ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་རེས་སྐོར་ཀྲུའུ་ཞི། མཉམ་འབྲེལ་རྒྱལ་ཚོགས་སུ་རྒྱུན་དུ་སྡོད་པའི་ཀྲུང་གོའི་འཐུས་མི་མཱ་ཁྲའོ་ཞུའུ་ཡིས་ཚེས་དགུའི་ཉིན་རྒྱལ་སྤྱིའི་ཞི་བདེ་དང་བདེ་འཇགས་ལ་སྲུང་སྐྱོབ་བྱེད་པ་སྟེ་ཕྱོགས་མང་རིང་ལུགས་དང་མཉམ་འབྲེལ་རྒྱལ་ཚོགས་ཀྱི་ནུས་པར་ཤུགས་སྣོན་པ་ཞེས་པའི་ཡོངས་བསྒྲགས་དཔྱད་གླེང་ཚོགས་འདུར་མགོ་འཛིན་བྱས། མཉམ་འབྲེལ་རྒྱལ་ཚོགས་ཀྱི་ལས་ཁུངས་གཙོ་བོའི་འགན་ཁུར་མི་སྣ་དང་རྒྱལ་ཁབ་དང་རྒྱལ་སྤྱིའི་རྩ་འཛུགས་ཀྱི་འཐུས་མི་བདུན་ཅུ་ལྷག་བདེ་འཇགས་ལས་འཛིན་ལྷན་ཚོགས་སུ་མཉམ་དུ་འཛོམས་ཏེ། ཕྱོགས་མང་རིང་ལུགས་ལ་སྲུང་སྐྱོབ་ཇི་ལྟར་བྱེད་པར་གྲོས་བསྡུར་བྱས། །
