མཚན་གུང་།

    གཉིད་ལས་སད་དུས།

    མུན་པ་ཧ་ཅང་མཐུག་ཅིང་མུན་པའི་ཁྲོད་ན་གྲང་ངར་དེ་བས་རྣོ།

    དོ་ནུབ་ཅི་ཞིག་གིས།

    ངའི་རྣམ་ཤེས་ལ་བཙན་འཛུལ་བྱས་ཤིང་།

    མཐའ་འཁོར་གྱི་དགའ་ཉེ་དག་ལ་སེམས་ཁྲལ་རེ་བཟོས་སོང་།

    ངས་མཐོང་མི་འདོད་པའི་སྐད་ཆ་དག་མེ་རུ་བསྲེགས་རྗེས།

    ཞེ་སེམས་ཀྱི་སེམས་གསོ་དག་རུམ་ནས་གཉིད་དུ་ཡུར་ཡང་།

    ང་ལ་ཕྲག་དོག་གིས་བཟི་བའི་མཚན་གུང་འདིས།

    ཡང་བསྐྱར་ངའི་གཉིད་ཀྱི་བདེ་བ་དག་ཕྲོགས་སོང་།

    ངས་མུན་ནག་འདི་ཕར་ལ་སྤྲོད་བྱེད་ཀྱི་གློག་སྒྲོན་ཞིག་ལ་འཇུ་འདོད་ཀྱང་།

    མུན་པའི་ཧམ་ཤེད་དང་འཇིགས་དངངས་འདི།

    ང་མལ་ལས་ལངས་མ་ཐུབ་ཅིང་མུན་པ་དང་དེ་བས་འཐབ་མ་འདོད།

    གང་ལྟར་ཡང་ངས་མུན་པ་འདི་ཕྱི་ལ་སྤྲོད་མ་ཐུབ།

    མཚོ་སྔོན་བོད་ཡིག་གསར་འགྱུར། 2015·02·06།པར་ངོས15པ།

རྩོམ་སྒྲིག་པ། རིག་འཛིན།
རྩོམ་སྒྲིག་འགན་འཁུར་བ། རིག་འཛིན།


འབྲེལ་ཡོད་རྩོམ་ཡིག