གནས་འདིར་ཅི་ཡང་ཡོད
མ་གྱུར་སེམས་ཅན་གྱི་ཁྱིམ་གཞི་འདི་ནས་བསྐྱངས་སྲིད་ལ་
འཇིག་ཀྱང་སྲིད་པས
ང་ཚོས་འོད་ལམ་ལམ་གྱི་མར་མེ་ཚེ་འབར་བཟུང་ནས་
གནས་འདིར་འཁྱམ་པའི་ཁོ་ཚོར་
རྒྱགས་ཕྱེ་ཞིག་འཚོལ་རན
ཡིན་ཀྱང
ཅི་བྱས་ཀྱི་བདེན་དཔང་བྲལ་བའི་སྡིག་སྒྲུབ་དེས
གཏུམ་དྲག་ཆེ་བའི་གཤིན་བདག་གི་སྒོ་ཆེན་བརྒལ་བར་དཀའ་བས
གནས་དེ་ཁུ་སིམ་མེར་ འཇམ་ཐིང་ངེར
དགའ་སྤྲོ་དང་དགོད་སྒྲ་མེད་པའི་མྱ་ངམ་ཐང
དེར་བརྟེན
བདག་གིས་གནས་དེ་དྲན་ཐེངས་རེར
རྣམ་ཤེས་མོད་པོ་ཞིག་གི་ལག་བརྡ་མཐོང་ལ
སེམས་པ་གང་མང་ཞིག་གི་སྙིང་གཏམ་ཐོས
ད་དུང
རེ་བཞག་གི་མིག་ཟུང་མང་པོས་ཡུན་རིང་སྐྱེལ་བའི་
དུངས་སེམས་ཀྱི་རང་མདངས་མཐོང་ཕྱིར་
གནས་འདི་ནི་ང་ཚོའི་མཐའ་མཇུག་གི་ཁྱིམ་གཞིས་ཏེ
ཡིད་ལ་རེ་བའི་འབྲས་བུའང་འདི་ནས་སྨིན་དགོས་པ་གཞི་ནས་ཚོར
