ཀྲུང་གོ་བོད་ཀྱི་དྲ་བའི་འཕྲིན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་གིས་དབུལ་ཐར་མཁྲེགས་གཏོར་བྱ་བ་དེ་ཤང་སྡེ་དར་སྤེལ་གཏོང་བའི་ལས་འགན་གཙོ་བོ་རུ་བཟུང་ནས། 2017ལོར་རྫོང་ཡོངས་ཀྱི་རོང་འབྲོག་པ་མང་ཚོགས་ཀྱིས་ཆ་སྙོམས་བཀོལ་ཆོག་པའི་ཡོང་སྒོ་སྒོར7035ཡོད་པ་དང་འཕར་ཚད9.2%ལ་བསླེབས། དབུལ་ཕོངས་མང་ཚོགས་ཀྱི་ཆ་སྙོམས་བཀོལ་ཆོག་པའི་ཡོང་སྒོ་སྒོར4651ཡོད་པ་དང་། འཕར་ཚད13%ལ་བསླེབས། “སེམས་ཁྲལ་མེད་པ་གཉིས”ཀྱི་གནད་དོན་ཕལ་ཆེར་ཐག་གཅོད་ཐུབ་པ་བྱུང་། བདེ་འཇགས་འཐུང་ཆུའི་ཚད100%ཡིན་པ་དང་། “སློབ་ཤོར་མེད་པར་ཁག་ཐེག”ཡོད་པའི་ཆེད་དོན་བྱ་འགུལ་གཏིང་ཟབ་ངང་སྤེལ་ནས། བྱིས་པ1312ཕྱིར་སློབ་གྲྭ་བསྐྱལ་བར་ཁ་ཏ་སློབ་གསོ་ཐོབ། ལོ་མཇུག་ཏུ་འོས་འགན་སློབ་གསོའི་ཚད95%ཡན་ལ་བསླེབས་པ་དང་། རོང་འབྲོག་སྡེའི་མི་གྲངས་སྨན་བཅོས་འགན་ལེན་ལ་ཞུགས་ཚད99.01%ལ་བསླེབས། དབུལ་ཕོངས་མི་གྲངས་མཉམ་ལས་སྨན་བཅོས་ལ་ཞུགས་ཚད་བརྒྱ་ཆའི་བརྒྱ་ཡིན།
བསང་ཆུ་རྫོང་གིས་བླ་བྲང་དགོན་པའི་ཡུལ་སྐོར་ཐོན་ཁུངས་ལ་བརྟེན་ནས་ཤང་སྡེའི་ཡུལ་སྐོར་གོང་འཕེལ་ཇེ་མགྱོགས་སུ་བཏང་ནས། དོམ་ལུང་ནང་དང་ཉི་མའི་ལུང་བ་སོགས་ཡུལ་སྐོར་ཆེད་ལས་སྡེ་བ 28འཛུགས་སྐྲུན་བྱས་ནས་རིམ་བསགས་ཀྱིས་བརྩིས་ན་རང་སྐོར་སྒར་ཁ་དང་སྦྲ་སྒར། ཞིང་ཁྱིམ་དང་འབྲོག་ཁྱིམ་སྤྲོ་ར་སོགས276རོགས་འཛུགས་བྱས་ཡོད། ཟླ 8པའི་ཟླ་མཇུག་ཐུག་བར་དུ་རྫོང་ཡོངས་ཀྱིས་བསྡོམས་པས་ཡུལ་སྐོར་བ་མི་ཐེངས་ཁྲི225.2སྣེ་ལེན་བྱས་ཤིང་། ཡུལ་སྐོར་གྱི་ཕྱོགས་བསྡུས་ཡོང་སྒོ་སྒོར་དུང་ཕྱུར10.2ཡོད་ལ། དེའི་ཁྲོད་དུ་ཤང་སྡེས་ཡུལ་སྐོར་བ་མི་ཐེངས་ཁྲི 10སྣེ་ལེན་བྱས་ཤིང་རོང་འབྲོག་དམངས1200ལས་ཞུགས་བྱེད་པར་སྣེ་ཁྲིད་བྱས། ཡོང་སྒོ་སྒོར་ཁྲི2000གསར་གཏོད་བྱས།
བསང་ཆུ་རྫོང་གིས་སྐྱེ་ཁམས་དཔལ་ཡོན་གྱི་འབྱོར་འབྲིང་སྡེ་བ་འཛུགས་སྐྲུན་གྱི་ལས་གཞི་ལག་བསྟར་བྱས་པ། 2005ལོ་ནས་བཟུང་རྫོང་ཡོངས་ཀྱི་སྐྱེ་ཁམས་དཔལ་ཡོན་གྱི་འབྱོར་འབྲིང་སྡེ་བ172འཛུགས་སྐྲུན་བྱས་པ་དང་རྫོང་ཡོངས་ཀྱི་ཤང་གྲོང14ཡི་སྲིད་འཛིན་སྡེ་བ 53གྱི་རང་བྱུང་སྡེ་བ6161གི་མི3.5དང་འབྲེལ་བ་ཡོད། དེའི་ཁྲོད་དུ་དབུལ་ཕོངས་སྡེ་བ76དབུལ་ཕོངས་ཁྱིམ་ཚང762ཀྱི་མི3563ཡོད་ལ་སྤྱིའི་གཏོང་དངུལ་སྒོར་དུང་ཕྱུར9.84ལ་བསླེབས།
བསང་ཆུ་རྫོང་གིས་ཤུགས་ཆེན་སྒོས་ཁོངས་ཡོངས་སུ་གད་སྙིགས་མེད་པའི་ཆེད་དོན་སྒྲིག་བཅོས་བྱ་འགུལ་ལོ་གསུམ་གྱི་རིང་ལ་སྤེལ་བས། ཟླ8པའི་ཟླ་མཇུག་ཐུག་བར་དུ། རིམ་བསགས་ཀྱིས་བརྩིས་ན་སྒྲིག་བཅོས་མི་སྣ་མི་ཐེངས་ཁྲི15མངགས་པ་དང་མ་དངུལ་སྒོར་ཁྲི920བཏང་བ་དང་། ཁོར་ཡུག་སྲུང་སྐྱོང་གི་སྒྲིག་ཆས་སྣ་ཚོགས260སྒྲིག་སྦྱོར་བྱས་པ་དང་ཆེད་དོན་སྒྲིག་བཅོས་དང་ཞིབ་བཤེར་བྱ་འགུལ་ཐེངས500ལྷག་སྤེལ། གད་སྙིགས་ཏུན་ཁྲི 5ལྷག་གཙང་སེལ་བྱས།
བསང་ཆུ་རྫོང་གིས་ཤང་སྡེའི་སྒྲིག་བཅོས་མ་ལག་དང་སྒྲིག་བཅོས་ནུས་པ་དེང་རབས་ཅན་དེ་གཏན་འཇགས་སྲུང་སྐྱོབ་དང་འཆམ་མཐུན་ལ་སྐུལ་འདེད་གཏོང་བའི་གནད་འགག་གི་བྱ་ཐབས་སུ་བཞག་ནས་གཏིང་ཟབ་སྒོས་སྤྱི་ཚོགས་བཅོས་སྐྱོང་གི་ཁྱད་ཆོས་སྒྲིག་སྲོལ་དབྱེ་ཞིབ་དང་སྒྲིག་བཅོས་ལ་སྐུལ་འདེད་དང་ཞབས་ཞུའི་ལྟེ་བ་གཞི་རིམ་དུ་སྤོ་སྒྱུར་བྱས་ནས་སྔར་ལས་ལྷག་པར་དུ་རོང་འབྲོག་སྡེའི་སྤྱི་ཚོགས་བཅོས་སྐྱོང་མ་ལག་འཐུས་ཚང་དུ་བཏང་ནས། “ཤང་སྲོལ་དཔལ་ཡོན་དང་སྒྲིག་བཅོས་ནུས་ལྡན”ཡིན་པའི་དམིགས་འབེན་མངོན་འགྱུར་བྱེད་པར་རྨང་གཞི་བརྟན་པོ་བཏིང་ངོ་། །