ལྷ་ས་གྲོང་ཁྱེར་སྟག་རྩེ་རྫོང་གཙང་རྟོགས་ཤང་ལ་མོ་གྲོང་ཚོས་པད་ཁ་བསྡུ་བཞིན་པ།
འོང་སྐོར་གཏོང་མ་ཐག་རང་ལྗོངས་ཀྱི་ཞིང་ཁུལ་ཁག་ཏུ་སྟོན་བསྡུའི་ལས་ལ་བྲེལ་བའི་དུས་ཚོད་རིམ་བཞིན་ཤར་ཡོད། ལོ་ཏོག་བསྡུ་བའི་ལས་དོན་བདེ་བླག་ངང་སྤེལ་བ་དང་འབྲུ་རྡོག་གཅིག་ཀྱང་མ་ལུས་པར་འབྲུ་མཛོད་ནང་བསྡུ་བའི་ཆེད་དུ། ལྗོངས་ཡོངས་ཀྱི་རིམ་ཁག་ཞིང་འབྲོག་ཚན་པས་ལས་དོན་མི་སྣ་དང་ལག་རྩལ་མཁས་པ་སྒྲིག་འཛུགས་བྱས་ནས། ཞིང་ཁའི་ནང་བསྐྱོད་དེ་སྟོན་བསྡུའི་ལས་དོན་ལ་མཛུབ་ཁྲིད་བྱས་ཐོག འབྲུ་རིགས་སྨིན་ནས་བསྡུ་ཆོག་པ་ཐམས་ཅད་བརྔ་བསྡུ་ཐུབ་པ་བྱས་ཡོད། །