མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཚེ་རིང་འཚོ།

ཀ་ཕྲེང་རེ་བའི་འོད་ཐིག

རྩོམ་པ་པོ། ཚེ་རིང་འཚོ།    2013-05-08 10:09

ཀྰ་མེད་སུམ་ཅུའི་དབྱངས་རྟ་སྙན་མོ་་བ་བོད་པའི་རྒྱན་དུ་གྱུར།།

ག་ལེར་བརྩོན་པའི་རྒྱུན་ལ་བསྲིངས་ནས་ང་ཚོའི་དམིགས་འབེན་འགྲུབ་པར་བརྩོན།།

ཅ་ཅོ་གཏམ་གྱི་སྨྲ་བ་མ་མང་ཆ་ལུགས་བཟང་བོ་འདོར་མི་བྱ།།

ཇ་ཤིང་མེ་ཏོག་མིག་ལ་མཛེས་རུང་ཉ་གང་ཟླ་བས་ཕྱེ་ནུས་མིན།།

ཏ་རེ་གཟུངས་ཀྱི་མུ་ཐག་མ་ལྷོད་ཐ་ཚིག་གཏམ་གྱི་སྒོ་ཆེན་རྒྱོབས།།

ད་ནས་དམིགས་འབེན་གསལ་བའི་རི་མོ་ན་ཚོད་ཕྲ་བའི་དུས་ལ་ཕྲིས།།

པ་ཏྲའི་རི་མོ་མིག་ལ་མཛེས་ཀྱང་ཕ་མའི་སེམས་སུ་ཁྱོད་ཉིད་མཛེས།།

བ་གླང་སྤྱོད་པའི་རྩུབ་གཤིས་དོར་ནས་མ་ཡི་བྱམས་བརྩེ་སེམས་ཀྱིས་མྱོངས།།

ཙ་རི་བསྐོར་བའི་སྙན་གྲགས་མ་དམིགས་ཤ་འི་གཏམ་ལ་དཔྱོད་པར་རིག།།

ཛ་ལང་སྤྱོད་དང་ཝ་མོའི་གཡོ་ལ་ཡི་རངས་བྱེད་པའི་སྐྱེས་བུ་དཀོན།།

ཞྭ་གོས་བཟང་བོའི་བསླུ་བྲིད་དང་ནི་ཟ་མའི་བཟང་ངན་མི་གཙོ་བར།།

འ་ཅག་བསིལ་ལྡན་བོད་པའི་སྲོལ་བཟང་ཡ་རབས་སྤྱོད་པས་དང་དུ་ལོངས།།

ར་ལོའི་མི་གཤིས་རྒྱང་དུ་དོར་ནས་ལ་ལུང་ཀུན་ལ་རྣ་བས་ཉོན།།

ཤ་རུས་གཅིག་པའི་སྤུན་ཟླ་ཡོངས་ཀྱི་རེ་ལྟོས་བྱེད་ས་ཁྱེད་ཅག་ཡིན།།

ཧ་ཅང་མཁོ་བའི་བསླབ་བྱ་མིན་རུང་ཨ་མའི་འདུན་པ་གླུ་རུ་དྲངས།།

རེ་བའི་མིག་ཟུང་ཁྱོད་ཚོར་གཏད་པའི་སྙིང་གཏམ་སེམས་ཀྱི་ལྷུག་བརྗོད་ཡིན།།

                         རང་དང་གྱེས་ལ་ཉེ་བའི་སློབ་མ་ཚོར་ཕུལ་བ།  

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག