ཟླ2པའི་ཚེས8ཉིན། ཧིན་རྡུའི་དམག་མིའི་རླངས་འཁོར་ཞིག་ཧིན་རྡུས་བཟུང་བའི་ཁོ་ཧྲིན་སྨིར་ནས་གངས་ཉིལ་དོན་རྐྱེན་བྱུང་སར་བསྐྱོད་བཞིན་ཡོད། ཧིན་རྡུའི་སྐམ་དམག་གི་མགྲིན་ཚབ་པ་པུའུ་ལར་གྱིས་ཚེས8ཉིན་བཤད་རྒྱུར། ཧིན་རྡུས་བཟུང་ཡོད་པའི་ཁོ་ཧྲིན་སྨིར་གྱི་པ་ལ་མུའུ་ལ་ས་ཁུལ་དུ་ཉིན་དེར་གངས་ཉིལ་ཆག་སྒོ་ཆེན་མོ་བྱུང་བས།  ས་དེ་ན་སྦྱོང་བརྡར་བྱེད་བཞིན་པའི་ཧིན་རྡུའི་སྐམ་དམག་གི་དམག་སྒར་ཞིག་ལས་ཉུང་མཐར་ཡང་མི13ཤི་བ་དང་། གཞན་མི15ལ་རྨས་ཕོག་པ་དང་མི་བཅུ་ཕྲག་འགའ་གར་སོང་ཆ་མེད་དུ་གྱུར།