ཀྲུང་གོ་བོད་ཀྱི་དྲ་བའི་འཕྲིན། བོད་རང་སྐྱོང་ལྗོངས་ཀྱི་ལས་བཟོ་པའི་དཔུང་ཁག་སྤྱི་ཡོངས་ཀྱི་བྱང་ཚད་མཐོ་རུ་གཏོང་ཆེད། ཀྲུང་ཧྭ་རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས་རོགས་སྐྱོར་འཛུགས་སྐྲུན་བྱས་པའི་གོང་གི་ཁག་གཉིས་ཀྱི་ལས་བཟོ་པའི་དཔེ་དེབ་ཁང10ཚང་མ་ལེགས་སྒྲུབ་ཟིན་པ་མ་ཟད་བེད་སྤྱོད་གཏོང་འགོ་ཚུགས་པ་རེད། ལྗོངས་སྤྱི་ཁྱབ་བཟོ་ཚོགས་ཀྱིས་ལོ་གསུམ་ནས་ལྔ་བར་གྱི་དུས་ཚོད་སྤྱད་དེ་རིམ་པ་ཁག་གི་བཟོ་ཚོགས་རྩ་འཛུགས་སྐུལ་སློང་བྱས་ནས་སྟོབས་ཤུགས་གཅིག་བསྡུས་བྱེད་པ་དང་དགོས་ངེས་ཀྱི་མ་དངུལ་བཏང་ཏེ། ལྗོངས་ཡོངས་སུ་རང་སྐྱོང་ལྗོངས་རིམ་པའི་ལས་བཟོ་པའི་དཔེ་དེབ་ཁང་གི་དཔེ་སྟོན་ཁུལ100བཙུགས་ནས་ལས་བཟོ་པའི་རིག་གནས་འཚོ་བ་ ཕུན་སུམ་ཇེ་ཚོགས་སུ་གཏོང་རྒྱུའི་འཆར་གཞི་ཡོད་པ་རེད།  །