ཡུལ་གང་ཞིག་ལ་རྒྱུས་ལོན་ཟབ་མོ་ཞིག་བྱེད་དགོས་ན་དེའི་ས་བབ་ཆགས་ཚུལ་དང་ནམ་ཟླ། མཁའ་དབུགས། རིག་གནས་དང་ལོ་རྒྱུས་སོགས་ཤེས་རྒྱུ་ཤིན་ཏུ་གལ་ཆེ་བ་ཞིག་རེད། འདིར་བདེ་ཆེན་ཡུལ་གྱི་ས་བབ་ཆགས་ཚུལ་སྐོར་ཞིབ་ཕྲའི་སྒོ་ནས་ངོ་སྤྲོད་གནང་བ་ལ།
བདེ་ཆེན་གྱི་ས་བབ་ནི་རི་སྣ་གསུམ་གྱིས་གཙང་བོ་གཉིས་བསྡམས་འདུག་ཅེས་སྤྱི་ཕྱོགས་ནས་འདི་ལྟར་བཤད་ཆོག བདེ་ཆེན་མངའ་ཁོངས་ནང་གི་རི་མཐོ་ཞིང་གཞོངས་པའི་ཕུ་རིང་བ། རི་ཕྲེང་བསྟར་དུ་བསྒྲིགས་ནས། རི་ཁུལ་དང་། འབའ་འབུར། གད་པའི་རིམ་པ་སོགས་ཆུ་གཞོང་དང་བསྣོལ་མཚམས་ཀྱིས་ཁྱབ་ཡོད། ས་བབ་ཀྱི་གྲུབ་ཚུལ་དེ་བར་ཁྱད་ཆེ་ཞིང་། ཆེས་དམའ་ས་ནི་འབའ་ལུང་རྫོང་ཝེ་ཏིང་ཤང་ཞའོ་ཏེན་གྲོང་ཚོའི་པུས་ཡུས་ཆུ་བོ་དེ་ཟླ་ཆུར་འབབ་ས་དེ་ཡིན་པ་དང་། རྒྱ་མཚོའི་ངོས་ལས་མཐོ་ཚད་ལ་སྨི1486ཡོད། ཆེས་མཐོ་ས་ནི་འཇོལ་རྫོང་གི་རི་ཁ་བ་དཀར་པོ་ཡིན་ལ། རྒྱ་མཚོའི་ངོས་ལས་མཐོ་ཚད་ལ་སྨི6740ཡོད།
བདེ་ཆེན་ཡུལ་དུ་གང་སར་གངས་རི་དང་ནགས་རི། རྫ་རིའི་བརྒྱན་པའི་མཛེས་པ་མཐོང་ཐུབ།
རི་ཁུལ་གྱི་ཆགས་ཚུལ་ངོས་ནས་བཤད་ན། རིགས་གསུམ་ཡོད་དེ། རིའི་མཐོ་ཚད་འབྲིང་ཙམ་པ་སྟེ་རྒྱ་མཚོའི་ངོས་ལས་མཐོ་ཚད་སྨི1503ནས་སྨི3500བར་ཡིན། རི་ཁུལ་ཅུང་མཐོ་བ་ནི་རྒྱ་མཚོའི་ངོས་ལས་མཐོ་ཚད་སྨི3000ནས་སྨི4000བར་གྱི་རི་དང་རི་མཐོན་པོའི་བར་མཚམས་ཡིན། རི་མཐོན་པོ་ཅན་སྟེ་རྒྱ་མཚོའི་ངོས་ལས་མཐོ་ཚད་སྨི3500ནས་སྨི5000ཅན་དང་། རི་ཧ་ཅང་མཐོ་བ་ཅན་སྟེ་སྨི5000ཡན་གྱི་རི་མཐོ་བཅས་ཡིན།
བདེ་ཆེན་གྱི་གྲོག་རོང་གི་རྣམ་པ་ནི་ཅུང་མངོན་གསལ་ཆེ་བ་ཞིག་ཡིན་སྟེ། འབྲི་ཆུ་དང་ཟླ་ཆུའི་འགྲམ་རྒྱུད་གཉིས་ཀྱི་གྲོང་རོང་རིང་ཞིང་བརྗིད་ཉམས་ཆེ་ལ། བྱང་ནས་ལྷོ་བར་ཁུལ་ཡོངས་ཀྱི་ས་ཆ་ཟིན་ཡོད། འགྲམ་ངོགས་གཉིས་ཀྱི་གཟར་ངོས་བར་ཁྱད་ཆེ་ལ། གཙང་བོ་གཉིས་ཕན་ཚུན་བསྣོལ་མར་འདྲེས་པའི་གྲོག་རོང་ཡང་མང་བས་འཛམ་གླིང་ཡུལ་གྲུ་གཞན་ན་མཐོང་དཀོན་པའི་མཐོ་སྒང་གི་ཁྱད་མཚར་བའི་གྲོག་རོང་གི་རྣམ་པ་ཞིག་གྲུབ་ཡོད་འདུག
མཛེས་སྡུག་ལྡན་པའི་ཕ་ཁྱིམ།
བདེ་ཆེན་གྱི་མངའ་ཁོངས་ནང་སྟག་མཆོང་གྲོག་རོང་དང་། རྫ་ཆུ་དེ་འཇོལ་རྫོང་གི་ཧྥའོ་ཧྲན་ཤང་ནས་ཡན་མེན་བར་བཞུར་བའི་གྲོང་རོང་ཡོད་ཅིང་དེ་ལ་རྫ་ཆུའི་གྲོག་རོང་ཆེན་མོ་ཟེར་ལ་རིང་ཚད་ལ་སྟོང་སྨི100ལྷག་ཡོད་པ་རེད། གཞན་འབྲི་ཆུའི་རིམ་པ་དང་པོའི་ཡན་ལག་བཞུར་རྒྱུན་ཁྲོད་དུ། སེམས་ཀྱི་ཉི་ཟླའི་གྲོག་རོང་ཆེན་མོ་སྟེ། སྐད་ཚགས་ས་ཆ་ནས་ཉི་ཤར་འབའ་ལྷག་དཀར་འཛོམས་གྲོག་རོང་གཉིས་ཀྱིས་གྲུབ་པའི་གྲོག་རོང་ཡང་ཡོད་པ་རེད།
ཤམ་བྷ་ལ་གྲོག་རོང་ཆེན་མོ།
བདེ་ཆེན་ཡུལ་དུ་ད་དུང་གནའ་བོའི་འཁྱག་རོམ་མང་ཞིང་། འཇོལ་རྫོང་དང་སེམས་ཀྱི་ཉི་ཟླའི་རྒྱ་མཚོའི་ངོས་ལས་མཐོ་ཚད་སྨི5000ཡན་གྱི་གངས་རིའི་ཁྲོད་སོ་སོར་ཁྱབ་ཡོད། དེ་དག་ལས་རྒྱ་ཁྱོན་ཆེས་ཆེ་ཤོས་ནི་ཁ་བ་དཀར་པོ་ནས་སྨན་བཙུན་མོའི་བར་གྱི་དེང་སང་གི་འཁྱག་རོམ་དེ་ཡིན། རྒྱ་ཁྱོན་ལ་སྟོང་སྨི་གྲུ་བཞི་མ73.5ཡོད། སེམས་ཀྱི་ཉི་ཟླ་ཧ་པ་རི་བོའི་འཁྱག་རོམ་གྱི་རྣམ་པ་ཆེས་ཆུང་ཞིང་། རྒྱ་ཁྱོན་ལ་སྟོང་སྨི་གྲུ་བཞི་མ2.1ལས་མེད།
དགའ་ལྡན་སུམ་རྩེན་གླིང་།
བདེ་ཆེན་ཡུལ་དུ་རྒྱ་ཆེ་བའི་ཐན་སྐྱུར་ཚ་གསུམ་རིགས་ཀྱི་བྲག་རྡོ་དང་། འཁྱག་རོམ་སོགས་ཀྱི་ནུས་པར་བརྟེན་ནས། ཁྱད་མཚར་བའི་མཐོ་སྒང་གི་བྲག་ཞུན་རྣམ་པ་ཞིག་གྲུབ་ཡོད་པ་རེད། ཤྭ་ཁ་རི་བོ་དང་། ཆུ་དཀར་ཆུ་ནག མྱི་ཟུར་གྱི་མུ་ཏིག་ཐང་། སྐད་ཚགས་ཡུལ་གྱི་ལྷ་མིའི་དུང་ལམ། མྱི་ཟུར་གྱི་འཕགས་མོ་གནས། འབའ་ལུང་གི་ཕ་དམ་པ་སངས་རྒྱས་ཀྱི་གནས། འཇོལ་རྫོང་བྲག་ཞབས་ཀྱི་བྲག་རྡོའི་དུང་ལམ་སོགས་ཡོད་ལ། འདི་དག་ནི་ད་དུང་ཡུལ་འདིའི་དད་ལྡན་པས་མཇལ་སྐོར་བྱེད་སའི་གནས་འགངས་ཆེན་དུ་ཡང་གྱུར་ཡོད།
མེ་ལོང་འཁྱགས་རོམ།
ཆུ་དཀར་ཆུ་ནག