| དྲ་བ་འདིར་གཟིགས་པར་Windows Vista དང་ IE 7 བཅས་སྤྱོད་རོགས་གནང་། |
 |
|
| མདུན་ཤོག - གསར་འགྱུར།- རྒྱལ་ནང་གསར་འགྱུར། |
ཞིན་ ཧྭ་ གསར་ འགྱུར་ ཁང་ གི་ གློག་ འཕྲིན་ ལྟར། གོང་ ཚེས་ ཉིན་ ཕྱི་ འབྲེལ་ པུའི་ མགྲིན་ ཚབ་ པ་ ཆིན་ ཀང་ གིས་ ཨོའུ་ གླིང་ མནའ་ འབྲེལ་ རྒྱལ་ ཁབ་ ཀྱི་ རེས་ སྐོར་ ཀྲུའུ་ ཞི་ ཕ་ རན་ སིའི་ འགོ་ ཁྲིད་ ཀྱིས་ ཏཱ་ ལ་ དང་ ཐུག་ འཕྲད་ བྱ་ རྒྱུའི་ ཁྱབ་ བསྒྲགས་ བྱས་ པར་ བརྟེན་ ཀྲུང་ ཨོའུ་ ཡི་ འགོ་ ཁྲིད་ དབར་ གྱི་ ཐུག་ འཕྲད་ ཐེངས་ བཅུ་ གཅིག་ པ་ དེ་ ནར་ འགྱངས་ བྱ་ རྒྱུའི་ ཐད་ བཀའ་ མོལ་ གནང་ བ་ རེད། ཆིན་ ཀང་ གིས་ ཀྲུང་ གོ་ ཕྱོགས་ ཀྱིས་ ཟླ༡༢པའི་ ཟླ་ འགོར་ ཕ་ རན་ སིར་ ཀྲུང་ ཨོའུ་ ཡི་ འགོ་ ཁྲིད་ དབར་ ཐུག་ འཕྲད་ ཐེངས་ བཅུ་ གཅིག་ པ་ བྱེད་ རྩིས་ ཡོད་ པ་ དེར་ མཐོང་ ཆེན་ པོ་ བྱེད་ ཀྱི་ ཡོད་ པས་ དེའི་ ཐད་ དགེ་ མཚན་ ལྡན་ པའི་ གྲ་ སྒྲིག་ ཧུར་ ཐག་ བྱས་ ཡོད་ མོད། འོན་ ཀྱང་ ཐུག་ འཕྲད་ བྱེད་ ཉེར་ ཡོད་ པའི་ སྐབས་ ཨོའུ་ གླིང་ མནའ་ འབྲེལ་ རྒྱལ་ ཁབ་ ཀྱི་ རེས་ སྐོར་ ཀྲུའུ་ ཞི་ ཕ་ རན་ སིའི་ འགོ་ ཁྲིད་ ཀྱིས་ ཀྲུང་ ཨོའུ་ དབར་ གྱི་ འགོ་ ཁྲིད་ པའི་ ཐུག་ འཕྲད་ མཇུག་ འགྲིལ་ རྗེས་ ཏཱ་ ལ་ དང་ ཐུག་ འཕྲད་ བྱེད་ རྒྱུའི་ སྐོར་ རྐང་ བཙུགས་ ནས་ ཡོངས་ བསྒྲགས་ བྱས་ པ་ དང་ དེ་ མ་ ཉིད་ དུ་ ཀྲུང་ གོ་ སྲིད་ གཞུང་ དང་ ཀྲུང་ གོའི་ མི་ དམངས་ ཀྱིས་ ཡི་ མི་ རངས་ བའི་ རྣམ་ འགྱུར་ བསྟན་ པ་ རེད་ ཅེས་ གསུངས་ པ་ རེད། ཆིན་ ཀང་ གིས་ བོད་ དང་ འབྲེལ་ བ་ ཡོད་ པའི་ གནད་ དོན་ ནི་ ཀྲུང་ གོའི་ བདག་ དབང་ དང་ མངའ་ ཁོངས་ ཆ་ ཚང་ དང་ འབྲེལ་ བ་ ཡོད་ ལ་ ཀྲུང་ གོའི་ ཁེ་ ཕན་ གྱི་ ལྟེ་ བ་ དང་ ཡང་ འབྲེལ་ བ་ ཡོད། ཀྲུང་ གོ་ ཕྱོགས་ ཀྱིས་ ཀྲུང་ ཕ་ དབར་ དང་ ཀྲུང་ ཨོའུ་ དབར་ གྱི་ འབྲེལ་ བ་ སྲུང་ སྐྱོང་ ཡག་ པོ་ བྱ་ ཆེད་ ངང་ རྒྱུད་ རིང་ པོའི་ སྒོ་ ནས་ ཕ་ རན་ སི་ ཕྱོགས་ ལ་ བོད་ དང་ འབྲེལ་ བ་ ཡོད་ པའི་ གནད་ དོན་ ཐག་ གཅོད་ འོས་ འཚམས་ བྱས་ ཏེ་ ཀྲུང་ ཨོའུ་ ཡི་ འགོ་ ཁྲིད་ དབར་ གྱི་ ཐུག་ འཕྲད་ ལ་ འགོག་ རྐྱེན་ མི་ བཟོ་ རྒྱུའི་ རེ་ བ་ ཐེངས་ མང་ བཏོན་ ཡོད། མི་ རྣམས་ བློ་ ཕམ་ དགོས་ པ་ ཞིག་ ནི་ ཀྲུང་ གོ་ ཕྱོགས་ ཀྱིས་ ཀྲུང་ ཕ་ དབར་ དང་ ཀྲུང་ ཨོའུ་ དབར་ གྱི་ འབྲེལ་ བ་ སྲུང་ སྐྱོང་ བྱ་ རྒྱུར་ འཛིན་ པའི་ ལྷག་ བསམ་ ཟོལ་ མེད་ ཀྱི་ རྣམ་ འགྱུར་ དང་ འབད་ བརྩོན་ བྱས་ པར་ ཕ་ རན་ སི་ ཕྱོགས་ ཀྱིས་ དགེ་ མཚན་ ལྡན་ པའི་ བརྡ་ ལན་ མ་ བྱས་ པས་ ཐུག་ འཕྲད་ བྱ་ རྒྱུར་ གཏོར་ བཤིག་ བཏང་ ཡོད་ པར་ བརྟེན་ ཐུག་ འཕྲད་ བྱ་ རྒྱུའི་ སྔོན་ དཔག་ གི་ དམིགས་ ཡུལ་ སྒྲུབ་ ཐུབ་ མེད། གནས་ ཚུལ་ དེ་ འདྲའི་ འོག་ ཀྲུང་ གོ་ ཕྱོགས་ ཀྱིས་ ཐུག་ འཕྲད་ ནར་ འགྱངས་ བྱ་ རྒྱུའི་ ཁྱབ་ བསྒྲགས་ མི་ བྱེད་ ཀ་ མེད་ བྱུང་། མིག་ སྔའི་ གནས་ ཚུལ་ དེ་ འདྲ་ ཐོན་ རྐྱེན་ གྱི་ འགན་ འཁྲི་ དེ་ ཀྲུང་ གོ་ ཕྱོགས་ ལ་ མེད་ ཅེས་་ གསུངས་ པ་ རེད། ཆིན་ ཀང་ གིས་ ཀྲུང་ ཨོའུ་ ཡི་ ཕྱོགས་ ཡོངས་ ཀྱི་ འཐབ་ ཇུས་ རོགས་ ཟླའི་ འབྲེལ་ བ་ གོང་ འཕེལ་ གཏོང་ རྒྱུར་ གཞོལ་ བའི་ ཀྲུང་ གོ་ ཕྱོགས་ ཀྱི་ ཆོད་ སེམས་ དང་ གཏན་ འཁེལ་ ཟིན་ པའི་ སྲིད་ ཇུས་ ལ་ འགྱུར་ བ་ མེད། ང་ ཚོས་ ཕུགས་ ལ་ དམིགས་ ཏེ་ ཕན་ ཚུན་ བརྩི་ འཇོག་ དང་ ལྟ་ སྟངས་ འདྲ་ མཉམ་ འཛིན་ པའི་ རྩ་ དོན་ གྱི་ རྨང་ གཞིའི་ ཐོག་ ཨོའུ་ གླིང་ ཕྱོགས་ དང་ ཐུན་ མོང་ ཐོག་ འབད་ བརྩོན་ བྱས་ ནས་ ཀྲུང་ ཨོའུ་ ཡི་ འབྲེལ་ བ་ དེ་ སྐྱོན་ བྲལ་ དང་ བརྟན་ པོའི་ ཕྱོགས་ སུ་ གོང་ འཕེལ་ འགྲོ་ རྒྱུར་ སྐུལ་ འདེད་ གཏོང་ འདོད་ ཡོད། ཀྲུང་ ཨོའུ་ ཡི་ འགོ་ ཁྲིད་ དབར་ གྱི་ ཐུག་ འཕྲད་ ཐེངས་ བཅུ་ གཅིག་ པ་ དེ་ ག་ དུས་ བྱ་ རྒྱུ་ ཡིན་ མིན་ དེ་ ཨོའུ་ གླིང་ མནའ་ འབྲེལ་ རྒྱལ་ ཁབ་ ཀྱི་ རེས་ སྐོར་ ཀྲུའུ་ ཞིའི་ རྒྱལ་ ཁབ་ ཡིན་ པའི་ ཕ་ རན་ སི་ ཕྱོགས་ ཀྱིས་ ག་ དུས་ ནུས་ ལྡན་ བྱ་ ཐབས་ སྤྱད་ དེ་ ཐུག་ འཕྲད་ ལ་ དགོས་ ངེས་ ཀྱི་ ཆ་ རྐྱེན་ དང་ ཁོར་ ཡུག་ གཏོད་ མིན་ ལ་ རག་ ལུས་ ཡོད་ ཅེས་ གསུངས་ པ་ རེད། ཆིན་ ཀང་ གིས་ ཀྲུང་ གོ་ ཕྱོགས་ ཀྱིས་ ཕྱི་ རྒྱལ་ གྱི་ འགོ་ ཁྲིད་ པ་ གང་ རུང་ ཞིག་ གིས་ ཏཱ་ ལ་ དང་ རྣམ་ པ་ སྣ་ ཚོགས་ ཀྱི་ ཐུག་ འཕྲད་ བྱ་ རྒྱུར་ ངོ་ རྒོལ་ མཐའ་ གཅིག་ ཏུ་ བྱེད་ ཀྱི་ ཡོད། ང་ ཚོས་ ཕ་ རན་ སི་ ཕྱོགས་ ལ་ འབྲེལ་ ཡོད་ ཀྱི་ རྩ་ དོན་ དང་ ལངས་ ཕྱོགས་ རྒྱས་ བཤད་ ཐེངས་ མང་ བྱེད་ མྱོང་ ཡོད་ ལ་ ཕ་ རན་ སི་ ཕྱོགས་ ཀྱིས་ ཀྱང་ དེ་ གསལ་ པོ་ ཤེས་ ཀྱི་ ཡོད་ མོད། འོན་ ཀྱང་ ཕ་ རན་ སི་ ཕྱོགས་ ཀྱིས་ ཀྲུང་ གོའི་ ལངས་ ཕྱོགས་ དང་ ཀྲུང་ ཕ་ དབར་ གྱི་ འབྲེལ་ བར་ མི་ བལྟོས་ པར་ ཏཱ་ ལ་ དང་ ཐུག་ འཕྲད་ བྱ་ རྒྱུའི་ ཁྱབ་ བསྒྲགས་ བྱས་ པ་ དེར་ ཀྲུང་ གོ་ ཕྱོགས་ ཀྱིས་ ཁ་ གཏད་ གཅོག་ པ་ ནི་ ལོས་ ཡིན་ ཞེས་ ནན་ བཤད་ གནང་ བ་ རེད། ཆིན་ ཀང་ གིས་ ཀྲུང་ གོ་ ཕྱོགས་ ཀྱིས་ ཀྲུང་ ཕ་ དབར་ གྱི་ འབྲེལ་ བར་ མཐོང་ ཆེན་ བྱེད་ ཀྱི་ ཡོད་ ལ་ རྒྱལ་ ཁབ་ གཉིས་ པོའི་ འབྲེལ་ བ་ གོང་ འཕེལ་ གཏོང་ ཆེད་ ཀྱང་ འབད་ འརྗངས་ ལྷོད་ མེད་ བྱས་ ཡོད། ང་ ཚོས་ ཕ་ རན་ སི་ ཕྱོགས་ ཀྱིས་ ཁྱོན་ ཡོངས་ གལ་ ཆེར་ འཛིན་ རྒྱུ་ དང་ ཁ་ དན་ ཚིག་ གནས་ ཐུབ་ པ་ བྱས་ ཏེ་ ཀྲུང་ གོ་ ཕྱོགས་ ཀྱིས་ བདག་ དབང་ དང་ མངའ་ ཁོངས་ ཆ་ ཚང་ གི་ གནད་ དོན་ ལ་ ཐུགས་ ཁུར་ བྱ་ ཚུལ་ ལ་ བརྩི་ འཇོག་ དང་ ཐག་ གཅོད་ འོས་ འཚམས་ ཀྱིས་ ཀྲུང་ ཨོའུ་ དབར་ དང་ ཀྲུང་ ཕ་ དབར་ གྱི་ འབྲེལ་ བ་ གོང་ འཕེལ་ འགྲོ་ རྒྱུར་ སྐུལ་ འདེད་ གཏོད་ ཆེད་ ཆ་ རྐྱེན་ བཟང་ པོ་ གཏོད་ དགོས་ པའི་ རེ་ བ་ བྱེད་ ཀྱི་ ཡོད་ ཅེས་ གསུངས་ པ་ རེད། ། |
པར་དབང་གསལ་བསྒྲགས། རང་རེའི་དྲ་བ་ངོ་སྤྲོད། འབྲེལ་གཏུགས་བྱེད་ཚུལ། གློག་འཕྲིན་ཡིག་སྒམ། tibet3@126.com ཁ་པར། 0971-8455441 ©2008 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག |