རང་རྒྱལ་གྱི་ས་བབ་མཐོ་ཁུལ་གྱི་མྱུར་བགྲོད་ལྕགས་ལམ་རིང་ཤོས་ཧའར་པིན་ནས་ཅ་མུའུ་སི་བར་གྱི་ལྕགས་ལམ་ཤར་གཏོང་ཐུབ་པ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་ཆར། གསར་འགོད་པས་ཀྲུང་གོ་ལྕགས་ལམ་མ་རྐང་ཚད་ཡོད་ཀུང་སི་ནས་ཤེས་རྟོགས་བྱུང་བར་གཞིགས་ན། ཀྲུང་གོ་ལྕགས་ལམ་ཧྲང་ཧའེ་ལས་གྲྭ་ཅུས་ཀྱིས་སྐྲུན་འགན་ཁུར་བའི་ཧའར་པིན་ནས་ཅ་མུའུ་སི་བར་གྱི་ལྕགས་ལམ་གྱི་གཙོ་གནད་རྣམ་གྲངས་པིན་ཅང་བབས་ཚུགས་སྒྱུར་བཀོད་ལས་གྲྭ་བདེ་བླག་ངང་ལེགས་གྲུབ་ཟིན་པ་དེ་ཐོག་ནས་རང་རྒྱལ་གྱི་ས་བབ་མཐོ་ཁུལ་གྱི་མྱུར་བགྲོད་ལྕགས་ལམ་རིང་ཤོས་ཧའར་པིན་ནས་ཅ་མུའུ་སི་བར་གྱི་ལྕགས་ལམ་ལམ་ཐིག་ཧྲིལ་པོ་ཤར་གཏོང་ཐུབ་པ་མཚོན་ཡོད།

ཀྲུང་གོ་ལྕགས་ལམ་ཧྲང་ཧའེ་ཅུས་ཧའར་པིན་ནས་ཅ་མུའུ་སི་བར་གྱི་ལྕགས་ལམ་རྣམ་གྲངས་ཀྱི་ཡན་ལག་པུའུ་དང་པོའི་ལས་གྲྭ་པུའི་པུའུ་ཀྲང་ཝང་མིང་གིས་ཀྲུང་གོ་ལྕགས་ལམ་ཧྲང་ཧའེ་ཅུས་ཀྱིས་སྐྲུན་འགན་ཁུར་བ་ནི་ཧའར་པིན་ནས་ཅ་མུའུ་སི་བར་གྱི་མཐའ་མའི་འགག་གནད་སྟེ། པིན་ཅང་བབས་ཚུགས་སྒྱུར་བཀོད་ལས་གྲྭ་ཡིན་པ་དང་ལས་གྲྭ་དེ་ཧའར་པིན་ནས་ཅ་མུའུ་སི་བར་གྱི་ལྕགས་ལམ་ལམ་ཐིག་ཧྲིལ་པོ་ཤར་གཏོང་ཐུབ་རྒྱུར་ཤུགས་རྐྱེན་ཕོག་པའི་འགག་རྩའི་རང་བཞིན་གྱི་ཚོད་འཛིན་ལས་གྲྭ་ཞིག་རེད་ཅེས་ངོ་སྤྲོད་བྱས།

ཧའར་པིན་ནས་ཅ་མུའུ་སི་བར་གྱི་ལྕགས་ལམ་དེ2014ལོའི་ཟླ7པར་སྐྲུན་འགོ་ཚུགས་པ་དང་ཇུས་འགོད་བྱས་པའི་མྱུར་ཚད་ཆུ་ཚོད་རེར་སྤྱི་ལེ200ཡིན་པ་རེད། འགྲུལ་པ་དང་དངོས་ཟོག་སྐྱེལ་འདྲེན་གཉིས་ཀ་བྱེད་པའི་ལྕགས་ལམ་དེའི་སྤྱིའི་རིང་ཚད་ལ་སྤྱི་ལེ343ཡོད་པ་ནི་རང་རྒྱལ་གྱི་ས་བབ་མཐོ་ཁུལ་གྱི་མྱུར་བགྲོད་ལྕགས་ལམ་རིང་ཤོས་དེ་རེད། མིག་སྔར་ཧའར་པིན་ནས་ཅ་མུའུ་སི་བར་གྱི་ལྕགས་ལམ་དེ་མཉམ་འབྲེལ་ཐོག་ལེགས་སྒྲིག་དང་ཚོད་ལྟ་བྱེད་པའི་དུས་མཚམས་སུ་སླེབས་ཡོད་པ་དང་སྔོན་རྩིས་ལྟར་ན་ཟླ7པའི་ཟླ་མཇུག་ཏུ་ཚོད་ལྟའི་སྐྱེལ་འདྲེན་བྱ་རྒྱུ་དང་ཟླ་8པའི་ཟླ་མཇུག་ཏུ་དངོས་སུ་སྐྱེལ་འདྲེན་བྱ་རྒྱུ་རེད། སྐབས་དེ་དུས་ཧའར་པིན་ནས་ཅ་མུའུ་སི་བར་ད་ཆ་ཆུ་ཚོད6འགོར་བ་ནས་ཆུ་ཚོད1དང་སྐར་མ50བར་ཐུང་དུ་འགྲོ་རྒྱུ་རེད། །

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།