གངས་ཅན་པའི་སྒོམ་ཆེན་རྣམས་ལ་ཞལ་ཏ།

གངས་ཅན་པའི་སྒོམ་ཆེན་རྣམས་ལ་ཞལ་ཏ།

劝戒雪域诸位大禅修师

རྩོམ་པ་པོ།ས་སྐྱ་པཎྜི་ཏ་ཀུན་དགའ་རྒྱལ་མཚན།

撰文者:萨迦班智达贡噶坚赞

ༀ་སྭ་སྟི་སིདྡྷཾ།

祈愿一切吉祥

གངས་རིའི་ཁྲོད་འདིར་སྒོམ་ཆེན་མང་པོ་ཡོད་དེ།།

རབ་འབྲིང་ཐ་མའི་ཚུལ་དུ་སྤྲིང་བར་བྱ།།

དེ་ལ་ལོག་པའི་ཕྱོགས་འཛིན་སྤངས་པ་ཡི།།

རབ་ཏུ་དད་པའི་ཡིད་ཀྱིས་གསན་པར་ཞུ།།

雪山疆域此境多禅师,

高中初等师前致此言。

敬请去除偏执邪知见,

极佳善信使起聆听之。

ལྟ་བ་སྤྲོས་བྲལ་རྣམ་དག་ཤུགས་འཆང་ལུས།།

གཡེང་མེད་སྒོམ་པ་རྣམ་དག་ཡན་ལག་ལྡན།།

སྤྱོད་པ་རྣམ་དག་གཡུ་ཡི་རལ་བ་ཅན།།

སེང་གེ་གངས་ལ་གནས་པའི་སྒོམ་ཆེན་ཡིན།།

清净离戏正见力身具,

无散清净修持肢体足,

清净行为青玉鬃须者,

即为大修善居雪山狮。

འགྲོ་དོན་དཔག་མེད་གོ་ཆ་རབ་བགོས་ཏེ།།

ཚོགས་གཉིས་རྟར་ཞོན་བརྩོན་པའི་ལྕག་གིས་བསྐུལ།།

ཤེས་རབ་མཚོན་གྱིས་ཉོན་མོངས་དགྲ་ཚོགས་འཇོམས།།

དཔའ་བོ་གཡུལ་དུ་ཞུགས་པའི་སྒོམ་ཆེན་ཡིན།།

无量有情事业披铠甲,

精进鞭策资粮二法驹,

智慧利刃摧破烦恼敌,

即为大修勇士赴战场。

དྲི་མེད་བསླབ་གསུམ་རིན་ཆེན་བང་མཛོད་ལྡན།།

འགྲོ་ལ་མི་འཇིགས་ཟང་ཟིང་སྦྱིན་གཏོང་མཛད།།

དམ་ཆོས་སྦྱིན་པས་ཐར་ལམ་འཛུད་བྱེད་པ།།

བསྡུ་བས་གཞན་དོན་མཛད་པའི་སྒོམ་ཆེན་ཡིན།།

具足无垢三学珍宝藏,

于众善行无畏财布施,

妙施善法令入解脱道,

即为以摄利他之大修。

དེ་ལྟར་སྒོམ་ཆེན་རབ་གསུམ་བསྟན་པ་ཡི།།

སྙིང་པོ་མཆོག་ཏུ་གྱུར་པ་མཁྱེན་མཛོད་ཅིག།

如是三种大修咸开示,

精髓殊胜之处请明知。

གདམས་པ་རྒྱ་མཚོ་ཁོང་དུ་མ་ཆུད་ཀྱང་།།

སྤྱི་བོར་བླ་མ་སྒོམ་ཞིང་དད་པ་ཡིས།།

མིག་ནས་མཆི་མ་འཁྲུངས་ཤིང་གསོལ་འདེབས་པ།།

ཐར་བའི་ལམ་སྣ་ཟིན་པའི་སྒོམ་ཆེན་ཡིན།།

浩瀚教言虽未了于心,

然于顶轮观师且生信,

泪水流注虔诚发祈愿,

是持解脱道之大修者。

དམིགས་མེད་ལྟ་བས་འཆིང་བ་མ་གྲོལ་ཡང་།།

རིན་ཆེན་བྱང་ཆུབ་སེམས་ཀྱིས་ཐུགས་རྒྱས་ཏེ།།

གཞན་དོན་སྒྲུབ་ལ་ཞུམ་པ་མི་མངའ་བ།།

གཞན་ཕན་ཡིད་བཞིན་ནོར་བུའི་སྒོམ་ཆེན་ཡིན།།

虽无无缘正见解束缚,

菩提心宝意中然满盛,

行持利他事业无怯懦,

即为大修他利如意宝。

ཐེག་མཆོག་བསྒྲུབ་པ་ཚུལ་བཞིན་མ་ནུས་ཀྱང་།།

དབང་བཞིའི་དམ་ཚིག་མེ་ཏོག་ཆུན་པོ་ནི།།

མགོ་ཡི་ཐོད་བཞིན་རབ་ཏུ་སྲུང་བྱེད་པ།།

སྲིད་པ་མྱུར་དུ་སྒྲོལ་བའི་སྒོམ་ཆེན་ཡིན།།

胜乘修持未能如理修,

四种灌顶誓言妙花束,

如头如首善守恒常持,

即为速脱三有之大修。

བརྩེ་བས་གཞན་དོན་བསྒྲུབ་པའི་སེམས་མེད་ཀྱང་།།

དྲི་མེད་བཀའ་དང་དམ་པའི་གསུང་ཐོས་ནས།།

བླང་དོར་རྒྱུ་དང་འབྲས་བུ་ལྷུར་བྱེད་པ།།

ངན་འགྲོའི་སྒོ་འཕྲང་གཅོད་པའི་སྒོམ་ཆེན་ཡིན།།

虽无悲行他利之心念,

然闻无垢法旨及尊言,

善加勤行因果取舍法,

是封恶趣门道大修者。

དེ་ལྟར་དེ་དག་བསྟན་པའི་སྒོར་ཞུགས་ཞེས།།

རྟོགས་ལྡན་སྐྱེས་བུ་དག་གིས་མཁྱེན་པར་མཛོད།།

རང་ཉིད་གང་མོས་ལམ་དུ་ཞུགས་པ་དང་།།

གཞན་ལ་ངེས་ཤེས་བསྐྱེད་ཕྱིར་བླང་བར་མཛོད།།

如谓诸等善入佛道者,

诸位智者愿请善了知,

自己如何所愿入彼道,

令他生信愿请取受之。

དམ་པའི་གདམས་པས་སྤྲོས་པ་མ་ཆོད་པར།།

ཞི་གནས་བྱིང་པོ་གཅིག་ལ་སེམས་བཟུང་ནས།།

གཏི་མུག་མུན་པ་ཡང་ཡང་སྤེལ་བྱེད་པ།།

འཕྱི་བ་ཚང་དུ་ཉལ་བའི་སྒོམ་ཆེན་ཡིན།།

未以上尊教言除戏论,

心仅执取止观昏聩境,

反复令增无明昏暗者,

即为大修旱獭穴中眠。

དད་དང་འདུན་པས་སེམས་རྒྱུད་མ་ཐུལ་བར།།

འགྲན་འདོད་དབེན་པའི་རི་ལ་བརྟེན་བྱས་ཏེ།།

འདོད་ཡོན་སྒོ་ཀུན་རྟག་ཏུ་ཡིད་བྱེད་པ།།

གཅན་ཟན་རི་ལ་ཉལ་བའི་སྒོམ་ཆེན་ཡིན།།

未以信心意乐调相续,

攀比贪欲秘境山为依,

妙欲诸门恒常作意者,

是兽居栖山中之大修。

ཐར་བའི་ལམ་དོར་ཉེས་པ་ཀུན་སྤེལ་བས།།

བཟང་འདོད་རི་བྲག་གནས་པས་དུས་འདས་ཏེ།།

དེ་རྗེས་ཡོན་བདག་ཕོ་མོའི་གྲོང་ཆོག་མཁན།།

ཝ་འདྲ་གྲོང་སྟོང་འགྲིམ་པའི་སྒོམ་ཆེན་ཡིན།།

舍弃解脱妙道增诸恶,

力求上贤居山耗时日,

后为施主男女做经忏,

如狐游荡空城之大修。

ཆོས་གྲགས་འདོད་པ་རྩ་ཡི་མེ་བཞིན་འབར།།

ཁ་ཕྱིར་ཀུན་ཏུ་རྒྱུ་བའི་བརྩོན་འགྲུས་ཅན།།

ལོག་པའི་འཚོ་བས་རྟག་ཏུ་འཚོ་བྱེད་པ།།

ཁྱི་རྐུན་གྲོང་མཐའ་ཉུག་པའི་སྒོམ་ཆེན་ཡིན།།

法称名欲如燃杂草火,

仅为口腹精勤游走者,

恒以邪命财用作维持,

浪狗窃贼摸城之大修。

རྒྱལ་པོ་ངན་པའི་ཚུལ་འཆང་ངུར་སྨྲིག་འཛིན།།

ཆགས་སྡང་མཚོན་ཐོགས་དུ་མའི་འཁོར་གྱིས་བསྐོར།།

མི་དགེའི་ཕྲིན་ལས་ཕྱོགས་ཀུན་རྒྱས་བྱེད་པ།།

ངན་འགྲོའི་གནས་གསུམ་སྤེལ་བའི་སྒོམ་ཆེན་ཡིན།།

劣王相般披着袈裟衣,

执持贪嗔兵刃众眷拥,

不善事业诸方昌盛者,

是增恶趣三道之大修。

དེ་ལྟར་སྒོ་གསུམ་དགེ་ལ་གོལ་བ་ཡི།།

སྡིག་བྱེད་འདི་དག་བསྟན་པའི་ཆོམ་རྐུན་ཞེས།།

བསྟན་པའི་སྒོར་ཞུགས་སྟོན་པའི་བྱ་བ་ལ།།

སྡང་བས་ལོག་ཞུགས་བྱེད་པ་སྤང་བར་ཞུ།།

如是三门背离善妙法,

此等恶者可谓盗法者,

入佛之门恶念破佛业,

颠倒忤逆之业愿请断。

དྲི་མེད་བསྟན་པའི་མཁའ་ལ་གེགས་མེད་པར།།

ཤར་བའི་ལུང་རྟོགས་དཀྱིལ་འཁོར་རྒྱས་པ་ཅན།།

ལེགས་བཤད་འོད་ཀྱིས་མཛེས་པའི་ཉི་མ་དེས།།

གདུལ་བྱའི་ཚལ་ནི་དགེ་བས་རྒྱས་གྱུར་ཅིག།

无垢佛教天空无障碍,

普照教证二法圆轮满,

善说光芒美耀之太阳,

以此增胜所化之园林。

ཅེས་དཔལ་ལྡན་ས་སྐྱ་པཎྜི་ཏས།བྱང་ཕྱོགས་འགའི་ཡུལ་ནས་གངས་ཅན་གྱི་སྒོམ་ཆེན་པ་རྣམས་ལ་ཞལ་ཏ་བྱེད་པའི་ཚིགས་སུ་བཅད་པའོ།།མངྒ་ལཾ།།

    如是所云是具德萨迦班智达为卫藏北部嘎域地区诸雪域大修者所致偈颂教言书信。

     祈愿一切吉祥!

རྩོམ་སྒྲིག་པ། མཁའ་འགྲོ་ཚེ་བརྟན།