མདུན་ཤོག- རིག་གནས་འཚོ་བ།- རྩོམ་རིག་ཆེད་སྒྲིག- ཁྲི་སེམས་དཔའ།

སྐྱེ་ཁམས་སྤོ་དམངས།

རྩོམ་པ་པོ། ཁྲི་སེམས་དཔའ།    2013-04-28 09:30

    སྐྱེ་ཁམས་སྤོ་དམངས།

ཁོ་བོ་དེ་སྔ་སྐྱེ་ཁམས་སྤོ་དམངས་ཀྱི་རུ་སྡེ་ཞིག་ལ་རང་ངོས་ནས་བཅར་འདྲིར་ཕྱིན་མྱོང་། སྐབས་ཐོག་དེའི་དྲན་པ་ད་དུང་ཡང་སེམས་ཀྱི་གཏིང་ལ་སིམ་འདུག

    ——ཀླད་ཀྱི་གཏམ།

           བཞུད་པའི་ལོ་ཟླ།                               

    ལོ་ངོ་སྟོང་གི་སྦྲ་རྒན  ཁ་ཆར་གྱི་རླབས་ལ་ཐིམ་སོང

    སྦྲ་རྒན་གྱི་མཐོངས་སུ་བཞད་པའི་སྐར་ཕྲན་ཁྲི་ཕྲག   རླུང་གིས་ཁུར་སོང

    མིག་ལ་ལོབས་པའི་རྩྭ་ཐང    མིག་ནང་ནས་བོར་སོང

    རྣ་ལ་གོམས་པའི་རྫི་གླུ   རྣ་ལམ་ནས་ཡལ་སོང

    རྟ་མཆོག་གི་བང་རྩལ   གཡང་དཀར་གྱི་འབའ་སྒྲ    ཕྱིར་དྲན་གྱི་གསེང་ནས་རྒས་སོང

    སྐྱས་ལམ་ནས་བཏུས་པའི་ཆེས་ཐོག་མའི་བརྩེ་དུངས་ཀྱི་མེ་ཏོག   གངས་ཁྲོད་ནས་རྙིད་སོང

    ཕ་མེས་ཡང་མེས་ཀྱིས་མགོན་དུ་བཀུར་བའི་བླ་རི    དད་སེམས་ཀྱི་ཀློང་ནས་ཤི་སོང

    མཐའ་མཇུག་གི་ཕུང་བོ་བྱ་ལ་གཡེང་སའི་རི་སྒང  ཡང་ན་ལོ་མང་གི་དུར་ཁྲོད    ཁ་ཆར་གྱི་བྲན་དུ་གྱུར་སོང

    དིང་གླིང་གི་འགྱུར་ཁུགས་མུ་མེད་ཀྱི་མཐའ་ལ་བཞུར་སོང

    ……

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག