རྒྱལ་ཡོངས་རྟ་རྩལ་འགྲན་བསྡུར་གྱི་ལེགས་སྐྱེས་འགྲན་བསྡུར་མཇུག་འགྲིལ་ལ་བོད་ལྗོངས་རུ་ཁག་གིས་ཚོགས་པའི་ཨང་དང་པོ་བླངས་པ།

F201805151610431816702831.jpg

ཀྲུང་གོ་བོད་ཀྱི་དྲ་བའི་འཕྲིན།  ཟླ5ཚེས13ཉིན། 2018ལོའི་རྒྱལ་ཡོངས་རྟ་རྩལ་འགྲན་བསྡུར་གྱི་ལེགས་སྐྱེས་འགྲན་བསྡུར་མཇུག་འགྲིལ་བ་དང་། མཐའ་མཇུག་ཉིན་མོའི་བཀག་རྩལ་འགྲན་བསྡུར་བྱས་པར་བརྒྱུད། ཚོགས་པའི་འགྲན་བསྡུར་གྱི་བང་རིམ་ལ་འགྱུར་ལྡོག་བྱུང་བ་རེད། དེ་སྔོན་ཉིན་གཉིས་ཀྱི་འགྲན་བསྡུར་ནང་ཨང་དང་པོ་ཡིན་པའི་ཀོང་ཏུང་རུ་ཁག་ཨང་གཉིས་པར་ཟགས་པ་དང་། ཨང་གསུམ་པ་ཡིན་པའི་བོད་ལྗོངས་རུ་ཁག་གིས་བརྩོན་ལེན་བྱས་པ་བརྒྱུད་ཚོགས་པའི་ཨང་དང་པོ་བླངས་པ་རེད། ཅང་སུའུ་རུ་ཁག་དང་ཧྲང་ཧའེ་རུ་ཁག་ལ་ཁག་སོ་སོར་ཨང་གསུམ་པ་དང་བཞི་པ་ཐོབ་པ་རེད།    

རྒྱལ་ཡོངས་རྟ་རྩལ་འགྲན་བསྡུར་གྱི་ལེགས་སྐྱེས་འགྲན་བསྡུར་ནི། རྒྱལ་ནང་གྱི་རིམ་པ་མཐོ་ཤོས་ཀྱི་རྟ་རྩལ་འགྲན་བསྡུར་ཞིག་ཡིན་པ་དང་། ཐེངས་འདིའི་ལེགས་སྐྱེལ་འགྲན་བསྡུར་ནི། ཀྲུང་གོ་རྟ་རྩལ་མཐུན་ཚོགས་དང་ ཐན་ཅིན་གྲོང་ཁྱེར་ལུས་རྩལ་ཅུས་ཀྱིས་གཙོ་གཉེར་བྱས་པ་དང་། ཐན་ཅིན་གྲོང་ཁྱེར་ལུས་རྩལ་སྤྱི་ཁྱབ་ཚོགས་པ་དང་། ཐན་ཅིན་གྲོང་ཁྱེར་རྟ་རྩལ་ལུས་རྩལ་མཐུན་ཚོགས། ཐེན་ཅིན་གྲོང་ཁྱེར་ཀའོ་ཡིང་རྒྱལ་སྤྱིའི་རོལ་རྩེད་ཚད་ཡོད་ཀུང་སི་བཅས་ཀྱིས་སྒྲུབ་འགན་འཁུར་བ་ཞིག་ཡིན་པ་རེད། འདི་ལོའི་འགྲན་བསྡུར་ནི་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་འདེམས་སྒྲུག་འགྲན་བསྡུར་ཡིན་ཞིང་། འགྲན་བསྡུར་གྱི་རིམ་པ་ནིFEIསྐར་རིམ་དང་པོའི་ཆུ་ཚད་ལྟར་ཇུས་འགོད་བྱས་ཡོད་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།