ཀྲུང་གོ་བོད་ཀྱི་དྲ་བ།

ལི་ཁི་ཆང་གིས་སྐབས་དོན་གསུམ་པའི་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཀྲུའུ་ཞི་ཨེ་སི་ཕེ་ནའོ་ས་ལ་མཇལ་འཕྲད་གནང་།

ཡོང་ཁུངས། : མཚོ་སྔོན་བོད་སྐད་རླུང་འཕྲིན།     སྤེལ་དུས། : 2018-08-09
ཡིག་གཟུགས། :ཆུང་། འབྲིང་། ཆེ།

6.jpg

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཟླ་བརྒྱད་པའི་ཚེས་བརྒྱད་ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁི་ཆང་གིས་པེ་ཏེ་ཧི་ནས་ཀྲུང་གོར་དངོས་གཞིའི་འཚམས་འདྲི་བྱེད་པར་ཡོང་བའི་སྐབས་དོན་གསུམ་པའི་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཀྲུའུ་ཞི་ཨེ་སི་ཕེ་ནའོ་ས་ལ་མཇལ་འཕྲད་གནང་།

རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁི་ཆང་གིས་ཚེས་བརྒྱད་ཉིན་གྱི་ཕྱི་དྲོར་པེ་ཏེ་ཧི་ནས་ཀྲུང་གོར་དངོས་གཞིའི་འཚམས་འདྲི་བྱེད་པར་ཡོང་བའི་སྐབས་དོན་གསུམ་པའི་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཀྲུའུ་ཞི་ཨེ་སི་ཕེ་ནའོ་ས་ལ་མཇལ་འཕྲད་གནང་།

ལི་ཁི་ཆང་གིས་བསྟན་དོན། ཀྲུང་གོ་ནི་མཉམ་འབྲེལ་རྒྱལ་ཚོགས་ཀྱི་གསར་འཛུགས་ཁོངས་གཏོགས་རྒྱལ་ཁབ་དང་བདེ་འཇགས་ལས་འཛིན་ལྷན་ཚོགས་ཀྱི་རྒྱུན་འཁུར་ལས་འཛིན་རྒྱལ་ཁབ། ཆེས་ཆེ་བའི་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཡིན་པའི་ཆ་ནས་མཉམ་འབྲེལ་རྒྱལ་ཚོགས་ཀྱི་བྱ་བར་མཐའ་གཅིག་ཏུ་རྒྱབ་སྐྱོར་བྱེད་བཞིན་ཡོད། ཀྲུའུ་ཞི་ཞི་ཅིན་ཕིང་གིས་ཉིས་སྟོང་བཅོ་ལྔ་ལོར་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་པུའུ་ལ་ཕུན་སུམ་ཚོགས་པའི་ངང་ནས་འཚམས་འདྲི་བྱས་པར་མ་ཟད། མཉམ་འབྲེལ་རྒྱལ་ཚོགས་བཙུགས་ནས་ལོ་འཁོར་བདུན་ཅུ་ལོན་པའི་འགོ་གཙོའི་གྲོས་ཚོགས་རབ་དང་རིམ་པར་ཞུགས། ཀྲུང་གོ་ཕྱོགས་ཀྱིས་མཉམ་འབྲེལ་རྒྱལ་ཚོགས་ཀྱི་དབང་ཟིལ་ལ་བློ་བརྟན་འགྱུར་མེད་ཀྱིས་སྲུང་སྐྱོང་བྱེད་པ་དང་། མཉམ་འབྲེལ་རྒྱལ་ཚོགས་ཀྱིས་རྒྱལ་སྤྱིའི་ལས་དོན་ཁྲོད་དུ་ནུས་པ་གལ་ཆེན་འདོན་བཞིན་པར་རྒྱབ་སྐྱོར་བྱེད་པ། ཁྱོན་ཡོངས་ནས་མཉམ་འབྲེལ་རྒྱལ་ཚོགས་ཀྱི་ཆབ་སྲིད་དང་དཔལ་འབྱོར། སྤྱི་ཚོགས། འཕེལ་རྒྱས། སྲུང་སྐྱོང་སོགས་ཁྱབ་ཁོངས་སོ་སོའི་བྱ་བའི་ཁྲོད་གཏིང་ཟབ་སྒོས་ཞུགས་ཏེ། སྒྲུབ་དགོས་པའི་རྒྱལ་སྤྱིའི་ལས་དོན་མུ་མཐུད་དུ་ལག་བསྟར་བྱས་ནས། འཛམ་གླིང་ཞི་བདེའི་སྲུང་སྐྱོང་མཁན་དང་འཛམ་གླིང་འཕེལ་རྒྱས་ལ་བྱས་རྗེས་འཇོག་མཁན། རྒྱལ་སྤྱིའི་སྒྲིག་ལམ་གྱི་སྲུང་སྐྱོང་མཁན་བཅས་བྱེད་འདོད་ཡོད་ཟེར། ལི་ཁི་ཆང་གིས་བསྟན་དོན། མཉམ་འབྲེལ་རྒྱལ་ཚོགས་དང་འཛམ་གླིང་ཉོ་ཚོང་རྩ་འཛུགས་སོགས་ཚང་མར་ངེས་པར་དུ་ལེགས་བཅོས་དང་བཅོས་བསྒྱུར་བྱེད་དགོས་པ་དང་། བཅོས་བསྒྱུར་དེ་ཕྱོགས་གཅིག་མ་ཡིན་པར་འཛམ་གླིང་འཁྲུག་ཆེན་གཉིས་པའི་རྗེས་ཀྱི་རྒྱལ་སྤྱིའི་སྒྲིག་ལམ་ལ་སྲུང་སྐྱོང་བྱེད་པའི་རྨང་གཞིའི་སྟེང་སྤེལ་དགོས་པར་མ་ཟད། མཉམ་འབྲེལ་རྒྱལ་ཚོགས་ཀྱི་སྒྲིག་ཡིག་དང་རང་དབང་ཉོ་ཚོང་གི་རྩ་དོན་གལ་ཆེན་ལ་སྲུང་སྐྱོང་བྱེད་པའི་སྔོན་འགྲོའི་འོག་སྤེལ་དགོས་ཟེར།

ཨེ་སི་ཕེ་ནའོ་ས་ཡིས་བསྟན་དོན། མཉམ་འབྲེལ་རྒྱལ་ཚོགས་ཀྱིས་ཀྲུང་གོའི་འབྲེལ་བར་ཧ་ཅང་མཐོང་ཆེན་བྱེད་བཞིན་ཡོད། ང་རང་སྐབས་དོན་གསུམ་པའི་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་ཀྲུའུ་ཞི་ཡིན་པའི་ཆ་ནས་ཐོག་དང་པོར་ཀྲུང་གོར་འཚམས་འདྲི་བྱས་པ་དེ་ནི། ཀྲུང་གོས་ཕྱོགས་མང་རིང་ལུགས་ཀྱི་ཐད་ལ་ནུས་པ་གལ་ཆེན་འདོན་སྤེལ་བྱས་པ་དང་། མཉམ་འབྲེལ་རྒྱལ་ཚོགས་ཀྱི་བྱ་བ་ཀུན་ལ་རྒྱབ་སྐྱོར་བྱས་ཏེ་བྱས་རྗེས་གལ་ཆེན་བཞག་ཡོད་པས་ཡིན་ཟེར། རྒྱལ་སྲིད་ཨུ་ཡོན། ཞོར་དུ་ཕྱི་འབྲེལ་པུའུ་ཀྲང་གི་འགན་འཁུར་མཁན་ཝང་དབྱི་གོང་གི་མཇལ་འཕྲད་ལ་ཞུགས། །

རྩོམ་སྒྲིག་པ། : རྡོ་རྗེ་བསམ་འགྲུབ།