འདི་ནི་ཟླ1པའི་ཚེས18ཉིན་བུའུ་ཁི་ལན་ཀྲུང་དབྱང་འདེམ་བསྐོ་ཨུ་ཡོན་ལྷན་ཁང་ནས་པར་བླངས་པའི་འདེམ་ཤོག་ཁ་གྲངས་བསྡོམ་རྩིས་བྱེད་པའི་བརྙན་རིས་རེད།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། བུའུ་ཁི་ལན་རྒྱལ་ཁབ་ཀྱིས་ཚེས7ཉིན་ཙུང་ཐུང་འདེམ་བསྐོའི་སྐོར་ཐེངས་གཉིས་པའི་འདེམ་ཤོག་འཕང་བ་དང་། ངོ་རྒོལ་ཕྱོགས་ཁག་ཏང་གི་མགོ་ཁྲིད་པ་ཡཱ་ནོའུ་ཁི་ཝེ་ཆི་དང་ད་ལྟའི་ཙུང་ཐུང་ཅིས་མའོ་ཧྲིན་ཁི་གཉིས་ཀྱིས་ཙུང་ཐུང་གི་གོ་གནས་བརྩད།

    ས་དེའི་སྔ་དྲོའི་དུས་ཚོད་བརྒྱད་སྟེང་། བུའུ་ཁི་ལན་རྒྱལ་ཡོངས་ཀྱི་འདེམ་ཤོག་འཕེན་ས་ཁྲི་གསུམ་དང་སྟོང་གསུམ་ནས་ཐོ་འགོད་བྱས་པའི་འདེམ་དམངས་བྱེ་བ་གསུམ་དང་ས་ཡ་དྲུག་གིས་མཉམ་དུ་འདེམ་ཤོག་འཕེན་མགོ་བརྩམས་པ་དང་། འདེམ་ཤོག་འཕེན་པའི་བྱ་འགུལ་དེ་དགོང་མོའི་དུས་ཚོད་བརྒྱད་བར་རྒྱུན་བསྲིངས་རྒྱུ་རེད། བུའུ་ཁི་ལན་ཀྲུང་དབྱང་འདེམ་བསྐོ་ཨུ་ཡོན་ལྷན་ཁང་གིས་ཁྱབ་སྒྲོག་བྱས་པའི་རྒྱུ་ཆ་ལྟར་ན། བསྡོམས་པས་རྒྱལ་སྤྱིའི་ལྟ་ཞིབ་པ་སྟོང་བཞི་ཙམ་གྱིས་སྐོར་ཐེངས་འདིའི་འདེམ་བསྐོའི་འཕེལ་རིམ་ལ་ལྟ་རྟོག་བྱས་པ་རེད།  །