གོ་ལའི་རྣམ་བཤད།

གོ་ལའི་རྣམ་གཞག་གསུངས་པ་ལ། གོ་ལ་ནི།  བོད་སྐད་དུ་བསྒྱུར་ན།  ཟླུམ་སྐོར་ཏེ་འཇིག་རྟེན་སྤྱིའི་གོ་ལ་ཞེས་པ་གངས་ཅན་ནས་མེའི་བར་གྱི་ཟླུམ་སྐོར་ཡིན་ལ།  དེའི་རྒྱ་ཚད་དཔག་ཚད་སྟོང་ཕྲག་བདུན་ཅུ་རྩ་ལྔ། དེའི་དབུས་ནས་ཉིན་མཚན་མཉམ་པའི་ཚད་ཀྱི་རི་མོ་ནི། དབུས་ཀྱི་གོ་ལའི་རི་མོ་ཡིན་ལ། གོ་ལའི་རི་མོའི་བྱང་དུ་ལྷོ་འཛམ་བུ་གླིང་ལ་ལྟོས་ནས། དེའི་ཐད་ཀར་ལུག་ནས་བུ་མོའི་བར་གྱི་ཁྱིམ་དྲུག །དབྱིབས་པད་འདབ་བཟང་པོ་བཞིན་དུ་གནས་ཤིང་། ཁྱིམ་རྣམས་སུ་ཉི་མ་ཞུགས་པ་ན། རིམ་པ་བཞིན་དཔྱིད་འབྲིང་ནས་སྟོན་རའི་བར་དུ་འགྱུར་ལ། ཉི་མ་གོ་ལའི་རི་མོའི་བྱང་དུ་བགྲོད་དོ། །སྲང་ནས་ཉའི་བར་གྱི་ཁྱིམ་དྲུག་གོ་ལའི་རི་མོའི་ཕྱི་ནས་དབྱིབས་གཞུའི་རྣམ་པ་ལྟར་གནས་ཤིང་། དེར་ཉི་མ་ཞུགས་པ་ནས། གོ་ལའི་རི་མོའི་ལྷོ་རུ་ཉི་མ་བགྲོད་ཅིང་། སྟོན་མཉམ་སྟོན་ཟླ་འབྲིང་པོ་ནས་དཔྱིད་ཟླ་ར་བའི་བར་འགྱུར་རོ། །དེ་བཞིན་དུ་གླིང་གཞན་བཅུ་གཅིག་པོ་རྣམས་སུ་ཡང་། གོ་ལའི་རི་མོའི་ནང་དུ་ཁྱིམ་དྲུག་པད་འདབ་བཟང་པོ་བཞིན་དུ་གནས་ཤིང་། དེར་ཉི་མ་ཞུགས་ནས་རང་རང་གི་དཔྱིད་འབྲིང་ནས་སྟོན་རའི་བར་དུ་འགྱུར་ལ། གོ་ལའི་རི་མོའི་ཕྱི་རུ་ཁྱིམ་དྲུག་གཞུའི་དབྱིབས་སུ་གནས་ཤིང་། དེར་ཉི་མ་ཞུགས་ནས་རང་རང་གི་སྟོན་འབྲིང་ནས་དཔྱིད་རའི་བར་དུ་འགྱུར་རོ། །འདི་ནི། ཐམས་ཅད་མཁྱེན་པས་གསུངས་པའི་ཁྱད་པར་དུ་འཕགས་པའི་བཀོད་པ་སྟེ། གཅིག་བཀོད་པས་ཐམས་ཅད་འགྲུབ་པའི་ཕྱིར་རོ། །འདི་ཁྱིམ་བཅུ་གཉིས་ཀྱི་ཟླུམ་པོར་བསྐོར་བའི་ཚུལ་ཡིན་པས། ཁྱིམ་གྱི་གོ་ལ་ཡིན་ལ། ཁྱིམ་བཅུ་གཉིས་པོ་རྒྱུ་སྐར་གཉིས་གཉིས་དང་རྐང་པ་རེ་རེས་ཕྱེ་བས་རྒྱུ་སྐར་གྱི་གོ་ལར་ཡང་འགྱུར་རོ། །འདི་ལ། ཐ་མལ་བའི་མིག་གིས་མཐོང་བ་དང་འགལ་བར་སྣང་བ། དཔྱིད་ནམ་ཉི་མ་མཉམ་པ་ན། ཤར་ལུས་འཕགས་པོ་ན། བྱང་བགྲོད་མཐར་ཐུག་ཡོད་པས། ཉི་མས་བྱང་ནས་འཆར་བར་རིགས། སྟོན་ནམ་ཉི་མ་མཉམ་པ་ན། ཤར་ལུས་འཕགས་པོ་ན་ལྷོ་བགྲོད་མཐར་ཐུག་ཡོད་པས། ཉི་མ་ལྷོ་ངོས་ནས་འཆར་བར་རིགས་ཤིང་། འདིའི་ལྷོ་བགྲོད་བྱང་བགྲོད་མཐར་ཐུག་གི་དུས་ན། སྟོན་མཉམ་དཔྱིད་མཉམ་ཡོད་པས། དེའི་ཐད་ཀའི་གོ་ལའི་རི་མོའི་སྟེང་དུ་གཅིག་པས་མཐོ་དམན་མེད་ལྷོ་བྱང་མེད་པས། འཆར་ས་གཅིག་ཏུ་འོང་བར་རིགས་པ་ལ། དེ་ལྟར་མ་བྱུང་མོད་ཀྱི། དེའི་རྒྱུ་མཚན་ནི། བསམ་གྱིས་མི་ཁྱབ་སྟེ།   འབྲས་བུ་མངོན་སུམ་དུ་མཐོང་ཡང་། དེའི་རྒྱུ་མཚན་ཤིན་ཏུ་ལྐོག་ཏུ་གྱུར་པའི་ཕྱིར། དཔེར་ན། དགུན་ཉི་ལྡོག་པའི་དུས་སུ། མི་ཕལ་བ་རྣམས་ཀྱིས་ཉི་མ་ཚང་དུ་སྡོད་པ་ཡུན་རིང་ཐུང་ཞེས་བཏགས་པ་བཞིན་དུ། རང་རེས་སྔར་མཐོང་བ་ལ་ཡུན་རིང་ཤོས་ཤིག་ལ། ཞག་བརྒྱད། ཡང་དྲུག་བྱས་པ། བཞི་བྱས་པ། གསུམ་བྱས་པའི་གྲིབ་སོ་མི་འགྱུར་བ་བྱུང་ལ། ཕལ་ཆེ་བ་ཞག་ཏུ་མི་སྡོད་པ་དེ་མང་བ་བྱུང་ཞིང་། དེ་འདྲ་རིགས་པས་བརྟགས་ན་འོངས་མེད་ཅིང་ལུང་ནས་བཤད་པ་མེད་ཀྱང་། ངོ་བོ་མངོན་སུམ་དུ་མཐོང་བ་བཞིན། དེ་བཞིན་དུ་བྱང་བགྲོད་མཐར་ཐུག་ལ་ཉི་མ་ཀཻ་ལ་ཤའི་བར་དུ་འགྲོ་བར་བཤད་དེ། ད་ལྟ་མཐོང་བ་ལ་བྱང་དུ་གྲིབ་མ་ཅུང་ཟད་རེ་ཡོང་གི་ཡོད་པས། དེ་རྣམས་ཀྱི་རྒྱུ་མཚན་བསམ་གྱིས་མི་ཁྱབ་པ་ཡིན་པས། ཐ་མལ་པའི་བློས་མཐོང་བ་དང་འགལ་བ་ལ་བརྟེན་ནས་སངས་རྒྱས་ཀྱིས་གསུངས་པ་མ་ཡིན་ནོ། །ཞེས་ཆོས་སྤོང་གི་ལས་ཆེན་པོ་མ་གསོ་གཅིག །ཡང་དཔྱིད་མཉམ་གྱི་དུས་སུ་ཉི་མ་ཐ་སྐར་གྱི་སྟེང་ན་མེད་པར་འགྱུར་ཏེ། ཐ་སྐར་དང་འཆར་ས་མི་གཅིག་པའི་ཕྱིར་རོ། །སྙམ་ན། འཆར་ས་མི་གཅིག་ཀྱང་ཁྱིམ་གཅིག་ལ། སྐར་མ་དེ་ལ་ཡོད་པའི་གོ་ཆོད་ཅིང་། ཁྱིམ་གཅིག་པས་འཆར་ས་གཅིག་དགོས་པས་ཁྱབ་པ་མེད་དེ། གྲེ་དང་དབོའི་བཞི་ཆ་གཅིག་ཁྱིམ་གཅིག་ན་གནས་ཏེ། འཆར་ས་ཐ་དད་པ་བཞིན་ནོ། །ཡང་ལྷོ་བྱང་གཉིས་སུ་རང་ཕྱོགས་ཀྱི་ཁྱིམ་དུ་ལྷོ་བགྲོད་དུ་བྱུང་བ་ལ། ཤར་ནུབ་གཉིས་ལ་རང་ཕྱོགས་ཀྱི་ཁྱིམ་དུ་བྱང་བགྲོད་འབྱུང་བ་ནི། ཐུར་དུ་ཕབ་པ་དང་། གྱེན་དུ་བཏེག་པའི་ཁྱད་ཡིན་ནམ་སྙམ་མོ། །སྔར་ལ་ཚོད་དཔགས་ན། གོ་ལ་འདི་མཐོང་བ་དང་སྔར་སུས་ཀྱང་མ་ཤེས་པ་ཞིག་ངས་ཤེས་སོ། །ཞེས་སྨྲས་པ་འགའ་རེ་བྱུང་བ་སྙམ་མོ། །

WechatIMG1138.jpeg

        ཉི་མའི་གདུང་བྱེད་ཀྱིས། གངས་ཅན་ནས་མེའི་བར་ལ་ཉིན་ཞག་རེ་ལ་དཔག་ཚད་བཞི་བརྒྱ་དང་བཅུ། རྒྱང་གྲགས་གསུམ། གཞུ་འདོམ་སྟོང་དྲུག་བརྒྱ་བདུན་ཅུ་རྩ་གཅིག་སོར་ཉེར་གཉིས། ནས་གཉིས། ཤིག་དྲུག ། སྐྲ་རྩེ་གཉིས། ཕྲ་མོ་དྲུག  ། ཕྲ་རབ་དྲུག །དེའི་བདུན་ཅུ་དོན་གསུམ་ཆ་ཉེར་དྲུག་རྣམས་བགྲོད་དོ། །ཉི་མའི་དཀྱིལ་འཁོར་ལྷོ་བགྲོད་མཐར་ཐུག །རྒྱ་མཚོའི་བཞི་གསུམ་གྱི་མཐའ་ནས། བྱང་བགྲོད་མཐར་ཐུག་ཀཻ་ལ་ཤའི་བར། མིག་ཀླུ་ཟླ་བས་ཐོབ་པ་ཞེས་གསུངས་ཀྱང་། ཕྱེད་བཅས་མིག་ཀླུ་ཟླ་བས་ཐོབ་པ་ཞེས་དོན་གྱིས་ཐོབ་པས། སྟོང་ཕྲག་ལྔ་བཅུ་ལ། ཕྱེད་བཅས་མིག་ཀླུ་ཟླ་བས་ཐོབ་པའི་ནོར། དཔག་ཚད་བརྒྱ་སོ་དྲུག ༢༧༣ རྒྱང་གྲགས་གསུམ། གཞུ་འདོམ་སྟོང་བརྒྱད་བརྒྱ་སུམ་ཅུ། ༡༧༨༠ ཁྲུ་གཅིག  ༣  སོར་བཅོ་ལྔ།༦ ནས་གསུམ། ༧  ཤིག་བཞི།༡ སྐེ་ཚེ་བདུན།༦ སྐྲ་རྩེ་གསུམ།༧  ཕྲ་མོ་བཞི།༢ ཕྲ་རབ་བདུན།༦ དེའི་དོན་གསུམ་ཆ་སོ་གསུམ་རྣམས་༡༠རྣམས་ཉིན་ཞག་རོ་ལ་བགྲོད་པར་སྣང་ངོ་། །ཉི་མ་གངས་ཅན་ལ་རེག་དུས་མཐོ་དམན་དཔག་ཚད་སྟོང་ཕྲག་བརྒྱད་ཅུ་རྩ་དྲུག་གོ །ཉིན་མཚན་མཉམ་པའི་གོ་ལའི་རི་མོ་ལ་སླེབ་དུས། མཐོ་དམན་དཔག་ཚད་བརྒྱད་ཁྲི་དང་ལྔ་བརྒྱའོ། །ཉི་མའི་གདུང་བྱེད་མེ་ལ་རེག་དུས། མཐོ་དམན་གྱི་ཚད་དཔག་ཚད་སྟོང་ཕྲག་བདུན་ཅུ་རྩ་ལྔའོ། །ཉི་མིའི་གདུང་བྱེད་ཀྱི་འཁོར་ཚད་དེ། ཆུ་ཚོད་རེའི་ཡུན་ལ། དཔག་ཚད་དྲུག་སྟོང་ཉིས་བརྒྱ་ལྔ་བཅུ་བགྲོད་ཅིང་། ཞག་གཅིག་ལ་དཔག་ཚད་འབུམ་ཕྲག་གསུམ་དང་། སྟོང་ཕྲག་བདུན་ཅུ་རྩ་ལྔ་བགྲོད་དོ། །ཞེས་གསུངས་པ་འདི་རྣམས། གོ་ལའི་ཤོག་བཀྲ་དང་ལྷན་ཅིག་ཏུ། ཐམས་ཅད་མཁྱེན་པ་བུ་སྟོན་རིན་པོ་ཆེ་པ་ཞིད་ཀྱིས་བཀོད་པའོ། །

WechatIMG1139.jpeg

      ཕྲ་རབ་ཕྲ་མོ་སྐྲ་རྩེ་དང་། །སྐེ་ཚེ་ཤིག་དང་ནས་དང་སོར། །བདུན་པོ་བརྒྱད་འགྱུར་དག་ཡིན་ནོ། །སོར་མོ་ཉི་ཤུ་རྩ་བཞི་ལ་ཁྲུ། །ཁྲུ་བཞི་ལ་ནི་གཞུ་གང་ངོ་། །གཞུ་དེ་སྟོང་ཕྲག་གཉིས་ཀྱིས་ནི། །རྒྱང་གྲགས་ཉིད་དུ་འདོད་པ་ཡིན། །དེ་བཞི་ལ་ནི་དཔག་ཚད་དོ། །ཞེས་སོ། །འདི་དང་ཆོས་མངོན་པ་ནས་བཤད་པ་ལ། རྒྱང་གྲགས་ལ་བཞི་འགྱུར། དཔག་ཚད་ལ་ཉིས་འགྱུར་གྱི་ཁྱད་སྣང་ངོ་། །མངོན་པར་གཞུ་འདོམ་ལྔ་བརྒྱ་ལ་རྒྱང་གྲགས། རྒྱང་གྲགས་བརྒྱད་ལ་དཔག་ཚད་དུ་འདོད་དོ། །འདུལ་བར་ཕྲ་རག  ཕྲ་མོ། ཆུ། ལྕགས། རི་བོང་། ལུག ། གླང་། ཉི་ཟེར་གྱི་རྡུལ། སྲོ་མ། ཤིག །ནས། སོར་ཏེ། རྡུལ་ཕྲ་རབ་འདི་རྣམས་སྔ་མ་དྲུག་ལ་ཕྱི་མ་རྡུལ་ཕྲ་མོ་གཅིག་གོ །སོར་བཞི་དྲུག་ལ་ཁྲུ་གང་ངོ་། ཁྲུ་ཕྱེད་དང་བཞི་ལ་མིའི་སྲིད་དོ། །ཁྲུ་བཞི་ལ་གཞུའོ། །དེ་ལྔ་བརྒྱ་ལ་རྒྱང་གྲགས་སོ། །དགོན་པའི་དང་པོ་ནི། དེའི་མཐའོ། །ཞེས་སོ། །ཁྲུ་དོ་ནི། ལུས་ཀྱི་ཆ་བདུན་ལས་གཉིས་སོ། །བྱང་དུ་དེ་ནི་བསིལ་བའི་རི་སྟེ། པད་འདང་བཟང་པོ་བཞིན། ཕྱི་རུ་གཞུའི་རྣམ་པའི་དུས་ཁྱིམ་ཞེས་གོ་ལའི་རི་མོའོ། །བསོད་ནམས་གྲུབ་ཀྱི་ཡི་དམ་དུ་བྱ་བའི་ཆོས་སོ།།

རྩོམ་སྒྲིག་པ། མཁའ་འགྲོ་ཚེ་བརྟན།

དཔྱད་མཆན 0 ཡོད།