མདུན་ཤོག- རིག་གནས་འཚོ་བ།- བྱ་དགའ་ཡོད་པའི་རྩོམ་ཡིག- གླུ་ཚིག

ཤག་གླུ་ཕར་ལེན་ཚུར་ལེན། དང་པོ།

རྩོམ་པ་པོ། ཚེ་རིང་འཚོ།  ཡོང་ཁུངས། ཀན་ལྷོ་ཀླུ་ཆུ་རྫོང་བོད་ཡིག་སློབ་ཆུང་།  2013-09-25 13:13

ཐུལ་དཀར་འབྲི་མོའི་བཞོ་འོག་ན།།
བཞོ་མེད་བུ་མོ་སྙིང་རེ་རྗེ།།
འབའ་འབའ་ལུ་གུའི་རྩེད་ར་ན།།
ལང་ཚོ་རྒས་པ་ཤེས་ཀྱིན་མེད།།
དེ་རིང་ཁྲོམ་པའི་གྲལ་མཐའ་ན།།
ངག་འདར་བུ་མོ་སྙིང་རེ་རྗེ།།

ཐུལ་དཀར་འབྲི་མོའི་བཞོ་འོག་ན།།
བཞོ་མེད་རུང་སྙིང་རྗེ་ཟེར་དོན་མེད།།
གནས་རིག་པའི་ཕྱོགས་ལ་འབད་ནས་ཡོད།།
དུས་གསར་བའི་རྗེས་སུ་བསྙེགས་ཀྱིན་ཡོད།།
འབའ་འབའ་ལུ་གུའི་རྩེད་ར་ནས།།
ལང་ཚོ་རྒས་པ་ཤེས་ནས་ཡོད།།
སད་རྟོགས་ཀི་རིང་འདེབས་ཀྱིན་ཡོད།།
མ་ལོའི་རེ་བ་སྐོང་གི་ཡོད།།
དེ་རིང་ཁྲོམ་པའི་གྲལ་མཐའ་ན།།
ངག་འདར་འདར་བྱེད་དོན་ཡེ་ནས་མེད།།
ནང་ཁྲོམ་པ་ཁྱོད་དབང་ང་དབང་རེད།།
ང་གླུ་མས་ཡུན་གྱིས་རྩེད་རྒྱུ་ཡིན།།

འདུ་ཁང་དམར་པོའི་གདན་སྟེང་ན།།
ཆོས་མེད་བན་ཆུང་སྙིང་རེ་རྗེ།།
དཔའ་རྟགས་ངོམས་སའི་གཡུལ་ས་ན།།
དཔའ་མེད་བུ་ཆུང་འདར་སུག་སུག།
དེ་རིང་ཁྲོམ་པའི་གྲལ་མཐའ་ན།།
གླུ་མེད་བུ་ཆུང་རྔུལ་ཆུ་བཞུར།།

འདུ་ཁང་དམར་པོའི་གདན་སྟེང་གི།
བན་ཆུང་སྙིང་རྗེ་ཟེར་དོན་མེད།།
རིགས་རུས་དུངས་ཞེན་ཆེ་ནི་རེད།།
དགོན་པའི་དོན་ཆེན་བསྒྲུབ་ནི་རེད།།
དཔའ་རྟགས་ངོམས་སའི་གཡུལ་ས་ནས།།
དཔའ་མེད་བུ་ང་སྐྱོ་གི་མེད།།
བློ་དང་རིག་པས་ཕྱུག་ནས་ཡོད།།
མཐུན་སྒྲིལ་སེམས་སུ་བཅངས་ནས་ཡོད།།
དེ་རིང་ཁྲོམ་པའི་གྲལ་མཐའ་ནས།།
གླུ་མེད་བུ་ང་འཚབ་དོན་མེད།།
སྙན་མོའི་སྐད་གདངས་ངག་ན་ཡོད།།
སྲོལ་རྒྱུན་རྩེད་འཇོ་རོལ་བར་དགའ།།

གཟུ་བ།

ཤགས་བཟང་པོའི་གླུ་སྒོ་ཕྱེ་ས་ན།།
བུ་བུ་མོའི་བསམ་བློ་མེ་རུ་འབར།།
ང་གཟུ་བ་དགའ་ནི་སྐྱིད་ནི་ཡིན།།
དུས་ཡང་ཡང་འབར་བའི་སྨོན་ལམ་འདེབས།།
ཤགས་བཟང་པོའི་གླུ་སྒོ་ཕྱེ་ས་ན།།
ནང་ཁྲོམ་པ་ཁྱོད་དབང་ང་དབང་རེད།།
ནང་མཐུན་སྒྲིལ་བཟང་ནོ་རྩ་བ་རེད།།
ཁྲོམ་ཇི་ལྟར་རྩེ་རུང་ཡང་སྐྱིད་ཡིན།།
ཤགས་བཟང་པོའི་གླུ་སྒོ་ཕྱེ་ས་ན།།
སྨན་བུ་མོའི་རང་སྣང་ཇེ་མཐོ་རེད།།
སྟག་ཤ་རའི་སེམས་རྒྱ་ཇེ་ཆེ་རེད།།
དོན་དམིགས་ཡུལ་འགྲུབ་པའི་དན་རྟགས་ཡིན།

པར་དབང་གསལ་བསྒྲགས།      ངེད་ཀྱི་སྐོར།      འབྲེལ་གཏུགས་བྱེད་ཚུལ།

གློག་འཕྲིན་ཡིག་སྒམ། tibet3@126.com    ཁ་པར། 0971-8455441

©2006-2013 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག