​ད་ལོ་བོད་ལྗོངས་སུ་མཐོ་རིམ་སློབ་འབྲིང་དང་འབྲིང་རིམ་ལས་རིགས་སློབ་གྲྭར་རྒྱུགས་སྤྲོད་པའི་སློབ་མ་ཁྲི4ཙམ་ཡོད།

ཀྲུང་གོ་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་སློབ་གསོ་ཡིག་རྒྱུགས་ཁང་ནས་ཤེས་རྟོགས་བྱས་པར་གཞིགས་ན།  སྤྱི་ལོ2018ལོར་བོད་རང་སྐྱོང་ལྗོངས་ཀྱི་མཐོ་རིམ་སློབ་འབྲིང་དང་འབྲིང་རིམ་ལས་རིགས་སློབ་གྲྭར་སློབ་མ་བསྡུ་བའི་གཅིག་གྱུར་རྒྱུགས་སྤྲོད་སློབ་མའི་སློབ་ཁོངས་གཏན་འཁེལ་དང་དྲ་ཐོག་མིང་འགོད།  ཆ་འཕྲིན་གཏན་འཁེལ།  རྒྱུགས་ར་བཀོད་སྒྲིག་བཅས་ཀྱི་ལས་དོན་བདེ་བླག་ངང་མཇུག་སྒྲིལ་བ་དང་།  ད་ལོ་བོད་ལྗོངས་སུ་རྒྱུགས་སྤྲོད་སློབ་མ་ཁྱོན་ཁྲི4ལྷག་ཡོད། 

སྤྱི་ལོ2018ལོའི་བོད་ཀྱི་འབྲིང་རྒྱུགས་སྤྱི་ཟླ6པའི་ཚེས20ཉིན་ནས་ཚེས22ཉིན་བར་གཏོང་རྒྱུ་རེད།  བོད་ལྗོངས་ཀྱིས་ལྷ་ས་དང་ཆབ་མདོ།  ལྷོ་ཁ།  གཞིས་རྩེ།  ནག་ཆུ།  མངའ་རིས།  ཉིང་ཁྲི།  གོར་མོ།  བོད་ལྗོངས་མི་རིགས་སློབ་ཆེན།  ཁྲེན་ཏུའུ་བཅས་སུ་རྒྱུགས་ཁུལ10བཙུགས་ཡོད་ལ།  ཁྱོན་ཡིག་རྒྱུགས་གཏོང་གནས91དང་རྒྱུགས་ར1458བཀོད་སྒྲིག་བྱས་ཡོད།   །  
 

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།