ཀྲའོ་ཁི་ཀྲི་ཡིས་པེ་ཅིན་དུ་བྱ་བར་རྟོག་ཞིབ་བྱས་པར་མ་ཟད་གཞི་རིམ་གྱི་ཉེན་རྟོག་པར་འཚམས་འདྲི་བྱས།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་ལམ། རྒྱལ་སྲིད་ཨུ་ཡོན། སྤྱི་བདེ་པུའུ་ཡི་པུའུ་ཀྲང་ཀྲའོ་ཁི་ཀྲི་ཡིས་པེ་ཅིན་དུ་བྱ་བར་རྟོག་ཞིབ་བྱས་པར་མ་ཟད་གཞི་རིམ་གྱི་ཉེན་རྟོག་པར་འཚམས་འདྲི་བྱེད་སྐབས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་སྲིད་ཁྲིམས་བྱ་བའི་གྲོས་ཚོགས་དང་ཞིང་ཆེན་དང་པུའུ་རིམ་པའི་ཆེད་དོན་བགྲོ་གླེང་འཛིན་གྲྭའི་སྟེང་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱས་ཏེ། མི་དམངས་དཀྱིལ་སྙིང་ཡིན་པའི་འཕེལ་རྒྱས་བསམ་ཕྱོགས་བརྟན་པོར་ཆགས་པར་བྱེད་པ་དང་ཚད་མཐའི་བསམ་ཕྱོགས་རྒྱུན་འཁྱོངས་དང་སྤོབས་པ་ཆེན་པོས་བྱས་རྗེས་འཇོག་ཕོད་པ། འགན་འཁྲི་ལག་བསྟར་ནན་མོ་བྱེད་དགོས་པར་མ་ཟད། ཏན་ཏན་ཏིག་ཏིག་སྒོས་སྤྱི་ཐུན་བདེ་འཇགས་དང་སྤྱི་ཚོགས་བརྟན་འཇགས་སྲུང་སྐྱོབ་བྱེད་པའི་བྱ་བ་སྣ་ཚོགས་བཟང་བོར་བསྒྲུབ་པ་དང་། ཧུར་ཐག་སྒོས་མི་དམངས་མང་ཚོགས་ཀྱིས་གནམ་ལོ་གསར་ཚེས་བསུ་བར་བདེ་འཇགས་དང་སྤྲོ་སྐྱིད་ཀྱི་སྤྱི་ཚོགས་ཁོར་ཡུག་ཅིག་གསར་སྐྲུན་བྱེད་དགོས་ཟེར། །