ཀྲུང་གོ་བོད་ཀྱི་དྲ་བའི་འཕྲིན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ཅོ་ནེ་རྫོང་གིས་དབུལ་སྐྱོར་མཁྲེགས་གཏོར་དེ་ཤང་སྡེའི་དར་སྤེལ་གྱི་བྱ་བ་གལ་ཆེན་དུ་བརྩིས་ཏེ་ཁྱིམ་ཚང2056གི་མི8676གནད་འགག་ཏུ་བཟུང་ནས་བྱ་ཐབས་ལེགས་བསྒྱུར་དང་དོན་འཁྱོལ་དམ་འཛིན་བྱས་ནས་རྫོང་ཡོངས་ཀྱིས་དུས་ལྟར“དབུལ་ཞྭ་ཕུད་པར”རྨང་གཞི་བརྟན་པོ་བཏིང་། གཙོ་བོ་སློབ་གསོ་དང་སྨན་བཅོས། འཕྲོད་བསྟེན། སྡོད་ཁང་སོགས་གོང་འཕེལ་དུ་བཏང་ནས། ལོ་དགུའི་འོས་འགན་སློབ་གསོ་མཁྲེགས་གཏོར་གཏོང་ཚད95%ཡན་ཡིན་པ་དང་། དབུལ་ཕོངས་མི་གྲངས་སྨན་བཅོས་ཉེན་འགོག་འགན་ལེན་ལ་ཞུགས་ཚད100%ཡིན། CདངDརིམ་པའི་ཉེན་ཁང་ཡོངས་མེད་པར་བྱས་ཤིང་རོང་འབྲོག་མང་ཚོགས་ཀྱི་གོང་འཕེལ་གྲུབ་འབྲས་རོལ་མྱོང་ཐུབ་པ་བྱུང་།
ཅོ་ནེ་རྫོང་གིས་ཀླུ་ཆུའི་ཡུལ་སྲོལ་ལམ་ཐིག་ཏུ་མ་དངུལ་སྒོར་དུང་ཕྱུར13.1བཏང་ནས་ཕྱོགས12ཀྱི་ཐད་ནས་འཛུགས་སྐྲུན་བྱས། “བསྒྱུར་གསུམ”བསྒྱུར་བཅོས་ཚད་གཏོལ་སར་བརྩིས་ནས་ཤུགས་ཆེན་སྒོས་ཞིང་ཁྱིམ་སྤྲོ་ར་དང་ཤང་སྡེའི་ལྗོངས་ཁུལ་གསར་སྐྲུན་བྱས་ཏེ་ཕྱོགས་ཡོངས་ནས་ཤང་སྡེའི་རོལ་མྱོང་ལྗོངས་རྒྱུ་དང་ལྟ་སྐོར་ལྗོངས་རྒྱུ། གཏིང་ཟབ་ལྗོངས་རྒྱུ་སོགས་སྐུལ་འདེད་བྱས་ནས་རྫོང་ཡོངས་སུ་ཡུལ་སྐོར་ཆེད་ལས་སྡེ་བ12གསར་དུ་བཙུགས་ཤིང་ཞིང་ཁྱིམ་སྤྲོ་རའི་ཁྱིམ་ཚང130གོང་འཕེལ་དུ་བཏང་ནས་དབུལ་ཕོངས་ཁྱིམ་ཚང488ཀྱི་ཡོང་སྒོ་འཕར་བར་སྐུལ་ཁྲིད་བྱས། མིག་སྔར་ཐུག་བར་དུ། ཡུལ་སྐོར་བ་མི་ཐེངས་ཁྲི79.7སྣེ་ལེན་བྱས་ཤིང་ཡུལ་སྐོར་གྱི་ཡོང་སྒོ་སྒོར་དུང་ཕྱུར4.1མངོན་འགྱུར་བྱུང་བ་དང་ཁྱིམ་ཚང་རེར་ཆ་སྙོམས་ཡོང་སྒོ་སྒོར་ཁྲི4ལ་བསླེབས།
ཅོ་ནེ་རྫོང་གིས་སྐྱེ་ཁམས་དཔལ་ཡོན་གྱི་འབྱོར་འབྲིང་སྡེ་བ་འཛུགས་སྐྲུན་བྱེད་པ་གོ་རིམ་ངང་སྤེལ་བ། ཉེ་བའི་ལོར་འཛུགས་སྐྲུན་བྱས་པའི“དམར་པོའི་དཔའ་ཡུལ་སྡེ་བ”“ཞིང་རའི་ལི་སའེ་སྡེ་བ”“ལྐོག་གྱུར་གྱི་བརྒྱ་མཆེད་སྡེ་བ”“ངོ་མཚར་བའི་ཉིན་པ་སྡེ་བ”སོགས་སྐྱེ་ཁམས་རོལ་མྱོང་བྱེད་པའི་སྐྱེ་ཁམས་དཔལ་ཡོན་གྱི་འབྱོར་འབྲིང་སྡེ་བ་རབ་དང་རིམ་པ་འཛུགས་སྐྲུན་བྱས། སྤྱིའི་གཏོང་དངུལ་སྒོར་དུང་ཕྱུར17.7ཡིན་པའི་འབྱོར་འབྲིང་སྡེ་བ་འཛུགས་སྐྲུན་གྱི་ལས་གཞི150ལག་བསྟར་བྱས་ཤིང་རོང་འབྲོག་མང་ཚོགས་ཀྱི་ཁྱིམ་ཚང6162ཀྱི་མི་ཁྲི2.9ལ་ཁེ་ཕན་ཐོབ། ཡིག་ཚགས་བསྐྲུན་ནས་བྱང་བུ་བཟོས་པའི་དབུལ་ཕོངས་སྡེ་བ42ལ་ཁྱབ་པ་དང་འཛུགས་སྐྲུན་སྡེ་བའི་སྲང་ལམ་གཙོ་བོ་མཁྲེགས་བཟོ་བྱས། །