2018 ལོའི“སེམས་མཐུན• ཀྲུང་གོའི་སེམས་པ་མཉམ་གཏོད”ཀྱི་རོགས་སྐྱོབ་ལས་དོན་སྤེལ་འགོ་ཚུགས་པ།

W020181103547925122487.jpg

འདི་ནི“སེམས་མཐུན•ཀྲུང་གོའི་སེམས་པ་མཉམ་གཏོད”ཀྱི་སྨན་བཅོས་རིགས་གཅིག་མཁས་ཅན་དང་དང་བླངས་པ་རྣམས་ཀན་ལྷོར་བསྐྱོད་པའི་ལས་དོན་ཚོ་ཆུང་རེད། 

ཀྲུང་གོ་བོད་ཀྱི་དྲ་བའི་འཕྲིན། ཉེ་ཆར། “ སེམས་མཐུན•ཀྲུང་གོའི་སེམས་པ་མཉམ་གཏོད” ཀྱི་2018 ལོའི་ལོ་འཁོར་གྱི་ལྷན་སྐྱེས་སྙིང་ནད་ཕོག་པའི་བྱིས་པའི་རོགས་སྐྱོབ་ལས་དོན་དངོས་སུ་སྤེལ་འགོ་ཚུགས་པ་རེད། སྨན་བཅོས་རིགས་གཅིག་མཁས་ཅན་དང་དང་བླངས་པ་རྣམས་སོ་སོ་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་དང་། དེ་བཞིན་སི་ཁྲོན་ཞིང་ཆེན་རྔ་པ་བོད་རིགས་ཆའང་རིགས་རང་སྐྱོང་ཁུལ་ཝུན་ཁྲོན་རྫོང་དུ་བསྐྱོད་དེ་དུས་འགོའི་བྱེད་སྒོའི་ནང་བརྟག་དཔྱད་བྱས་པའི་ནད་པར་ཡང་བསྐྱར་ནད་གཞི་ངོས་འཛིན་བྱེད་རྒྱུ་རེད། “ སེམས་མཐུན•ཀྲུང་གོའི་སེམས་པ་མཉམ་གཏོད” སྒྲིག་འཛུགས་ཨུ་ལྷན་གྱིས་མཐའ་མའི་སྐྱོབ་རོགས་གང་དགོས་ཀྱི་འདུན་པ་དང་མཐུན་པའི་ནད་པར་སྨན་རིན་མི་དགོས་པར་གཤགས་བཅོས་བྱས་ཏེ་རོགས་སྐྱོབ་བྱས། 

རྒྱུས་ལོན་བྱུང་བ་ལྟར་ན། “བདེ་ཐང་ཀྲུང་གོ” དང་“ གནད་སྨིན་དབུལ་སྐྱོར” གྱི་རྒྱལ་ཁབ་ཀྱི་འཐབ་ཇུས་ལ་རོགས་འདེགས་དང་། མཐའ་མཚམས་མི་རིགས་ས་ཁུལ་གྱི་སྨན་བཅོས་འཕྲོད་བསྟེན་གྱི་བྱ་གཞག་གོང་འཕེལ་དུ་གཏོང་ཆེད། “སེམས་མཐུན•ཀྲུང་གོའི་སེམས་པ་མཉམ་གཏོད”ཀྱི་ལས་དོན་ཚོགས་ཆུང་གིས་འདི་ལོའི་ཟླ5 པ་དང་ཟླ7པར་སོ་སོར་སི་ཁྲོན་ཞིང་ཆེན་རྔ་པ་ཁུལ་ཝུན་ཁྲོན་རྫོང་དང་ཀན་སུའུ་ཞིང་ཆེན་ཀན་ལྷོ་ཁུལ་དུ་གཞི་ཁྱོན་ཆེ་བའི་བརྗོད་དོན་གཙོ་བོའི་སྤྱི་ཕན་བྱེད་སྒོ་སྒྲིག་འཛུགས་བྱས་པ་རེད། བྱེད་སྒོ་སྤེལ་རིང་། སྒྲིག་འཛུགས་ཨུ་ལྷན་གྱིསBསྒྲ་རླབས་བརྟག་དཔྱད་ཡན་ལག་རུ་ཁག་མང་པོ་མངགས་ཏེ་བྱིས་པའི་ལྷན་སྐྱེས་སྙིང་ནད་ཀྱི་གྲལ་བཤེར་ལས་དོན་སྤེལ་བ་རེད། ཝུན་ཁྲོན་རྫོང་དུ་ནད་ཕོག་པ་འདྲ་བའི་ནད་པ་མི38གྲལ་བཤེར་གནང་བ་དང་། ཀན་ལྷོ་ཁུལ་དུ་ནད་ཕོག་པ་འདྲ་བའི་ནད་པ་མི99གྲལ་བཤེར་གནང་བ་རེད། 

པེ་ཅིན་དུ་ཕྱིར་ལོག་རྗེས། པེ་ཅིང་གསོ་རིག་སློབ་ཚོགས་ཀྱི་ཚོགས་གཙོ་དང་། “ སེམས་མཐུན•ཀྲུང་གོའི་སེམས་པ་མཉམ་གཏོད” ཀྱི་ལག་བསྟར་ཀྲུའུ་ཞི་ཅིན་ཏ་ཕིང་གིས“ སེམས་མཐུན•ཀྲུང་གོའི་སེམས་པ་མཉམ་གཏོད” སྒྲིག་འཛུགས་ཨུ་ཡོན་ལྷན་ཁང་དང་ཡུན་རིང་གཤགས་བཅོས་རོགས་སྐྱོབ་ཀྱི་རྒྱབ་སྐྱོར་བྱེད་པའི་སྨན་བཅོས་ལས་ཁུངས་མང་པོ་ཞིག་རྩ་འཛུགས་བྱས་ཏེ2018 ལོའི་ལོ་འཁོར་གྱི་ཝུན་ཁྲོན་རྫོང་དང་ཀན་ལྷོ་ཁུལ་གྱི་ལྷན་སྐྱེས་སྙིང་ནད་ཕོག་པའི་བྱིས་པར་རོགས་སྐྱོབ་བྱེད་པའི་འཆར་གཞིར་གྲོས་བསྡུར་བྱས་པར་མ་ཟད། རོགས་སྐྱོར་བྱེད་པའི་ཇུས་གཞི་གཏན་ལ་ཕབ་ཏེ་དུས་ཚོད་ཀྱི་བཀོད་སྒྲིག་ཁ་གསལ་བྱས།

W020181103547925126502.jpg

འདི་ནི“ སེམས་མཐུན•ཀྲུང་གོའི་སེམས་པ་མཉམ་གཏོད”ཀྱི་སྨན་བཅོས་རིགས་གཅིག་མཁས་ཅན་དང་དང་བླངས་པ་རྣམས་ཝུན་ཁྲོན་དུ་བསྐྱོད་པའི་ལས་དོན་ཚོགས་ཆུང་རེད།

ཐེངས་འདིར་ཝུན་ཁྲོན་རྫོང་དང་ཀན་ལྷོ་ཁུལ་གྱི་དབུལ་པོའི་ལྷན་སྐྱེས་སྙིང་ནད་ཕོག་པའི་བྱིས་པར་རོགས་སྐྱོབ་བྱེད་པའི་ལས་དོན་འདི་ནི“ སེམས་མཐུན•ཀྲུང་གོའི་སེམས་པ་མཉམ་གཏོད”ཀྱི་ལོ་བཅུའི་རིང་བདེ་ཐང་དབུལ་སྐྱོར་གྱི“ ཐབས་མང་མཉམ་སྤྱོད”ཀྱི རྒྱུན་མཐུད་ངང་རོགས་སྐྱོར་བྱེད་པའི་ལྟེ་བའི་རྣམ་གྲངས་ཀྱི་གྲས་ཤིག་ཡིན་ལ།  མཐའ་མཚམས་མི་རིགས་ས་ཁུལ་མང་ཚོགས་ཀྱི་སྨན་བཅོས་བདེ་ཐང་ལ་ཞབས་ཞུ་དང་དབུལ་སྒྲོལ་གྱི་རོགས་སྐྱོར་སྤྱི་ཕན་གསར་པའི་ལམ་བུའི་ཐོག་གི་ལས་གྲྭ་ཨང་དང་པོའང་ཡིན།

“སེམས་མཐུན•ཀྲུང་གོའི་སེམས་པ་མཉམ་གཏོད” ཅེས་པའི་སྤྱི་ཕན་བྱེད་སྒོ་དེ་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡིས་མཛུབ་སྟོན་གནང་ཞིང་། 2008 ལོར་བྱེད་སྒོ་སྤེལ་འགོ་ཚུགས་པ་ནས་བཟུང་། རྩ་འཛུགས་དེས་རྒྱལ་སའི་སྨན་བཅོས་རིགས་གཅིག་མཁས་ཅན་གཙོས་པའི་དང་བླངས་པའི་རུ་ཁག་གསོ་སྐྱོང་བྱས་པ་དང་།  ལོ་ངོ10རིང་བསྟུད་མར་མཐའ་མཚམས་མི་རིགས་ས་ཁུལ་དུ་གཞི་ཁྱོན་ཆེ་བའི་བདེ་ཐང་དང་བླངས་ཀྱི་ཞབས་འདེགས་ཞུས་ཤིང་། ནང་དོན་གྱི་གྲས་སུ་འོས་འགན་སྨན་བཅོས་དང་། སྐོར་སྐྱོད་སྨན་བཅོས། གཅེས་སེམས་ཞལ་འདེབས་ཕུལ་བ། སྨན་བཅོས་གསོ་སྦྱོང་། བདེ་ཐང་འཆད་ཁྲིད། ལྷན་སྐྱེས་སྙིང་ནད་དང་ཐུམ་འབུའི་ནད་སོགས་ཀྱི་ནད་རིགས་གྲལ་བཤེར་དང་རོགས་སྐྱོབ་སོགས་ཚུད་ཡོད་དོ། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།