མནའ་མར་སྒྱུག་པོའི་རྒྱུ་ནོར་ཤུལ་འཛིན་བྱེད་པའི་དབང་ཆ་ཡོད་དམ།

1474968399771623.png

གྱོད་དཔེ།

ངའི་གྲོགས་པོ་མཁའ་འགྲོ་འཚོ་དང་མོའི་ཁྱོ་ག་གཉིས་ནི་དང་ཐོག་ངས་མཚམས་སྦྱོར་བྱས་ཏེ་ངོ་ཤེས་སུ་བཅུག་པ་ཡིན་ལ། ཕྱིས་སུ་ཁོ་གཉིས་ཀྱི་བར་ལ་ཆུ་དང་ཉ་མོ་ལྟ་བུའི་བརྩེ་དུངས་ཆགས་པའི་རྐྱེན་གྱིས་ཁྲིམས་ལྟར་གཉེན་སྒྲིག་བྱས་པ་རེད། ཁོ་གཉིས་གཉེན་སྒྲིག་བྱེད་དུས་ཁྱོ་ག་ཚང་ན་སྨྱུག་པོ་མ་གཏོགས་ཁྱིམ་མི་གཞན་མེད། ལོ་གཅིག་དང་ཕྱེད་ཀ་ཙམ་འགོར་རྗེས་མཁའ་འགྲོ་འཚོ་ཡིས་སྙིང་རྗེ་བའི་བྱིས་པ་ཞིག་བཙས། ཡིན་ན་ཡང་བསམ་ཡུལ་ལས་འདས་པ་ཞིག་ལ་ན་ནིང་མཁའ་འགྲོ་འཚོ་ཡི་ཁྱོ་ག་སྟབས་མ་ལེགས་པར་འགྲིམ་འགྲུལ་དོན་རྐྱེན་ཞིག་གི་ཁྲོད་ཚེ་ལས་འདས་སོང་། ཁྱོ་ག་ཚེ་ལས་འདས་རྗེས་མཁའ་འགྲོ་འཚོ་ཕྱིར་རང་ཁྱིམ་དུ་མ་སོང་བར་སུ་ལའང་གཉེན་སྒྲིག་མ་བྱས་པར་བྱིས་པ་ལ་བདག་སྐྱོང་བྱེད་ཞོར་སྒྱུག་པོ་དང་མཉམ་དུ་འཚོ་བ་རོལ་བར་མ་ཟད། སྒྱུག་པོ་སྙོར་སྐྱོང་བྱེད་པའི་འོས་འགན་གཙོ་བོ་རང་གི་ཕྲག་ཏུ་བླངས། ད་ལོའི་ལོ་སྟོད་དུ་མཁའ་འགྲོ་འཚོའི་སྒྱུག་པོ་གློ་བུར་དུ་ནད་ལྕི་མོ་ཞིག་ཕོག་ལ། མོས་མྱུར་དུ་སྒྱུག་པོ་སྨན་ཁང་དུ་ཁྲིད་ནས་སྨན་བཅོས་བྱས་ཀྱང་འབྲས་མེད་དུ་གྱུར་པས་ཚེ་ལས་འདས། སྒྱུག་པོ་འདས་ནས་དུས་ཡུན་ཅུང་མ་འགོར་བར་མཁའ་འགྲོ་འཚོ་ཡི་ཁྱོ་གའི་སྲིང་མོ་ཡོང་སྟེ་མོ་དང་བྱིས་པ་གཉིས་ཀ་སྒྱུག་པོ་ཚང་ནས་འབུད་དགོས་པར་མ་ཟད། འགྲོ་ཁར་ཁྱིམ་ཚང་དེའི་རྒྱུ་ནོར་སྐར་གང་ཡང་ཁྱེར་མི་ཆོག་ལ། ཁོ་མོ་སྒྱུག་པོའི་ཤུལ་འཛིན་མཁན་གཅིག་པུ་ཡིན་ཟེར། དེ་བས། མནའ་མར་སྒྱུག་པོའི་རྒྱུ་ནོར་ཤུལ་འཛིན་བྱེད་པའི་དབང་ཆ་ཡོད་དམ།

ཁྲིམས་བཤད།

《སྐྱེས་མའི་ཁེ་ཕན་ཁག་ཐེག་བཅའ་ཁྲིམས》གྱི་ནང་དུ་སྐྱེས་མའི་སྐོར་གྱི་ཁེ་དབང་སྲུང་སྐྱོང་བྱེད་པར་ཆེད་དུ་གཏན་ཁེལ་གསལ་བོ་བྱས་ཡོད་དེ། ཁྱོ་ག་འདས་པའི་བུད་མེད་ཀྱིས་སྒྱུག་པོ་དང་སྒྱུག་མོ་གཉིས་གཉོར་སྐྱོང་བྱེད་པའི་འོས་འགན་གཙོ་བོ་འཁུར་ཚེ། སྒྱུག་པོ་དང་སྒྱུག་མོ་གཉིས་ཀྱི་རིམ་པ་དང་པོའི་ཁྲིམས་བཀོད་ཤུལ་འཛིན་པ་རུ་བརྩི་དགོས་ལ། ཤུལ་འཛིན་དབང་ཆ་དེར་བྱིས་པའི་ཚབ་བྱེད་ཤུལ་འཛིན་དབང་ཆ་ཡིས་ཤུགས་རྐྱེན་ཐེབས་མི་སྲིད། དེའི་རྐྱེན་གྱིས་མཁའ་འགྲོ་འཚོ་ཤུལ་འཛིན་བཅའ་ཁྲིམས་དང་སྐྱེས་མའི་ཁེ་ཕན་ཁག་ཐེག་བཅའ་ཁྲིམས་ཁྲོད། ཁྱོ་ག་འདས་པའི་མནའ་མས་སྒྱུག་པོ་སྒྱུག་མོ་གཉིས་ཀ་སྙོར་སྐྱོང་བྱེད་པའི་འོས་འགན་གཙོ་བོ་འཁུར་ཚེ། རིམ་པ་དང་པོའི་ཤུལ་འཛིན་མཁན་དུ་བརྩི་ཆོག་ཅེས་པའི་ཤུལ་བཞག་རྒྱུ་ནོར་གྱི་རིམ་པ་དང་པོའི་ཤུལ་འཛིན་མཁན་གྱི་ཐོབ་ཐང་སྟེང་ནས་རྒྱུ་ནོར་ཤུལ་འཛིན་བྱས་ཆོག་ཆོག་ཡིན་ནོ།   །

རྩོམ་སྒྲིག་པ། མཁའ་མཚོ་སྐྱིད།

དཔྱད་མཆན 0 ཡོད།