ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། དབྱི་སི་རལ་གྱི་དམག་དཔུང་གིས་ཚེས8ཉིན་གྱི་ཞོགས་པར་གློ་བུར་དུ་ཡེ་ལུའུ་སཱ་ལེམ་ཤར་མ་ཉེ་འདབས་སུ་ཡོད་པའི་ཕཱ་ལེ་སི་ཐན་གྱི་ཡུལ་གྱར་བའི་སྒར་ས་གཉིས་ལ་འཇབ་རྒོལ་བྱས་ཏེ། ཕཱ་ལེ་སི་ཐན་གྱི་མི་བཅུ་ཕྲག་འགའ་འཛིན་བཟུང་བྱས།

 ཕཱ་ལེ་སི་ཐན་དཔོན་རིགས་ཀྱིས་བསྒྲགས་པའི་གནས་ཚུལ་ལྟར་ན། དབྱི་སི་རལ་གྱི་དམག་མིས་ཉིན་དེར་འཁྲབ་ལྡན་འཁོར་ལོ་དང་དྲག་ཆས་ས་འདེད་འཕྲུལ་ཆས་ཀྱི་འགེབས་སྲུང་འོག བཙན་གྱིས་ཧྲུའུ་ཧྥ་ཐི་དང་ཨ་ནཱ་ཐཱ་ཞེས་པའི་ཡུལ་གྱར་བའི་སྒར་ས་གཉིས་ལ་འཇབ་རྒོལ་བྱས་ཏེ། ཕཱ་ལེ་སི་ཐན་མི་དམངས་ཀྱི་སྡོད་ཁང་གྱན་བཅུ་ཕྲག་ལྷག་ལ་གཏོར་བཤིག་བཏང་བར་མ་ཟད། གཞི་རྒྱ་ཆེ་བའི་སྔོག་བཤེར་བྱ་འགུལ་སྤེལ།

 ཉིན་དེར་དབྱི་སི་རལ་གྱི་དམག་དཔུང་གིས་ད་རུང་ཅོར་ཏན་གཙང་བོའི་ནུབ་འགྲམ་གྱི་ཅེ་ཉིན་གྲོང་ཁྱེར་ས་ཁུལ་ནས་སྔོག་བཤེར་བྱ་འགུལ་སྤེལ་བ་རེད།།