དཀར་ལུང་པདྨ་རྡོ་རྗེ།
1
ཞོགས་པའི་ཉི་ཟེར་ལ་བརྒྱུས་པའི་འགྲུལ་བཞུད་ཁྲོད་ནས
ཕྱིར་འཁོར་ནས་སྡེ་ལ་བལྟ་དུས
སྨུག་རླངས་ཀྱིས་བཏིམས་པའི་རི་གྲོང་དེ
གཉིད་ལ་ཡུར་བའི་ས་ཆེན་གྱི་གཤོག་པ་ཇི་བཞིན
ཡང་ན ངས་ལྷག་བསམ་གྱིས་བཞེངས་པའི་ཕོ་བྲང་དང
ངས་རྟོག་བཏགས་ལ་དྲངས་པའི་ལྷ་སྒྲུང་གི་རྣམ་ཤེས་གསོན་པོའང དེ་རུ་ལུས་ཡོང་ངེས
2
ཉིན་གུང་གི་ཚ་ཟེར་ལ་གཞོལ་བའི་ངལ་གསོའི་ཁྲོད་ནས
ཕྱིར་འཁོར་ནས་སྡེ་ལ་བལྟ་དུས
ཚ་ཟེར་གྱིས་འཇོམས་པའི་རི་གྲོང་དེ
མེ་འོབས་ཀྱི་དོང་དུ་ལྷུང་བའི་གྲོག་མ་ཇི་བཞིན
ཡང་ན ངས་བརྩེ་བར་དྲངས་པའི་སེམས་ཀྱི་ན་ཟུག་དང
ངས་སེམས་པར་བརྒྱུས་པའི་སྙིང་གཏམ་མང་བོ་ཞིག་ཀྱང དེ་རུ་ལུས་ཡོད་ངེས
3
མཚན་མོའི་སྨག་རུམ་ལ་བཅོལ་བའི་དུང་ཟླའི་འོད་སྣང་ཁྲོད
ཕྱིར་འཁོར་ནས་སྡེ་ལ་བལྟ་དུས
སེམས་ཀྱི་རི་གྲོང་དེ་ཇི་ལྟ་བུ་ཞིག་དང
ཡང་ན ངའི་སེམས་ཀྱི་ཞེན་ཆགས་གང་ཞིག་དང་བརྩེ་བ་ཅི་ཞིག
ད་དུང་དེ་རུ་ལུས་ཡོད་དམ
2015ལོའི་ཟླ11པའི་ཚེས15ཉིན།
《མཚོ་སྔོན་བོད་ཡིག་གསར་འགྱུར》སྟེང་བཀོད།