ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། གསར་འགོད་པས་རྒྱུས་ལོན་བྱུང་བའི་གནས་ཚུལ་ལྟར་ན། རྒྱལ་ཡོངས་ཀྱི་འཆལ་ཕྱགས་དག་ཐེར་གཞུང་སྒྲུབ་ཁང་གིས་ཉེ་ལམ་བརྡ་ཐོ་བཏང་སྟེ། ཟླ2པའི་ཟླ་སྟོད་ནས་ཟླ4བའི་ཟླ་མཇུག་བར། རྒྱལ་ཡོངས་ཀྱི་ཁྱབ་ཁོངས་ནས་ལག་ཁྱེར་ཁ་པར་དང་དྲ་ཚིགས་སྟེང་ཐ་འཆལ་གྱི་བརྡ་འཕྲིན་བརྒྱུད་སྤྲོད་བྱེད་པར་བཀག་འགོག་བྱེད་པ་དང་རིག་གནས་དག་གཙང་བྱེད་པ་གཙོ་ཡིན་པའི་ཆེད་དོན་བྱ་འགུལ་སྤེལ་དགོས་པ་དང་། རིམ་པ་སོ་སོའི་འཆལ་ཕྱགས་དག་ཐེར་གཞུང་སྒྲུབ་ཁང་གིས་སྤྱི་བདེ་དང་ཞིབ་དཔྱོད། ཁྲིམས་འཛིན་བཅས་སྡེ་ཁག་བར་མཐུན་སྦྱོར་བྱེད་པར་དོ་སྣང་བྱས་ཤིང་། འབྲེལ་ཡོད་ཀྱི་བཅའ་ཁྲིམས་དང་ཁྲིམས་འཛིན་འགྲེལ་བཤད་ལྟར། འཆལ་ཕྱགས་དག་ཐེར་གྱོད་གཞི་དང་། ཁྱད་པར་དུ་ལག་ཁྱེར་ཁ་པར་དང་དྲ་ཚིགས་སྟེང་ཐ་འཆལ་གྱི་བརྡ་འཕྲིན་བརྒྱུད་སྤྲོད་བྱེད་པའི་གྱོད་གཞི་ལ་བརྩད་ཞིབ་ནན་མོ་བྱེད་དགོས་ཟེར། །