ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཨོ་སི་ཁྲུ་ལི་ཡཱ་རྒྱལ་ཁབ་ཏུ་འཚམས་འདྲི་བྱེད་བཞིན་པའི་ཧིན་རྡུ་ཉི་ཞི་ཡཱ་རྒྱལ་ཁབ་ཀྱི་ཙུང་ཐུང་སུའུ་ཞི་ལོ་ཡིས་ཚེས10ཉིན་བདེན་དཔང་བྱས་དོན། ཉིས་སྟོང་གཉིས་ལོའི་པཱ་ལི་གླིང་ཕྲན་གྱི་འགས་གཏོར་གྱོད་གཞིའི་དོགས་ཡོད་ཉེས་ཅན་གཙོ་བོ། དབྱི་སི་ལན་ཚོགས་པའི་འགད་རྫས་ཆེད་མཁས་པ་ཏུའུ་ལེ་མཱ་ཏེན་བསད།
སུའུ་ཞི་ལོ་ཡིས་བཤད་རྒྱུར། ཧིན་རྡུ་ཉི་ཞི་ཡཱའི་ཉེན་རྟོག་ཕྱོགས་ཀྱིས་ཉེ་སྔོན་གྱི་འགུལ་བསྐྱོད་ཅིག་གི་ཁྲོད། རྒྱལ་ས་ཡཱ་ཅཱ་ཏཱའི་ཉེ་འདབས་སུ་སྦས་སྐོང་བྱས་ཡོད་པའི་འཇིགས་སྐུལ་རིང་ལུགས་ཀྱི་ཚོགས་པར་ཆམ་ཕབ་དྲག་པོ་བཏང་བ་དང་། མིག་སྔར་འགུལ་བསྐྱོད་དེའི་ཁྲོད་བསད་པའི་སྐྱེས་པ་དེ་ནི་ཏུའུ་ལེ་མཱ་ཏེན་ཡིན་པ་བདེན་དཔང་བྱེད་ཐུབ་ཟེར། སུའུ་ཞི་ལོ་ཡིས་བཤད་རྒྱུར། ཐེངས་འདིའི་འགུལ་བསྐྱོད་ལ་དོན་སྙིང་གལ་ཆེན་ཡོད་པ་དང་། ཚད་ངེས་ཅན་ཞིག་གི་སྟེང་ནས་འཇིགས་སྐུལ་རིང་ལུགས་ཀྱི་ཚོགས་པར་ཆམ་ཕབ་བཏང་བ་རེད། །