ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  དབྱི་རག་བདེ་འཇགས་དམག་དཔུང་གིས་ཚེས12ཉིན་གློ་བུར་དུ་རྒྱལ་ས་པཱ་ཀ་ཏཱ་གྲོང་ཁྱེར་གྱི་ས་ཁུལ་ཁག་ཅིག་བཀག་སྡོམ་བྱས་པར་མ་ཟད། གཞི་རྒྱ་ཆེ་བའི་སྔོག་བཤེར་བྱ་འགུལ་སྤེལ།

   པཱ་ཀ་ཏཱའི་བདེ་འཇགས་དམག་དཔུང་གི་མགྲིན་ཚབ་པ་ཨ་ཐཱ་ཡིས་གསར་འགྱུར་ལས་རིགས་ལ་བཤད་རྒྱུར། བདེ་འཇགས་དམག་དཔུང་གིས་ཉིན་དེའི་ཞོགས་པར་ས་ཁུལ་ཁག་ཅིག་བཀག་སྡོམ་བྱས་ནས་སྔོག་བཤེར་བྱས་པ་ནི་སྔོན་འགོག་རང་བཞིན་གྱི་བདེ་འཇགས་བྱེད་ཐབས་ཤིག་ཡིན་ཟེར་ཡང་། ཁོས་བཀག་སྡོམ་དང་སྔོག་བཤེར་བྱས་པའི་རྒྱུ་རྐྱེན་གསལ་བོར་མ་བཤད།

    མིང་བཤད་མི་འདོད་པའི་པཱ་ཀ་ཏཱའི་ཉེན་རྟོག་ཕྱོགས་ཀྱི་དཔོན་རིགས་ཤིག་གིས་ཞིན་ཧྭ་གསར་འགྱུར་ཁང་གི་གསར་འགོད་པར་བཤད་རྒྱུར། བདེ་འཇགས་དམག་དཔུང་གིས་གཙོ་བོ་པཱ་ཀ་ཏཱ་ཤར་ཕྱོགས་ཀྱི་ས་ཁུལ་ནས་གཞི་རྒྱ་ཆེ་བའི་སྔོག་བཤེར་བྱ་འགུལ་སྤེལ་བ་དང་། ཧྲི་ཡེ་ཕྱོགས་ཁག་འདུས་སྡོད་བྱེད་པའི་སཱ་ཏི་ཨར་མཁར་ནི་སྔོག་བཤེར་བྱེད་ས་གཙོ་བོ་ཞིག་རེད།    །