལྭ་བ་གསར་བ་གསུམ།།

མཐོང་བས་བདག་ལ་ཚོར་འདུ་གསར་བ་བྱིན།།

 

བཟང་བོར་གཟེངས་བསྟོད་བྱེད་པའི་བྱ་དགའ་གཅིག།

འབྲིང་བར་ཡར་སྐུལ་བྱེད་པའི་སྐེ་དར་གཉིས།།

ཐ་མར་ཡིད་ཆེས་གཏོང་བའི་འབོད་བརྡ་གསུམ།།

དེ་རིང་བྱིས་པས་རིན་ཆེན་གསེར་དུ་བརྩི།།

 

ལུས་ཆུང་གར་ལ་རོལ་བའི་སྟངས་སྟབས་གཅིག།

སྙན་མོའི་པི་ཝང་དཀྲོལ་བའི་དབྱངས་སྙན་གཉིས།།

འཚོ་བའི་མངར་ཁ་འཚོལ་བའི་རྩེད་རིགས་གསུམ།།

དོན་ལྡན་དུས་ཆེན་འདི་ཡི་ཟིན་ཐོར་བཞག།

 

ཐོག་མར་སློབ་པའི་སྐལ་བ་ཐོབ་དང་གཅིག།།

བར་དུ་བརྩོན་པའི་གོམས་གཤིས་ལྡན་དང་གཉིས།།

མཇུག་ཏུ་གསར་གཏོད་འདུན་པ་ཤུགས་ཆེ་བས།།

མི་ལུས་རིན་ཆེན་རིན་ཐང་ལྡན་པར་ཤོག།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག