| དྲ་བ་འདིར་གཟིགས་པར་Windows Vista དང་ IE 7 བཅས་སྤྱོད་རོགས་གནང་། |
 |
|
| མདུན་ཤོག- རྩོམ་རིག- དཔྱད་མོལ་རང་མོས་གླེང་སྟེགས། |
གཉིས་ པ། སྙན་ ཚིག་ གི་ རང་ བཞིན་ བཤད་ པ་ ལ། སྙན་ ཚིག་ བྱུང་ རབས་ ཀྱི་ གཏམ་ རྒྱུད་ འགོད་ པ་ དང༌། དེའི་ འསྟན་ དོན་ ལས་ སྙན་ ཚིག་ གི་ ངོ་ བོ་ ངོས་ འཛིན་ པ་ གཉིས་ ལས། དང་ པོ། 1. སྔོན་ ཚངས་ པའི་ འཇིག་ རྟེན་ ནས་ ཆུ་ ཀླུང་ གི་ གཟུཊ་ ཀྱིས་ འཇིག་ རྟེན་ འདིར་ བབས་ པ། འཛམ་ གླིང་ ལྷོ་ ཕྱོགས་ སུ་ འཁྱིལ་ བ་ ཚངས་ པའི་ མཚོ་ ཞེས་ བྱ་ བའི་ ཆུ་ ལས་ རིག་ བྱེད་ ཀྱི་ ཡི་ གེའི་ སྒྲ་ རྣམས་ གདངས་ ཀྱི་ ཚུལ་ གྱིས་ འབྱུང་ བ་ ཡོད་ པ་ ལ། ཕྱི་ རོལ་ རིག་ བྱེད་ པ་ རྣམས་ རིག་ བྱེད་ ནི་ སྐྱེས་ བུས་ མ་ བྱས་ པའི་ བདེན་ པ་ དོན་ ཅན་ ཡིན་ ནོ་ ཞེས་ འདོད་ ཅིང༌། དེ་ ལྟ་ བུའི་ མཆོ་ དེ་ ལ་ སྭ་ ར་ སྭ་ སྟི་ ཞེས་ འཇིག་ རྟེན་ ན་ གྲགས་ ཏེ། ཞེས་ སྙན་ འགྲེལ་ དཎྜིའི་ དགོངས་ རྒྱན་ ལས་ བྱུང༌། 2. འཕགས་ མ་ སྭ་ ར་ སྭ་ སྟི་ འདི་ ནི། དོན་ དུ་ ནི་ བཅོམ་ ལྡན་ འདས་ མ་ ཤེས་ རབ་ ཀྱི་ ཕ་ རོལ་ ཏུ་ ཕྱིན་ མ་ ཉིད་ ཡིན་ ལ། འཇིག་ རྟེན་ འདིར་ སྤྲུལ་ པས་ འཆི་ མེད་ དབང་ མོའི་ སྐུར་ བསྟན་ པ་ ནི། འཇིག་ རྟེན་ འདི་ ཆགས་ ནས་ མི་ རིང་ བ་ རྫོགས་ ལྡན་ གྱི་ ཐོག་ མའི་ སྐབས་ ཤིག རི་ རབ་ ཀྱི་ ལྷོ་ ཕྱོགས་ ཀུན་ ནས་ རླུང་ བཀོད་ པ་ མཐའ་ ཡས་ པ་ ལངས་ ཏེ། དིས་ རྒྱ་ མཚོའི་ རྦ་ རླབས་ རྣམ་ པ་ དུ་ མར་ གཡོས་ པ་ ལས། སྲིད་ པ་ གསུམ་ གྱི་ བརྟན་ གཡོའི་ སྒྲ་ སྐད་ ཐམས་ ཅད་ དྲི་ ཟའི་ གླུའམ་ མིའམ་ ཅིའི་ དབྱངས་ ལྟ་ བུར་ སྒྲ་ སྙན་ ཅིང་ རྣ་ བར་ འཇེབས་ པས་ དཔག་ ཚད་ བྱེ་ བར་ ཁྱབ་ ཅིང་ གནས་ སོ། །དེའི་ ཚེ་ ཚངས་ པ་ ཆེན་ པོ་ མི་ འཆི་ བ་ ཞེས་ བྱ་ བ་ ཚངས་ པའི་ གྲོང་ ཁྱེར་ ན་ སྤྱོད་ པས་ སྒྲ་ དེ་ རབ་ ཏུ་ གསན། ལོ་ སྟོང་ གི་ བར་ དུ་ རྒྱ་ མཚོ་ གཡོ་ བ་ ལ་ བལྟས་ ཤིང་ སྒྲ་ དེ་ ལ་ མངོན་ པར་ དགའ་ བའི་ རོ་ མྱངས་ འདུག་ གོ། །དེའི་ ཚེ་ སྲིད་ པ་ གསུམ་ གྱི་ སྒྲ་ དབྱངས་ དེ་ རྣམས་ འདུས་ པ་ ལས་ ལྷ་ མོ་ འཕྱོར་ སྒེག་ ཤིན་ ཏུ་ རྒྱས་ པ་ ས་ འོག་ ས་ སྟེང་ ས་ བླ་ གསུམ་ ན་ འགྲན་ ཟླ་ མེད་ པ་ ཞིག་ བྱུང་ ངོ༌། །དེ་ ནས་ གང་ གི་ ཚེ་ ལྷ་ མོ་ དེ་ ནམ་ མཁའི་ དཀྱིལ་ ན་ འདུག་ སྟེ། གང་ སྐྱེ་ བ་ པོ་ རྣམས་ བདེན་ པ་ དང་ བརྟུལ་ ཞུགས་ དང་ ལྡན་ ཞིང་ འཚེ་ བ་ མེད་ པར་ འདུག་ པ་ ན། ལྷ་ མོ་ དེ་ དགའ་ བས་ གར་ དག་ བྱེད་ པ་ ན་ བརྟན་ གཡོ་ ཐམས་ ཅད་ ལས་ ཡིད་ དུ་ འོང་ བའི་ སྒྲ་ མཐའ་ ཡས་ པ་ བྱུང་ ཞིང༌། ཡིད་ ཅན་ རྣམས་ ཉམས་ བག་ བདེ་ ལ་ བློ་ གྲོས་ རྒྱས་ པས། སྙན་ པའི་ དབྱངས་ ཀྱིས་ དོན་ དཔག་ ཏུ་ མེད་ པ་ རང་ བརྗོད་ པར་ གྱུར་ ཏོ། །ལྷ་ དང་ གནོད་ སྦྱིན་ དང་ མི་ དང་ ཀླུ་ རྣམས་ སྤྱོད་ པ་ ལོག་ པར་ འདུག་ པ་ ན། ལྷ་ མོ་ དེ་ ཡང་ ཕྱིར་ ཕྱོགས་ ཏེ་ འདུག་ པ་ ན། སྒྲ་ རྣམས་ ཉམས་ ཤིང་ སྐྱེ་ བོ་ ཐམས་ ཅད་ ལྡབ་ ལྡིབ་ ཏུ་ སྨྲའོ། །དེའི་ ཚེའི་ དབྱངས་ ཅན་ མ་ ཞེས་ གྲགས་ སོ། །འདི་ བདེན་ པ་ དང༌། ཚུལ་ ཁྲིམས་ དང༌། འཚེ་ བ་ སྤངས་ པ་ རྣམས་ ལ་ ཆེ་ འགོ། དེ་ ལས་ ལྡོག་ པ་ ལ་ མི་ དགྱེས་ སོ། །ཞེས་ ཀྱང་ གྲགས་ སོ། །སྒྲ་ དབྱངས་ ལྷ་ མོ་ མང་ པོ་ སྐུ་ ལས་ སྤྲུལ་ ནས། སེམས་ ཅན་ རྣམས་ ཀྱི་ དོན་ སྤྱོད་ པར་ བཞེད་ པ་ ལས། སྒྲ་ དབྱངས་ ལྷ་ མོ་ རབ་ བཀྲམ་ ཞིག་ བྱུང་ ན། སྐྱེ་ འགྲོ་ ཐམས་ ཅད་ མཁས་ པ་ འབའ་ ཞིག་ ཏུ་ འགྲོ་ རྒྱུ་ ལས། སྤྱི་ མཐུན་ ལས་ ཀྱི་ རྒྱུས། ལྷ་ མོ་ བརྒྱད་ ཁྲི་ བཞི་ སྟོང་ སྤྲོས་ པའི་ མཚམས་ སུ་ ཡིད་ སྲུབས་ བྱེད་ པས་ རྒྱུན་ ལོག་ སྟེ་ འཇིག་ རྟེན་ ན་ མཁས་ པ་ ཉུང་ བ་ དེས་ ཡིན་ ནོ་ ཟེར་ རོ། །ཞེས་ ཏཱ་ ར་ ན་ ཐའི་ དབྱངས་ ཅན་ སྒྲ་ ཊིཀ་ དང༌། ཁམས་ སྤྲུལ་ སྙན་ འགྲེལ། མི་ ཕམ་ སྙན་ འགྲེལ་ སོགས་ ལས་ བྱུང༌། 3. མདོ་ ཟ་ མ་ ཏོག་ བཀོད་ པ་ ལས། སངས་ རྒྱས་ རྣམ་ གཟིགས་ འཇིག་ རྟེན་ དུ་ བྱོན་ པའི་ ཚེ་ འཕགས་ པ་ སྤྱན་ རས་ གཟིགས་ དབང་ ཕྱུག་ གིས། མ་ འོངས་ པ་ ན་ སྙིགས་ མ་ ལྔ་ དང་ ལྡན་ པའི་ སེམས་ ཅན་ རྣམས་ སངས་ རྒྱས་ དང་ བྱང་ ཆུབ་ སེམས་ དཔའི་ ཆ་ ལུགས་ ཀྱིས་ མི་ ཐུལ་ བར། ཕྱི་ རོལ་ པའི་ ལྷའི་ གཟུགས་ དང་ རྟགས་ དང་ མཚན་ མས་ འདུལ་ བར་ གཟིགས་ ནས། ལྷ་ ཐམས་ ཅད་ མཁྱེན་ པ་ ཞེས་ བྱ་ བའི་ ཏིང་ ངེ་ འཛིན་ ལ་ སྙོམས་ པར་ ཞུགས་ སོ། །དེ་ ནས་ དབང་ ཕྱུག་ དཔྲལ་ བ་ ནས་ བྱུང༌། ཚངས་ པ་ ཕྲག་ པ་ གཡས་ ནས། ཁྱབ་ འཇུག་ ཕྲག་ པ་ གཡོན་ ནས། ཉི་ མ་ སྤྱན་ གཡས་ ནས། ཟླ་ བ་ གཡོན་ ནས། ཆུ་ ལྷ་ ལྟོ་ བ་ ནས། དབྱངས་ ཅན་ མ་ ཞལ་ གྱི་ མཆེ་ བའི་ རྩེ་ ལས་ བྱུང་ ངོ༌།། ཞེས་ བྱུང༌། 4. དཔལ་ མོ་ འདི་ ཉིད་ གཞན་ དུ་ དྲི་ ཟའི་ བུ་ མོར་ ཡང་ གྲགས་ ལ། དྲི་ ཟ་ ཏམ་ བུ་ རའི་ ཆུང་ མའི་ ཚུལ་ འཛིན་ པས་ ལྷོ་ ཕྱོགས་ རྒྱ་ མཚོའི་ འགྲམ་ ན་ གནས་ པ་ ལ་ ཕྱི་ ནང་ གཉིས་ ཀས་ འདོད་ ལྷ་ བྱེད་ ཅེས་ ཀྱང་ ཐོས་ ཏེ། བྲམ་ ཟེ་ ཕུར་ བུས་ ཀྱང༌། པིཥྞུའི་ གཟུཊ་ བརྙན་ ཏམ་ བུ་ ར་ ལ་ དགའ་ སྐྱེད་ ཚུལ་ འཛིན་ མ། །རྗེས་ སུ་ ཆགས་ བཅས་ རོལ་ པའི་ ལོ་ ནི་ བརྒྱད་ གཉིས་ ལོན་ པའི་ ཉམས། །ཆུ་ གཏེར་ འགྲམ་ ངོས་ དབུ་ བའི་ ཕྲེང་ བས་ རྩེ་ བར་ དགའ་ བ་ ཅན། །དྲི་ ཟའི་ རྒྱལ་ པོས་ མངོན་ བསྟོད་ ཉིད་ ཀྱི་ རྣམ་ ཐར་ ཕུལ་ བྱུང་ རྣམས། །ཞེས་ སོགས་ སྙན་ འགྲེལ་ དཎྜིའི་ དགོངས་ རྒྱན་ ལས་ བྱུང༌། 5. དྲི་ ཟའི་ ཏམ་ བུ་ ར་ ལ་ དབྱངས་ ཅན་ མ་ དང༌། ནོར་ རྒྱུན་ མ་ གཉིས་ ཆུང་ མ་ བྱེད་ ཅིང་ གནས་ པ་ ལ། ཕན་ ཚུན་ གཅིག་ གིས་ གཅིག་ ལ་ ཕྲག་ དོག་ བྱས་ ཏེ། དབྱངས་ ཅན་ མ་ དགའ་ སར་ ནོར་ རྒྱུན་ མ་ མི་ དགའ་ ཞིང༌། ནོར་ རྒྱུན་ མ་ དགའ་ སར་ དབྱངས་ ཅན་ མ་ མི་ དགའ་ བས། འཇིགརྟེན་ ན་ མཁས་ པ་ ཕལ་ ཆེར་ དབུལ་ བོར་ གྱུར་ པ་ ཡིན་ ནོ། །ཞིས་ ཀྱང་ གྲགས་ སོ། །ཞེས་ དབྱངས་ ཅན་ མའི་ ལས་ ཚོགས་ ལས་ བྱུང་ ངོ༌།། གཉིས་ པ། གཏམ་ རྒྱུད་ དེ་ དག་ གི་ བསྟན་ དོན་ བཤད་ པ་ ནི། ཇི་ སྐད་ དུ། སྙན་ ངག་ མཁན་ ཆེན་ རྣམས་ ཀྱི་ ངག་ རྣམས་ ལས། །སླར་ ཡང་ དངོས་ པོ་ གཞན་ ཉིད་ རྟོགས་ པ་ ཡོད། །གང་ དེ་ གྲགས་ པའི་ ཆ་ ཤས་ བྲལ་ བར་ སྣང༌། །ཞེས་ དང༌། བརྗོད་ རིམ་ དག་ ལས་ དངོས་ པོ་ ནི། །ཟབ་ མོ་ དག་ ཀྱང་ གསལ་ བ་ སྟེ། །ཞེས་ དང༌། ཚད་ མ་ མདོ་ ལས། རང་ གི་ རྐྱེན་ དང་ རྗེས་ འབྲེལ་ བས། །རྣམ་ པ་ དུ་ མ་ སོ་ སོར་ རྟོགས། །ཞེས་ པ་ ལྟར། གོང་ འཁོད་ རིག་ བྱེད་ དང་ མདོ་ རྒྱུད་ ལས་ བྱུང་ བའི་ གཏམ་ རྒྱུད་ འདི་ དག་ རང་ དགའི་ གཏམ་ རྒྱུད་ ཅིག་ ཏུ་ བཟུང་ ནས་ ཡོངས་ གྲགས་ ཀྱི་ གོ་ བ་ ལེན་ ཚུལ་ ལྟར་ བྱས་ ན། ངོ་ གདོང་ གི་ དོན་ དེའི་ ཕན་ ཆད་ ན་ གོ་ རྒྱུ་ ཆེར་ མེད་ མོད། དེ་ ཙམ་ གྱིས་ མ་ ཚིམས་ པར་ སྙན་ ཚིག་ རོལ་ མོ་ སོགས་ སྒྱུ་ རྩལ་ གྱི་ གཞུང་ ལུཊ་ སྤྱི་ དང་ སྦྱར་ ནས་ གོ་ རྒྱ་ བསྐྱེད་ ཅིང་ ཞིབ་ ཏུ་ དཔྱད་ ན་ གཏམ་ རྒྱུད་ འདི་ དག་ རིན་ ཐང་ ཤིན་ ཏུ་ ཆེ་ ཞིང༌། སྤྱིར་ བཏང་ མཉམ་ འཇོག་ མི་ བྱེད་ པའི་ གོ་ རྒྱུའི་ གནད་ ཟབ་ མོ་ མང་ པོ་ ཞིག་ བསྟན་ ཡོད་ པས། འདིར་ གཏམ་ རྒྱུད་ ཀྱི་ བསྟན་ དོན་ དེ་ དག་ གོ་ རིམ་ ལྟར་ ཅུང་ ཟད་ གསལ་ བར་ བཀྲལ་ ན། སྙན་ ཚིག་ རིག་ བྱེད་ ཚངས་ པའི་ ཞལ་ ལས་ སམ་ ཚངས་ པའི་ མཚོ་ ལས་ བྱུང་ བར་ འདོད་ པའི་ ཚངས་ པ་ ཞེས་ པ་ དེ་ ལ་ གོ་ རྒྱུ་ གཉིས་ ཡོད་ དེ། དང་ པོ། བྲམ་ ཟེ་ ཚངས་ པ་ བ་ སོགས་ ཀྱིས་ ཚངས་ པ་ འཇིག་ རྟེན་ བྱེད་ པོར་ འདོད་ པས། ཚངས་ པ་ ཞེས་ པ་ བྱེད་ པོའི་ དོན་ ཏེ། བྱེད་ པོ་ ལ་ སྐྱེས་ བུ་ དང༌། རང་ བཞིན་ སོགས་ སུ་ འདོད་ ཚུལ་ དུ་ མ་ ཡོད་ ཀྱད༌། ཡོངས་ གྲགས་ སྣོད་ བཅུད་ ཀྱི་ འཇིག་ རྟེན་ ཀུན་ གྱི་ སྐྱེ་ འཇིག་ གི་ གདོད་ མའི་ རྒྱུའམ་ རྩ་ བའི་ རྣམ་ གཞག་ ཅིག་ གི་ དོན་ ཡིན། དེའི་ དབང་ དུ་ བྱས་ ན། སྙན་ ཚིག་ རིག་ བྱེད་ ཚངས་ པ་ ལས་ སྐྱེས་ པ་ ཞེས་ པའི་ དོན་ ནི་ སྙན་ ཚིག་ རིག་ བྱེད་ ཀྱང་ རྒྱུ་ མེད་ རྐྱེན་ མེད་ རང་ དབང་ བའི་ དངོས་ པོ་ ཞིག་ མིན་ པར་ རང་ རྒྱུ་ ལས་ གྲུབ་ པ་ དང༌། དངོས་ པོའི་ རྣམ་ གཞག་ ཅིག་ ལ་ བརྟེན་ ནས་ བྱུང་ བར་ བསྟན་ པ་ ཡིན། གཉིས་ པ། ཚངས་ ནི་ གཙང་ བའི་ དོན་ ཡིན་ པས། དེའི་ དབང་ དུ་ བྱས་ ན། སྙན་ ཚིག་ རིག་ བྱེད་ རྒྱུ་ གཙང་ མ་ ལས་ གྲུབ་ པ་ དང༌། ཞར་ ལ་ རང་ བཞིན་ གཙང་ བ། རྗོད་ བྱེད་ ཚིག་ གཙང་ བ། བརྗོད་ བྱའི་ དོན་ གཙང་ བ་ སོགས་ ཀྱང་ བསྟན། རྒྱུ་ གཙང་ བ་ ནི། སྙན་ ཚིག་ རྩོམ་ པའི་ བསམ་ པ་ དང་ རྒྱུའི་ ཀུན་ སློང་ གཙང་ བ་ དང༌། རང་ བཞིན་ གཙང་ བ་ ནི། ལོག་ རྟོག་ ངན་ ཞེན་ ནོར་ འཁྲུལ་ སོགས་ ཀྱི་ སྐྱོན་ གྱི་ དྲི་ མས་ མ་ གོས་ ཤིང༌། ངོས་ གཙང་ བ། ཟློས་ སྐྱོན་ ཉོག་ སྐྱོན་ སྒྲིབ་ སྐྱོན་ རྩུབ་ སྐྱོན་ སོགས་ ཚིག་ སྐྱོན་ མེད་ པས་ གཙང་ ཞིང་ ཡིད་ དུ་ འཐད་ པ་ དང༌། དོན་ གཙང་ བ་ ནི། བརྗོད་ བྱ་ དོན་ མེད་ པ་ དང་ དོན་ ལོག་ པ་ སྟེ། བདེན་ དོན་ དང་ འགལ་ བ། ངན་ གཡོ་ སྟོན་ པ། བརྩེ་ བ་ མེད་ པ་ རྫུན་ དང་ གཡོ་ སྒྱུ་ སྨྲ་ བ། བག་ མེད་ མ་ རབས་ ཀྱི་ ལམ་ ལ་ འཁྲིད་ པ་ སོགས་ ཀྱི་ དོན་ སྐྱོན་ གྱི་ དྲི་ མས་ མ་ གོས་ པའོ། །ཚངས་ སྲས་ མ་ གཙང་ སྦྲ་ ལ་ དགའ་ ཞེས་ པ་ ཡང༌། གཙོ་ བོ་ བསམ་ པ་ དང་ ཀུན་ སྤྱོད་ གཙང་ མར་ དགའ་ བའི་ དོན་ དུ་ བཟུང་ ན་ འགྲིག་ པར་ སྣང་ ངོ༌།། ཆུ་ ལས་ རིག་ བྱེད ( སྙན་ ཚིག ) ཀྱི་ ཡི་ གེའི་ སྒྲ་ རྣམས་ གདངས་ ཀྱི་ ཚུལ་ དུ་ འབྱུང་ བ་ ཡོད་ ལ་ ཞེས་ དང༌། སྐྱེས་ བུས་ མ་ བྱས་ པའི་ བདེན་ པའི་ དོན་ ཅན། ཞེས་ པའི་ དོན་ ལ་ འགྲེལ་ བྱེད་ ཕལ་ ཆེར་ གྱིས་ རིག་ བྱེད་ རང་ བྱུང་ རྟག་ པར་ འདོད་ པའི་ དོན་ དུ་ བཀྲལ་ ཡང༌། རང་ བྱུང་ དང་ སྐྱེས་ བུས་ མ་ བྱས་ པ་ ཡིན་ ན་ རྟག་ པ་ ཡིན་ པས་ ག་ ལ་ ཁྱབ། དེས་ ཁྱབ་ ན། འབྲུག་ སྒྲ་ ཆུ་ སྒྲ་ རི་ དང་ རང་ སྐྱེས་ ནགས་ ཚལ་ ཐམས་ ཅད་ རྟག་ པར་ ཐལ། དེ་ དག་ སྐྱེས་ བུས་ མ་ བྱས་ པའི་ རང་ བྱུང་ གི་ དངོས་ པོ་ ཡིན་ པའི་ ཕྱིར། དེས་ ན་ ཚིག་ དེ་ དག་ གི་ དོན་ ནི། སྙན་ ཚིག་ ནི་ མི་ ཡིས་ རྟོག་ བཏགས་ སྒྲོ་ སྐུར་ མ་ བྱས་ པའི་ བརྟན་ གཡོའི་ དངོས་ པོའི་ རང་ བྱུང་ གི་ གནས་ ཚུལ་ དང་ སྣང་ ཚུལ་ བདེན་ པའི་ དོན་ ཅན་ གྱི་ རྒྱུ་ ལས་ སྐྱེས་ པའམ། བདེན་ པའི་ དོན་ ཅན་ མཚོན་ པ་ ཡིན་ པར་ བསྟན་ པ་ རེད། གོང་ གི་ གཏམ་ རྒྱུད་ གཉིས་ པར། ཕྱོགས་ ཀུན་ ནས་ རླུང་ བཀོད་ པ་ མཐའ་ ཡས་ པ་ ལངས་ ཏེ། དེས་ རྒྱ་ མཚོའི་ རྦ་ རླབས་ རྣམ་ པ་ དུ་ མར་ གཡོས་ པ་ ལས། སྲིད་ པ་ གསུམ་ གྱི་ བརྟན་ གཡོའི་ སྒྲ་ སྐད་ ཐམས་ ཅད་ དྲི་ ཟའི་ གླུའམ་ མིའམ་ ཅིའི་ དབྱངས་ ལྟ་ བུར་ སྒྲ་ སྙན་ ཞིང་ རྣ་ བར་ འཇེབས་ པས་ དཔག་ ཚད་ བྱེ་ བར་ ཁྱབ་ ཅིང་ གནས་ སོ་ ཞེས་ པ་ ཡང༌། སྐྱེས་ བུས་ བཟོ་ བཅོས་ མ་ བྱས་ པའི་ རང་ བྱུང་ དངོས་ པོའི་ རྣམ་ འགྱུར་ གླུ་ དབྱངས་ དང་ སྙན་ ཚིག་ གི་ ཁུངས་ དང་ རྟེན་ ས་ དང༌། གྲུབ་ རྒྱུ་ ཡིན་ པར་ གསལ་ བར་ བསྟན་ ཏོ། །རང་ བྱུང་ གི་ བདེན་ པའི་ དོན་ ཅན་ ཞེས་ པའི་ བདེན་ པ་ དེ་ ལ་ སྣང་ ཚུལ་ གྱི་ བདེན་ པ་ དང༌། གནས་ ཚུལ་ ལམ་ གནས་ ལུགས་ ཀྱི་ བདེན་ པ་ གཉིས་ ཡོད་ པ་ ལས། སྣང་ ཚུལ་ གྱི་ བདེན་ པ་ ནི་ ཕྱི་ ཡི་ རྣམ་ འགྱུར་ ཙམ་ ཡིན་ པས། དེས་ དངོས་ པོའི་ རང་ བཞིན་ མཚོན་ ཐུབ་ མི་ ཐུབ་ རིགས་ གཉིས་ ཡོད་ ལ། གནས་ ལུགས་ ཀྱི་ བདེན་ པ་ ནི་ དངོས་ པོའི་ རང་ བཞིན་ སྒྲོ་ སྐུར་ སྤངས་ པ་ དེ་ ཡིན། སྙན་ ཚིག་ སོགས་ སྒྱུ་ རྩལ་ རྩོམ་ རིག་ གི་ བརྗོད་ བྱ་ བདེན་ པའི་ དོན་ ཅན་ ཞེས་ པ། དངོས་ པོའི་ གནས་ ལུགས་ ཀྱི་ བདེན་ པ་ གལ་ གནད་ སྙིང་ བཅུད་ བསྡུས་ པ་ ཞིག་ ལས། མེ་ ཏོག་ དང་ ལྡུམ་ བུ་ རྩྭ་ དང་ ལྩི་ བ་ ཚང་ མ་ མཉམ་ དུ་ མིག་ སྔར་ སྣང་ བ་ ལྟ་ བུའི་ སྣང་ ཚུལ་ གྱི་ བདེན་ པ་ དེ་ ལྟ་ བུ་ མིན་ ནོ།། ཚངས་ པ་ ཆེན་ པོས་ ལོ་ སྟོང་ གི་ བར་ དུ་ རྒྱ་ མཚོ་ གཡོ་ བ་ ལ་ བལྟས་ ཤིང༌། སྒྲ་ དེ་ ལ་ མངོན་ པར་ དགའ་ བས་ རོ་ མྱངས་ འདུག་ གོ་ ཞེས་ པ། སྙན་ ཚིག་ རིག་ བྱེད་ དེ་ ཡང་ མ་ བརྟཊ་ ཉམས་ དགས་ ཚོད་ ཚོད་ དུ་ བྱས་ པ་ ཞིག་ མིན་ པར། བརྟན་ གཡོའི་ དངོས་ པོ་ ལ་ ཡུན་ རིང་ པོའི་ བར་ དུ་ ཡིད་ གཏད་ ནས་ མཉམ་ འཇོག་ བརྟག་ དཔྱད་ བྱས་ པ་ དང༌། དགའ་ བ་ དང་ སྤྲོ་ བའི་ ཡིད་ དྲངས་ པའི་ རོ་ མྱོང་ བ་ སྟེ། མྱངས་ པས་ ངེས་ པ་ རྙེད་ པ་ རྒྱུ་ བྱས་ པ་ ལས་ གྲུབ་ པ་ ཡིན་ ཞེས་ བསྟན་ པ་ རེད། དེའི་ ཚེ་ སྲིད་ པ་ གསུམ་ གྱི་ སྒྲ་ དབྱངས་ དེ་ རྣམས་ འདུས་ པ་ ལས་ ལྷ་ མོ་ འཕྱོར་ སྒེག་ ཤིན་ ཏུ་ རྒྱས་ པ་ ས་ འོག་ ས་ སྟེང་ ས་ བླ་ གསུམ་ ན་ འགྲན་ ཟླ་ མེད་ པ་ ཞིག་ བྱུང་ ངོ༌། །ཞེས་ པ། སྙན་ ཚིག་ དང་ རོལ་ མོ་ སོགས་ སྒྱུ་ རྩལ་ གང་ ཡང་ གདོད་ མའི་ རྒྱུའམ་ གཞི་ རྩ་ སྲིད་ གསུམ་ བརྟན་ གཡོའི་ དངོས་ པོ་ ཡིན་ པ་ དང༌། དེ་ ཡང་ རང་ བྱུང་ གི་ སྣང་ ཚུལ་ སྣ་ ཚོགས་ བསྐྱར་ དཔར་ བཏབ་ པ་ ལྟ་ བུ་ མིན་ པར། འདུས་ པ་ སྟེ་ མེ་ ཏོག་ མང་ པོའི་ བཅུད་ འདུས་ པའི་ སྦྲང་ རྩི་ བཞིན་ དུ་ དངོས་ པོའི་ གལ་ གནད་ དོན་ རྩ་ ཕྱོགས་ འདུས་ ཀྱི་ རང་ བཞིན་ ཡིན་ པ་ དང༌། དེ་ ཡང་ དངོས་ པོ་ རྩ་ ཆེན་ ཕྱོགས་ གཅིག་ ཏུ་ འདུས་ པའི་ བང་ མཛོད་ ལྟ་ བུ་ མ་ ཡིན་ པར། ལྷ་ བཟོ་ མཁས་ པས་ རིན་ ཆེན་ བྱེ་ མ་ ལས་ བཟོས་ པའི་ འདྲ་ སྐུ་ ལྟ་ བུ་ ཡིན་ པ་ དང༌། དེ་ ཡང་ རང་ བཞིན་ གྱི་ འདྲ་ སྐུ་ ཙམ་ མིན་ པར། སྲིད་ གསུམ་ ན་ འགྲན་ ཟླ་ མེད་ པའི་ མཛེས་ སྡུག་ གི་ སྙིང་ པོ་ ལྷ་ མོ་ ལྟ་ བུའི་ འདྲ་ སྐུ་ ཡིན་ པ་ དང༌། དེ་ ཡང་ རྡོ་ ལ་ བརྐོས་ པའམ་ འདམ་ གྱིས་ བཞེངས་ པ་ ལྟ་ བུ་ མ་ ཡིན་ པར། གསོན་ པོ་ ཡིན་ པ་ པདྨའི་ ནང་ ནས་ བརྫུས་ ཏེ་ སྐྱེས་ པ་ ལྟ་ བུ་ བཟོ་ བཅོས་ ཀྱི་ ཤན་ ཅུང་ ཟད་ ཀྱང་ མེད་ པར་ རང་ བྱུང་ རང་ གྲུབ་ ཀྱི་ ཉམས་ མཚར་ ཐོན་ པ་ དེ་ ལ་ སྒྱུ་ རྩལ་ གྱི་ དངོས་ པོ་ ཟེར་ བ་ ཡིན་ ཞེས་ དང༌། དབྱངས་ ཅན་ མ་ ཡང་ སྒྲས་ མཚོན་ པའི་ སྲིད་ གསུམ་ བརྟན་ གཡོའི་ དངོས་ པོའི་ རང་ བཞིན་ གྱི་ དྭངས་ བཅུད་ སྒྱུ་ རྩལ་ གྱི་ མཛེས་ སྡུག་ ཏུ་ གྲུབ་ པ་ དེའི་ མཚོན་ བྱེད་ དམ། དེ་ ཉིད་ གཟུགས་ སུ་ བཀོད་ པ་ ཡིན་ པ་ དང༌། སྙན་ ཚིག་ དང་ རོལ་ མོའི་ སྒྱུ་ རྩལ་ ཀུན་ གྱི་ ཡིད་ འཕྲོག་ ཅིང༌། འདོད་ པའི་ བདེ་ བ་ སྟེར་ ཕྱིར་ ལྷའི་ བུ་ མོ་ དང་ མཚུངས་ པར་ བསྟན་ པ་ རེད། ལྷ་ མོ་ དེ་ ནམ་ མཁའི་ དཀྱིལ་ ན་ འདུག་ སྟེ་ ཞེས་ པ་ སྙན་ ཚིག་ རིག་ པ་ འཇིག་ རྟེན་ གྱི་ བླ་ ན་ འཕགས་ པ་ དང༌། ནམ་ མཁའི་ ནོར་ བུ་ བཞིན་ དུ་ འཇིག་ རྟེན་ གྱི་ མུན་ སེལ་ སྒྲོན་ མེ་ ཞིག་ ཡིན་ ཞེས་ པར་ བསྟན་ པ་ སྟེ། མེ་ ལོང་ ལས། གལ་ ཏེ་ སྒྲ་ དོན ( སྙན་ ཚིག ) སྣང་ བ་ ནི། །འཁོར་ བའི་ བར་ དུ་ མི་ གསམ་ ན། །འཇིག་ རྟེན་ གསུམ་ པོ་ མཐའ་ དག་ ནི། །སྨག་ རུམ་ མུན་ པ་ ཉིད་ དུ་ འགྱུར། །ཞེས་ དང༌། གསེར་ འོད་ དམ་ པར། མཚན་ མོའི་ ལྷ་ མོ་ དབྱངས་ ཅན་ མཆོག །ཅེས་ པ་ ཡང་ སྙན་ ཚིག་ གི་ ཁྱད་ ཆོས་ དེ་ ཉིད་ བསྟན་ ཏོ།། གང་ སྐྱེ་ བོ་ རྣམས་ བདེན་ པ་ དང་ བརྟུལ་ ཞུགས་ དང་ ལྡན་ ཞིང་ འཚེ་ བ་ མེད་ པར་ འདུག་ པ་ ན། ལྷ་ མོ་ དགའ་ བས་ གར་ དག་ བྱེད་ པ་ ན། བརྟན་ གཡོ་ ཐམས་ ཅད་ ལས་ ཡིད་ དུ་ འོང་ བའི་ སྒྲ་ མཐའ་ ཡས་ པ་ བྱུང་ ཞིང༌། ཡིད་ ཅན་ རྣམས་ ཉམས་ བག་ བདེ་ ལ། བློ་ གྲོས་ རྒྱས་ པས་ སྙན་ པའི་ དབྱངས་ ཀྱིས་ དོན་ དཔག་ ཏུ་ མེད་ པ་ རང་ བརྗོད་ པར་ གྱུར་ ཏོ།། ལྷ་ དང་ གནོད་ སྦྱིན་ དང་ མི་ དང་ ཀླུ་ རྣམས་ སྤྱོད་ པ་ ལོག་ པར་ འདུག་ པ་ ན། ལྷ་ མོ་ དེ་ ཡང་ ཕྱིར་ ཕྱོགས་ ཏེ་ འདུག་ པ་ ན། སྒྲ་ རྣམས་ ཉམས་ ཤིང་ སྐྱེ་ བོ་ ཐམས་ ཅད་ ལྡབ་ ལྡིབ་ སྨྲའོ། །ཞེས་ པས་ གནད་ གལ་ ཆེན་ གསུམ་ བསྟན་ ཡོད་ དེ། དོན་ དང་ པོ། བདེན་ པ་ སྟེ་ ལུགས་ དྲང་ བདེན་ འཛིན་ དང༌། རྒྱུ་ འབྲས་ བརྩི་ བ་ སོགས་ དང༌། བརྟུལ་ ཞུགས་ ཏེ། ཞི་ དུལ་ བག་ ཡོད་ ཚུལ་ མཐུན་ གྱི་ ཀུན་ སྤྱོད་ དང་ ལྡན་ པ་ དང༌། འཚེ་ བ་ མེད་ པ་ སྟེ། མཛའ་ མཐུན་ ཞི་ བདེ་ ལ་ དགའ་ བ་ སོགས་ ལ། ལྷ་ མོ་ དགའ་ བས་ གར་ དག་ བྱེད་ པ་ སྟེ། དབྱངས་ ཅན་ མ་ དགའ་ བའི་ དོན་ ཡིན་ ལ། དེ་ ལས་ དབྱངས་ ཅན་ སྙན་ ཚིག་ གི་ དགའ་ ཕྱོགས་ དང་ བསྔགས་ བརྗོད་ བྱེད་ ཕྱོགས་ ཀྱང་ བསྟན། ལྷ་ མི་ གནོདསྦྱིན་ ཀླུ་ སྟེ། འཇིག་ རྟེན་ གྱི་ སྐྱེ་ བོ་ མཐོ་ དམའ་ བར་ གསུམ་ ཐམས་ ཅད་ སྤྱོད་ པ་ ལོག་ པར་ འདུག་ པ་ སྟེ། དྲང་ བདེན་ གྱི་ ལྡོག་ ཕྱོགས་ གཡོ་ སྒྱུ་ དང༌། ལས་ མིན་ ལོག་ མིན་ བྱེད་ པ། བརྟུལ་ ཞུགས་ ཀྱི་ ལྡོག་ ཕྱོགས་ ཁྲེལ་ མེད་ ངོ་ ཚ་ མེད་ པའི་ མ་ རབས་ སྤྱོད་ ངན་ དར་ བ། མི་ འཚེ་ བའི་ ལྡོག་ ཕྱོགས་ མི་ རྣམས་ གསོད་ རེས་ འཕྲོག་ རེས་ དང་ འཐབ་ འཛིང་ བྱེད་ པ་ སོགས་ ལ། ལྷ་ མོ་ ཕྱིར་ ཕྱོགས་ ཏེ་ འདུག་ པ་ སྟེ། དབྱངས་ ཅན་ ལྷ་ མོ་ ཐུགས་ ཁྲེལ་ ནས་ མི་ དགའ་ བའི་ དོན་ ཡིན་ ལ། དེ་ ལས་ དབྱངས་ ཅན་ སྙན་ ཚིག་ གི་ ངོ་ ལོག་ བྱེད་ ཕྱོགས་ དང༌། སྨད་ ར་ དང་ མཚང་ འབྱིན་ བྱེད་ ཕྱོགས་ ཀྱང་ བསྟན། དོན་ གཉིས་ པ། འཇིག་ རྟེན་ ན་ བདེན་ པ་ དང༌། བརྟུལ་ ཞུགས་ ལྡན་ པ་ དང༌། འཚེ་ བ་ མེད་ པའི་ ཕན་ བདེ་ ལེགས་ ཚོཊ་ རྒྱས་ དུས། བརྟན་ གཡོ་ ཐམས་ ཅད་ ལས་ ཡིད་ དུ་ འོང་ བའི་ སྒྲ་ མཐའ་ ཡས་ པ་ བྱུང་ སྟེ། སྙན་ ཚིག་ གི་ བརྗོད་ བྱ་ ཕུན་ སུམ་ ཚོགས་ པའི་ རྒྱུ་ སྐྱེ་ བོ་ བཟང་ པོ་ དང༌། ཀུན་ སྤྱོད་ བཟང་ པོ། དོན་ བཟང་ པོ་ མང་ དུ་ འབྱུང་ ཞིང༌། དེ་ ལས་ ལོག་ པ་ ན། སྒྲ་ རྣམས་ ཉམས་ ཤིང༌། སྐྱེ་ བོ་ རྣམས་ ལ་ སྤྱི་ ཚོགས་ ཀྱི་ ངན་ ཤན་ ཞུགས་ ཏེ་ སྙན་ ཚིག་ ཕུན་ སུམ་ ཚོགས་ པའི་ རྒྱུ་ ཉམས་ པར་ འགྱུར་ རོ་ ཞེས་ སྙན་ ཚིག་ བཟང་ པོ་ འབྱུང་ བའི་ ཡུལ་ དུས་ ཀྱི་ ཆ་ རྐྱེན་ བསྟན། དོན་ གསུམ་ པ། ཡིད་ ཅན་ རྣམས་ བག་ བདེ་ ལ། བློ་ གྲོས་ རྒྱས་ པས་ སྙན་ པའི་ དབྱངས་ ཀྱིས་ དོན་ དཔག་ ཏུ་ མེད་ པ་ བརྗོད་ པར་ གྱུར་ ཏོ། །ཞེས་ པས། དེ་ ལྟ་ བུའི་ ཡུལ་ དུས་ ཀྱི་ ཆ་ རྐྱེན་ བཟང་ པོ་ ལས་ དྲང་ བདེན་ དང་ སྤྱོད་ བཟང༌། མཛའ་ མཐུན་ ཞི་ བདེ་ ཡི་ འཚོ་ བ་ སྟོན་ པའི་ སྙན་ ཚིག་ གིས་ སྐྱེ་ བོ་ རྣམས་ བག་ བདེ་ བ་ སྟེ། སེམས་ ལ་ དགའ་ བདེ་ འབྱུང་ བ་ དང༌། བློ་ གྲོས་ རྒྱས་ པ་ སྟེ། ལེགས་ ཉེས་ བླང་ དོར་ ཕྱེད་ པའི་ ཤེས་ རེབ་ སྐྱེ་ ལ་ ཞེས་ དངོས་ སུ་ བསྟན་ ཅིང་ དེའི་ ལྡོག་ ཕྱོགས། དེ་ ལྟ་ བུའི་ ཡུལ་ དུས་ ཀྱི་ ཆ་ རྐྱེན་ མ་ འཛོམས་ ན་ སྙན་ ཚིག་ བཟང་ པོ་ མི་ འབྱུང་ ཞིང༌། ཡུལ་ དུས་ ངན་ པའི་ དབང་ གིས་ བྱུང་ བའི་ ལུགས་ ངན་ སྤྱོད་ ངན་ ལ་ བསྔགས་ བརྗོད་ བྱེད་ པའི་ སྙན་ ཚིག་ ལྟར་ སྣང་ གིས་ སྐྱེ་ བོ་ རྣམས་ སེམས་ འཁྲུགས་ པ་ དང༌། བློ་ ངན་ ལོག་ རྟོག་ འཕེལ་ བར་ འགྱུར་ རོ། །ཞེས་ ཤུགས་ ཀྱིས་ བསྟན་ ཏོ། །འདི་ བདེན་ པ་ དང༌། ཚུལ་ ཁྲིམས་ དང༌། འཚེ་ བ་ སྤངས་ པ་ རྣམས་ ལ་ ཆེས་ འགོ། དེ་ ལས་ ལྡོག་ པ་ ལ་ མི་ དགྱེས་ སོ། །ཞེས་ པས་ དབྱངས་ ཅན་ མ་ ནི། རྒྱུད་ དྲང་ ཞིང་ བསམ་ པ་ བཟང་ བ་ དང༌། བདེན་ ཕྱོགས་ འཛིན་ པ་ དང༌། གཡོ་ སྒྱུ་ དང་ ངན་ སེམས་ ངག་ འཆལ་ ཚིག་ རྩུབ་ སོགས་ སྤངས་ པའི་ ངང་ ཚུལ་ བཟང་ བ་ དང༌། ཞེ་ སྡང་ ཕྲག་ དོག་ གིས་ གཞན་ ལ་ གནོད་ པའི་ བསམ་ པ་ སྤངས་ པའི་ སྐྱེ་ བོ་ རྣམས་ ལ་ དགའ་ ཞིང་ མགུ་ བ་ སྟེ། ནང་ སེམས་ ཀྱི་ ཡོན་ ཏན་ དེ་ ལྟ་ བུ་ འཛོམས་ པའི་ མིས་ སྙན་ ཚིག་ བཟང་ པོ་ འབྲི་ ཐུབ་ སྟེ། སྙན་ པའི་ དབྱངས་ ཀྱིས་ དོན་ དཔག་ ཏུ་ མེད་ པ་ བརྗོད་ པར་ གྱུར་ ཏོ།། དེ་ ལས་ ལྡོག་ པ་ ལ་ མི་ དགྱེས་ ཏེ། དེ་ ལྟ་ བུའི་ སེམས་ ཀྱི་ ཡོན་ ཏན་ མེད་ ཅིང་ མ་ རབས་ ལུགས་ ངན་ སྤྱོད་ ངན་ ཕྱོགས་ འཛིན་ བྱེད་ པ་ རྣམས་ ཀྱིས་ དོན་ མེད་ དོན་ ལོག་ གི་ འཆལ་ གཏམ་ ངག་ ལྡབ་ ལྡིབ་ སྨྲ་ བ་ ལས་ དོན་ བཟང་ ཞིང་ ཚིག་ ཡིད་ དུ་ འོང་ བའི་ སྙན་ ཚིག་ རྩོམ་ པར་ མི་ ནུས་ སོ། །ཞེས་ བསྟན། སྒྲ་ དབྱངས་ ལྷ་ མོ་ མང་ པོ་ སྐུ་ ལས་ སྤྲུལ་ ནས། སེམས་ ཅན་ གྱི་ དོན་ སྤྱོད་ པར་ བཞེད་ པ་ ལ། སྒྲ་ དབྱངས་ ལྷ་ མོ་ རབ་ བཀྲམ་ ཞིག་ བྱུང་ ན། སྐྱེ་ འགྲོ་ ཐམས་ ཅད་ མཁས་ པ་ འབའ་ ཞིག་ ཏུ་ འགྲོ་ རྒྱུ་ ལས་ སྤྱི་ མཐུན་ ལས་ ཀྱི་ རྒྱུས་ ལྟ་ མོ་ བརྒྱད་ ཁྲི་ བཞི་ སྟོང་ སྤྲོས་ པའི་ མཚམས་ སུ། ཡིད་ སྲུབས་ བྱེད་ པས་ རྒྱུན་ ལོག་ སྟེ། འཇིག་ རྟེན་ ན་ མཁས་ པ་ ཉུང་ བ་ དེ་ ཡིན་ ནོ།། ཞེས་ པས། དབྱངས་ ཅན་ ལྷ་ མོ་ མཚོན་ པའི་ དབྱངས་ ཅན་ སྙན་ ཚིག་ གི་ འཕྲིན་ ལས་ རྒྱས་ ན་ སྐྱེ་ འགྲོ་ ཐམས་ ཅད་ མཁས་ པར་ འགྱུར་ བ་ དང༌། འཇིག་ རྟེན་ ན་ སྙན་ ངག་ མཁན་ དང༌། སྙན་ ཚིག་ བཟང་ པོ་ དཀོན་ པ་ དང༌། འཇིག་ རྟེན་ གྱི་ ཕན་ བདེ་ སྐྲུན་ པའི་ དབྱངས་ ཅན་ སྙན་ ཚིག་ ལ། ཡིད་ སྲུབས་ བདག་ པོ་ མི་ དགའ་ ཚུལ་ སོགས་ གསལ་ བར་ བསྟན་ ཏོ། །དེ་ ལས་ དེང་ སང་ རིག་ པའི་ ཉི་ འོད་ མ་ ཕོག་ པའི་ མུན་ ནག་ གི་ ཁུང་ བུར་ ཉལ་ ཞིང༌། དུག་ སྦྲུལ་ གྱི་ ཁ་ ཆུས་ ལུས་ བརྟས་ པའི་ རང་ རིགས་ ཀྱི་ ན་ གཞོན་ ཀླད་ མེད་ ཁོང་ རུལ་ འགས་ མི་ ཤེས་ ཤེས་ མདོག་ གིས་ སྨྱོན་ པས་ ཁ་ བླས་ པ་ བཞིན། དབྱངས་ ཅན་ སྙན་ ཚིག་ རིག་ པར་ ངན་ བཤད་ རྡོག་ བརྫིས་ བྱེད་ པ་ དེ་ ཀུན་ ཡིད་ སྲུབས་ བདག་ པོའི་ འཕྲིན་ ལས་ ཡིན་ པར་ ཤེས་ པར་ བྱའོ།། གོང་ གི་ གཏམ་ རྒྱུད་ གསུམ་ པར་ བྱུང་ བའི་ འཕགས་ པ་ སྤྱན་ རས་ གཟིགས་ དབང་ ཕྱུག་ གིས་ མ་ འོངས་ པ་ ན། སྙིགས་ མ་ ལྔ་ དང་ ལྡན་ པའི་ སེམས་ ཅན་ རྣམས་ ལ་ སངས་ རྒྱས་ དང་ བྱང་ ཆུབ་ སེམས་ དཔའི་ ཆ་ ལུགས་ ཀྱིས་ མི་ ཐུལ་ བར་ ཕྱི་ རོལ་ པའི་ གཟུགས་ དང་ རྟགས་ དང་ མཚན་ མས་ འདུལ་ བར་ གཟིགས་ ནས་ ཞེས་ པ་ ནས། དབྱངས་ ཅན་ མ་ ཞལ་ གྱི་ མཆེ་ བའི་ རྩེ་ ལས་ བྱུང་ ངོ༌། །ཞེས་ པས། དབྱངས་ ཅན་ ལྷ་ མོ་ དང་ དབྱངས་ ཅན་ སྙན་ ཚིག་ གི་ གྲུབ་ རྒྱུ་ འབྱུང་ ཁུངས་ བྱམས་ སྙིང་ རྗེ་ ཡིན་ པ་ དང༌། བྱེད་ ལས་ སྐྱེ་ དགུའི་ ཕན་ བདེ་ སྒྲུབ་ པ་ ཡིནཔར་ བསྟན་ པ་ སྟེ། འཕགས་ པ་ སྤྱན་ རས་ གཟིགས་ ནི་ དོན་ དམ་ པར་ རྒྱལ་ བ་ ཀུན་ གྱི་ སྙིང་ རྗེའི་ རང་ བཞིན་ ཡིན་ པས། དེ་ ལས་ བྱུང་ བའི་ དབྱངས་ ཅན་ མ་ དང་ དེས་ མཚོན་ པའི་ དབྱངས་ ཅན་ སྙན་ ཚིག་ ཀྱང་ སྙིང་ རྗེའི་ རང་ བཞིན་ ཡིན་ པར་ དོན་ གྱིས་ གྲུབ་ པ་ ཡིན། དེས་ ན་ དབྱངས་ ཅན་ མ་ ཤེས་ རབ་ རང་ བཞིན་ ཡིན་ ཚུལ་ མང་ དུ་ བྱུང་ ཞིང༌། སྙན་ ཚིག་ ཀྱང་ དངོས་ རྒྱུ་ ཤེས་ རབ་ ལས་ གྲུབ་ ཅིང༌། བྱེད་ ལས་ འགྲོ་ རྒྱུད་ ཀྱི་ རྨོངས་ མུན་ སེལ་ བས་ ཤེས་ རབ་ ཀྱི་ ཆར་ གཏོགས་ པས། འདིར་ སྙིང་ རྗེའི་ རང་ བཞིན་ དུ་ བཤད་ པ་ མི་ འགལ་ ལམ་ ཞེ་ ན། སྙིང་ རྗེ་ དང་ ཤེས་ རབ་ གཉིས་ ཐབས་ ཤེས་ དབྱེར་ མེད་ པའི་ རྒྱུ་ མཚན་ གྱིས་ དང༌། རྣམ་ སྣང་ མངོན་ བྱང་ ལས། ཐམས་ ཅད་ མཁྱེན་ པའི་ ཡེ་ ཤེས་ དེ་ ནི་ སྙིང་ རྗེའི་ རྩ་ བ་ ལས་ བྱུང་ བ་ ཡིན། ཞེས་ གསུངས་ པ་ ལྟར་ ཡིན་ པས་ མི་ འགལ་ ལོ།། གོང་ གི་ གཏམ་ རྒྱུད་ བཞི་ བར། དཔལ་ མོ་ འདི་ ཉིད་ གཞན་ དུ་ དྲི་ ཟའི་ བུ་ མོར་ ཡང་ གྲགས་ ལ། དྲི་ ཟའི་ ཏམ་ བུ་ རའི་ ཆུང་ མའི་ ཚུལ་ འཛིན་ པས། ལྷོ་ ཕྱོགས་ རྒྱ་ མཚོའི་ འགྲམ་ ན་ གནས་ པ་ ལ་ ཕྱི་ ནང་ གཉིས་ ཀས་ འདོད་ ལྷ་ བྱེད་ ཅེས་ ཀྱང་ ཐོས་ ཏེ། ཞེས་ པས། ལྷ་ མོ་ དབྱངས་ ཅན་ མ་ མཛེས་ སྡུག་ ན་ ཆུང་ བརྒྱད་ གཉིས་ བཅུ་ དྲུག་ ལོན་ པའི་ ན་ ཚོད་ ཅན་ ཡིད་ འོང་ ཆགས་ པའི་ ཉམས་ ཀྱིས་ དྲི་ ཟའི་ རྒྱལ་ པོ་ ཏམ་ བུ་ ར་ ལ་ དགའ་ བ་ བསྐྱེད་ ཅིང་ འདོད་ པའི་ བདེ་ བ་ སྒྲུབ་ པས་ མཚོན་ འདོད་ ལྷར་ གྱུར་ པ་ ཡིན་ ལ་ འཇིག་ རྟེན་ ན་ ཡང་ དེ་ ལྟར་ གྲགས་ སོ། །ཞེས་ པའི་ དོན་ ཏེ། འདོད་ ལྷ་ ནི་ འདོད་ པའི་ ལོངས་ སྤྱོད་ སྒྲུབ་ པ་ དང་ ཆགས་ པ་ སྐྱེད་ པའི་ ལྷའི་ མིང་ ཡིན། འདོད་ པའི་ ལོངས་ སྤྱོད་ ལ་ དབང་ པོའི་ ཚོར་ བའི་ ཆར་ གཏོགས་ དང༌། ཡིད་ ཀྱི་ ཚོར་ བའི་ ཆར་ གཏོགས་ རིགས་ གཉིས་ ལས། མཛེས་ པའི་ གཟུགས། སྙན་ པའི་ སྒྲ། ཞིམ་ པའི་ དྲི། མངར་ བའི་ རོ། འཇམ་ ཞིང་ མཉེན་ པའི་ རེག་ བྱ་ སྟེ་ འདོད་ ཡོན་ ལྔ་ ནི་ དབང་ པོ་ ལྔའི་ སྤྱོད་ ཡུལ་ ཡིན་ པས་ དབང་ ཚོར་ གྱི་ ཆར་ གཏོགས་ དང༌། མྱོང་ གོམས་ ཀྱི་ བག་ ཆགས་ དང་ དྲན་ པ་ དང་ ཡིད་ འགྱུར་ སློང་ བའི་ གླུ་ དང་ སྙན་ ཚིག་ དགའ་ བའི་ གཏམ་ སོགས་ སྒྱུ་ རྩལ་ གྱི་ ལོངས་ སྤྱོད་ དང༌། རྩ་ རླུང་ ཐིག་ ལེ་ སོགས་ བསྒོམས་ པ་ ལས་ བྱུང་ བའི་ དགའ་ བདེ་ ཚོར་ བ་ སོགས་ ཡིད་ ཀྱི་ སྤྱོད་ ཡུལ་ ཡིན་ པས་ ཡིད་ ཚོར་ གྱི་ ཆར་ གཏོཊ་ ཡིན་ ལ། དབྱངས་ ཅན་ མ་ ནི་ ཡིད་ ཀྱི་ དགའ་ བདེ་ སྐྱེད་ ཞོར་ ལ་ བདེན་ དོན་ ཞིག་ བསྟན་ པ་ ཡིན་ པས་ དགའ་ བདེ་ སྐྱེད་ བྱེད་ དང༌། དགའ་ བདེ་ ལོངས་ སྤྱོད་ གཉིས་ ཀའི་ དོན་ ཚང་ བ་ ཡིན་ ཏེ། བོད་ མཁས་ པས། འཇིག་ རྟེན་ ཀུན་ ལ་ དགའ་ སྐྱེད་ གྲགས་ པའི་ གཏེར། །སྟོན་ ནུས་ སྙན་ ཚིག་ ཟླ་ བ་ གསར་ བ་ བཞིན། །ཞེས་ པ་ ཡང་ དོན་ དེར་ འབབ་ བོ། ། གོང་ གི་ གཏམ་ རྒྱུད་ ལྔ་ བར། དྲི་ ཟའི་ ཏམ་ བུ་ ར་ ལ་ དབྱངས་ ཅན་ མ་ དང༌། ནོར་ རྒྱུན་ མ་ གཉིས་ ཆུང་ མ་ ཕྱེད་ ཅིང་ གནས་ པ་ ལ། ཕན་ ཚུན་ གཅིག་ གིས་ གཅིག་ ལ་ ཕྲག་ དོག་ བྱེད་ ཅིང༌། དབྱངས་ ཅན་ མ་ དགའ་ སར་ ནོར་ རྒྱུན་ མ་ མི་ དགའ་ ཞིང༌། ནོར་ རྒྱུན་ མ་ དགའ་ སར་ དབྱངས་ ཅན་ མ་ མི་ དགའ་ བས། འཇིག་ རྟེན་ ན་ མཁས་ པ་ ལ་ ཆེར་ དབུལ་ པོར་ གྱུར་ པ་ ཡིན་ ནོ། །ཞེས་ པའི་ དོན། དབྱངས་ ཅན་ མ་ ནི་ ཤེས་ རབ་ ཀྱི་ ལྷ་ ཡིན་ པས་ དེས་ དགའ་ ས་ ནང་ གི་ ཡོན་ ཏན་ དང༌། སློབ་ གཉེར་ བྱེད་ མཁན་ ཡིན་ ལ། ནོར་ རྒྱུན་ མ་ ནི་ ནོར་ ལྷ་ ཡིན་ པས་ དགའ་ ས་ ནོར་ ལོངས་ སྤྱོད་ དང༌། རྒྱུ་ ནོར་ དོན་ དུ་ གཉེར་ མཁན་ ཡིན་ པས། དེ་ གཉིས་ ཕན་ ཚུན་ གཅིག་ གིས་ གཅིག་ ལ་ ཕྲག་ དོག་ བྱེད་ ཅེས་ པས། ཤེས་ བྱའི་ རིག་ པའི་ གནས་ ལ་ གུས་ རྟག་ བརྩོན་ པས་ སློབ་ གཉེར་ བྱེད་ མཁན་ རྣམས་ ནང་ གི་ ཡོན་ ཏན་ གལ་ ཆེར་ བྱེད་ པས་ ནོར་ ལོངས་ སྤྱོད་ སོཊ་ དོན་ གཉེར་ མི་ བྱེད་ ལ། ནོར་ ལོངས་ སྤྱོད་ ལ་ དགའ་ བ་ རྣམས་ དེའི་ ཕྱོགས་ སུ་ མགོ་ འཁོར་ ནས་ ཡོན་ ཏན་ ལ་ དོན་ གཉེར་ མི་ བྱེད་ པས་ དེ་ གཉིས་ མི་ གཅིག་ གི་ སྟེང་ དུ་ འཛོམས་ དཀའ་ ཞེས་ དང༌། ནོར་ ལོངས་ སྤྱོད་ ནི་ རྒྱུད་ སློད་ བྱེད་ ཅིག་ ཡིན་ པས་ སློབ་ གཉེར་ བྱེད་ པ་ དང་ བློ་ ཡི་ ཡོན་ ཏན་ བཟང་ པོ་ སྐྱེ་ བའི་ གེགས་ སུ་ འགྱུར་ ཕྱིར། རིག་ གནས་ ཡོན་ ཏན་ སློབ་ པའི་ ཤེས་ རབ་ ཅན་ རྣམས་ རྒྱུ་ ནོར་ ལ་ ཧམ་ སེམས་ བྱེད་ མི་ རུང་ ངོ༌། །ཞེས་ དང༌། སྙན་ ངག་ མཁན་ རྣམས་ རྒྱུ་ ནོར་ ལོངས་ སྤྱོད་ སོགས་ ཀྱི་ མཚོན་ པའི་ ཐོབ་ གོ་ ས་ མིང་ སྙན་ གྲགས་ གང་ ལ་ ཡང་ མ་ རེ་ བར་ སྤྱི་ ཚོགས་ ཀྱི་ ཕན་ བདེ་ ཁོ་ ན་ ལ་ དམིགས་ པའི་ བསམ་ པ་ དང་ ཀུན་ སློང་ བཟང་ པོ་ ཞིག་ མེད་ དུ་ མི་ རུང་ བ་ ཡིན་ ནོ། ། ཞེས་ པ་ དོན་ གྱིས་ བསྟན་ པ་ རེད། གོང་ གསལ་ གཏམ་ རྒྱུད་ སོགས་ ཀྱི་ ཚིག་ དོན་ དང་ དགོངས་ དོན་ སོགས་ ལ་ དཔྱད་ ནས་ གོ་ རྒྱ་ བསྐྱེད་ པའི་ གསལ་ བཤད་ ཅུང་ ཟད་ བྱས་ པ་ འདི་ ལས་ སྙན་ ཚིག་ གི་ གྲུབ་ རྒྱུ་ དང་ རང་ བཞིན་ ངོས་ ཟིན་ བཟང་ ཙམ་ ཞིག་ ཐོབ་ རྒྱུ་ ཡོད་ དམ་ སྙམ་ མོ། །སྨྲས་ པ། སྣང་ ཚུལ་ མཛེས་ སྡུག་ བཞིན་ ལག་ རབ་ བཀྲ་ བའི། །བཅུ་ དྲུག་ ལང་ ཚོའི་ དཔལ་ འཛིན་ སྡུག་ གུ་ མ། །གནས་ ཚུལ་ རྒྱལ་ ཀུན་ མཁྱེན་ |