ཀྲུང་གོ་བོད་ཀྱི་དྲ་བ།

​བཟའ་འཐོར་བྱས་ཟིན་པའི་བྱིས་པས་སློབ་ཆེན་འགྲིམས་སྐབས་ཡང་བསྐྱར་གསོ་རྟེན་བསླང་ཆོག་གམ།

ཡོང་ཁུངས། : ཀྲུང་གོ་བོད་ཀྱི་དྲ་བ།   རྩོམ་པ་པོ། : རམས་ཚེ་བྷོ།   སྤེལ་དུས། : 2018-04-04
ཡིག་གཟུགས། :ཆུང་། འབྲིང་། ཆེ།

1474968399771623.png

གྱོད་དཔེ།

ཉི་མ་རྒྱལ་མཚན་གྱི་ཕ་མ་གཉིས་བཟའ་འཐོར་བྱས་ཏེ་ཁོ་རང་ཨ་མའི་དྲོད་ཁོལ་གྱི་ཀློང་ནས་འཚར་ལོངས་བྱུང་ཞིང་། མི་ལོ་བཅོ་བརྒྱད་ལ་འབུད་རག་བར་དུ་ཨ་ཕས་ཟླ་རེར་སྒོར་སྟོང་རེ་ཁོ་ལ་གསོ་རྟེན་དུ་བྱིན་པ་ཡིན། ད་ལོར་ཁོ་རང་མི་ལོ་ཉི་ཤུར་བུད་ཅིང་ཞིང་ཆེན་མི་རིགས་སློབ་ཆེན་འགྲིམ་བཞིན་ཡོད། ལོ་འགའི་ཡར་སྔོན་དུ་ཨ་མ་བཟོ་གྲྭ་ལས་ཕྱིར་བུད་དེ་ལས་ཤོར་ངལ་རྩོལ་པ་ཞིག་ཡིན་པ་མ་ཟད། མོ་ནད་ཅིག་ཕོག་སྟེ་རང་ཡུལ་དུ་སྨན་གསོ་བྱེད་ཀྱིན་ཡོད། ད་ནི་སློབ་ཆེན་གྱི་སློབ་ཡོན་དཀའ་ཞིང་སློབ་མའི་འཚོ་བའི་འགྲོ་གྲོན་ཤིན་ཏུ་ལྕི་བས། ཁོས་རྫོང་མི་རིགས་སློབ་འབྲིང་ན་དགེ་རྒན་གྱི་བྱ་བ་གཉེར་བཞིན་པའི་ཨ་ཕར་ཡང་བསྐྱར་འཚོ་བའི་གསོ་རྟེན་བསླང་ཆོག་གམ།

ཁྲིམས་བཤད།

རང་རྒྱལ་གྱི《ཆེས་མཐོ་མི་དམངས་ཁྲིམས་གི་བཟའ་འཐོར་གྱོད་དོན་ཞིབ་གཅོད་བྱེད་དུས་བྱིས་པ་གསོ་འགན་གྱི་གནད་དོན་ཐག་གཅོད་བྱེད་པའི་སྐོར་གྱི་བསམ་འཆར་འགའ》ཞེས་པའི་ནང་དུ་འདི་ལྟར་གཏན་ཁེལ་བྱས་ཡོད་དེ། འཚོ་བར་རང་མགོ་མི་ཐོན་པའམ་ནར་མ་སོན་པའི་བྱིས་པར་གཤམ་གྱི་གནས་ཚུལ་ཁྱད་པར་ཅན་ལྡན་ན། ཕ་མར་གསོ་རྟེན་ནུས་པ་ཡོད་པ་ཡིན་ན་སྔར་བཞིན་བྱིས་པར་དགོས་ངེས་ཀྱི་གསོ་རྟེན་སྤྲོད་དགོས་སོ།

གཅིག ངལ་རྩོལ་གྱི་ནུས་པ་ཤོར་བའམ་ཡང་ན་ཡོངས་སུ་ཤོར་མེད་ཀྱང་ཁོའི་ཡོང་སྒོ་ཁོ་ནར་བརྟེན་ནས་འཚོ་བ་སྐྱོང་མི་ཐུབ་པ། གཉིས། སློབ་གྲྭ་འགྲིམས་མུས་སུ་ཡོད་པ། གསུམ། འཚོ་བར་རང་མགོ་ཐོན་བྱེད་ཀྱི་ཆ་རྐྱེན་དང་ནུས་པ་ཅི་ཡང་མེད་པ་བཅས་ཀྱི་སྐབས་སུ་ཕ་མར་ཡང་བསྐྱར་གསོ་རྟེན་བསླང་ཆོག་སྟེ། སློབ་གྲོགས་ཉི་མ་རྒྱལ་མཚན་ནི་སློབ་ཆེན་འགྲིམ་བཞིན་ཡོད་ལ། ཁོའི་ཨ་མ་ཡང་ལས་ཤོར་མི་སྣ་ཞིག་ཡིན་པའི་ཁར་ནད་པ་ཞིག་རེད། ཁོའི་ཨ་ཕར་མཚོན་ན། ཁོ་མི་ལོ་བཅོ་བརྒྱད་ལ་འབུད་རག་བར་དུ་ཁོ་ལ་གསོ་རྟེན་བྱིན་ཡོད་ནའང་། ཁོ་རང་རྒྱལ་ཁབ་ཀྱི་ལས་བྱེད་ཅིག་དང་གཏན་འཇགས་ཀྱི་ཡོང་འབབ་ཡོད་པས་བུ་ཆུང་གི་དངོས་ཡོད་འཚོ་གནས་ལ་གཞིགས་ནས་ཁོ་ལ་ཡང་བསྐྱར་གསོ་རྟེན་འོས་འཚམས་རེ་སྟེར་དགོས་སོ།  །

རྩོམ་སྒྲིག་པ། : མཁའ་མཚོ་སྐྱིད།