“ཀྲུང་གོའི་བྲག་ཕུག་དང་པོ”ཉམས་གསོའི་འཕེལ་རིམ་བདེ་བླག་བྱུང་བ།

ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཀན་སུའུ་ཝུའུ་ཝུའེ་ནས་ཤེས་རྟོགས་བྱུང་བར་གཞིགས་ན། 2015ལོར་ལག་ལེན་བསྟར་འགོ་ཚུགས་པའི་ཐེན་ཐི་ཧྲན་བྲག་ཕུག་གི་གཞི་ཁྱོན་ཆེ་ཤོས་ཀྱི་ཞིག་གསོའི་ལས་གྲྭའི་བྲག་ངོས་བརྟན་དུ་གཏོང་བ་དང་ལྡེབས་རིས་གནས་སྤོའི་གྲངས་འཛིན་ཅན་གྱི་ལས་དོན་ཁག་གཞི་རྩའི་ཆ་ནས་ལེགས་གྲུབ་བྱུང་བ་དང་འབྲེལ། ལྡེབས་རིས་དང་འཇིམ་སྐུ་གནས་སྤོའི་ཉམས་བཟོའི་ལས་དོན་གྱི་འཕེལ་རིམ་བདེ་བླག་བྱུང་ཡོད་པ་རེད།

ཐེན་ཐི་ཧྲན་བྲག་ཕུག་ནི་ལོ་ངོ1600ལྷག་ཙམ་གོང་བྲུས་ཤིང་། དེ་ནི་ལུང་མོན་དང་ཡུན་ཀང་སོགས་བྲག་ཕུག་ལས་སྔ་བས“ཀྲུང་གོའི་བྲག་ཕུག་དང་པོ”ཞེས་སུ་གྲགས།

ཐེན་ཐི་ཧྲན་བྲག་ཕུག་གི་རི་ངོས་ཀྱི་གྲུབ་ཆ་དམིགས་བསལ་ལྡན་པ་དང་། མདོག་ཁམ་དམར་གྱི་བྱེ་མ་དང་རྡོ་ཧྲུག་གི་བྲག་ངོས་གས་སླ་བ་དང་གོག་སླ་བས། ཉམས་གསོ་ཅུང་བྱེད་ཁག་པོ་ཡོད་པ་རེད། ཝུའུ་ཝུའེ་གྲོང་ཁྱེར་ལེང་ཀྲོའུ་ཆུས་རིག་གནས་རླུང་འཕྲིན་གློག་བརྙན་བརྙན་འཕྲིན་ཅུས་ཀྱི་ཅུས་ཀྲང་གཞོན་པ་རེན་ཧུའུ་ཉན་གྱིས་སྲུང་སྐྱོང་མི་སྣས་གཏིང་རྡོ་བརྟན་དུ་གཏོང་བ་དང་སྲུབས་ཀར་ཨར་འདམ་རྒྱོང་བ་སོགས་ཀྱི་བྱ་ཐབས་སྤྱད་དེ་བྲག་ངོས་དང་རི་ངོས་ཀྱི་གྲུབ་ཆ་བརྟན་དུ་བཏང་ཞིང་། གཏིང་རྡོའི་གཏིང་ཟབ་ཤོས་སྨི30ཟིན་པ་དང་། བརྟན་གཏོང་རྒྱུ་ཆ་ཚང་མ་བུལ་མེད་རྒྱུ་ཆ་རེད་ཅེས་ངོ་སྤྲོད་བྱས།

ད་ཐེངས་ཀྱི་ཉམས་གསོའི་རིག་དངོས་ནང་ལྡེབས་རིས་སྨི་ངོས་གྲུ300དང་། འཇིམ་སྐུ22 སྐུ་བརྙན་གྱི་དབུ9བཅས་ཡོད། མིག་སྔར། ཉམས་གསོའི་མི་སྣས་སྨི་ངོས་གྲུ200ཟིན་པའི་ལྡེབས་རིས་སོགས་ཀྱི་རིག་དངོས་ཉམས་གསོའི་ལས་དོན་ལེགས་སྒྲུབ་བྱས་ཟིན་པ་དང་། སྔོན་དཔག་ལྟར་ན2020ལོར་ཉམས་གསོའི་ལས་དོན་ཕྱོགས་ཡོངས་ནས་ལེགས་གྲུབ་ཟིན་རྒྱུ་ཡིན་པ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།