དཔེ་མཚོན།
ཚེ་རྒྱལ་དང་དོན་གྲུབ་ཚེ་རིང་གཉིས་གྲོགས་པོ་ཡིན་ལ།2016ལོའི་ཟླ8པར།དོན་གྲུབ་ཚེ་རིང་གིས་ཚེ་རྒྱལ་གྱི་ལག་ནས་སྒོར་ཁྲི5བསྐྱིས།རྗེས་སུ་ཚེ་རྒྱལ་གྱིས་སྐྱིན་ཚབ་སྤྲོད་རྒྱུའི་རེ་བ་བཏོན་པ་ན།དོན་གྲུབ་ཚེ་རིང་གིས་ཁང་པའི་བདག་དབང་གི་འགྲོ་ལུགས་བསྒྲུབས་ཚར་རྗེས་སྟེར་ཞེས་ཁས་བླངས་པར་མ་ཟད།ད་རུང་བསྐྱིས་ཡིག་ཅིག་བྲིས་ནས་ཚེ་རྒྱལ་ལ་སྤྲད་པ་དང་།ཕྱོགས་གཉིས་ཀས་ད་རུང་ཟླ་རེར་སྐྱེད་ཀ2％སྟེར་རྒྱུའི་ཁ་ཆད་བཞག་པ་དང་མཉམ་དུ།དོན་གྲུབ་ཚེ་རིང་གིས་ད་རུང་རང་ཉིད་ཀྱི་ཁང་པ་དེ་གཏའ་མར་བཞག་མོད།ཡིན་ནའང་ཁོ་གཉིས་ཀྱིས་གཏའ་མའི་ཐོ་འགོད་འགྲོ་ལུགས་མ་བསྒྲུབས་པ་རེད།
2017ལོའི་ཟླ11པར།དོན་གྲུབ་ཚེ་རིང་ལ་འཁོར་བགེགས་བྱུང་ནས་གློ་བུར་དུ་ཚེ་ལས་འདས་པས།ཚེ་རྒྱལ་གྱིས་དོན་གྲུབ་ཚེ་རིང་གི་ཆུང་མ་ཚེ་དབང་སྐྱིད་ལ་བསྐྱིས་དངུལ་གྱི་སྐྱིན་ཚབ་སྤྲོད་དགོས་པའི་རེ་བ་བཏོན་པ་ན།ཚེ་དབང་སྐྱིད་ཀྱིས་དེ་ལྟ་བུའི་བསྐྱིས་དངུལ་ཞིག་ཡོད་པ་ཁས་མ་བླངས།དེ་བས་ཚེ་རྒྱལ་གྱིས་ཁྲིམས་ཁང་ལ་གཏུགས་ཏེ་ཚེ་དབང་སྐྱིད་ཀྱིས་བསྐྱིས་དངུལ་སྒོར་ཁྲི5དང་ད་རུང་སྐྱེད་ཀ་སྒོར6000གི་སྐྱིན་ཚབ་སྤྲོད་རྒྱུ་དང་།དོན་གྲུབ་ཚེ་རིང་གི་བུ་དོན་གྲུབ་རྒྱལ་དང་བུ་མོ་ཚེ་སྒྲོན་གཉིས་ཀྱིས་ཤུལ་ནོར་རྒྱུད་འཛིན་བྱེད་པའི་ཁྱབ་ཁོངས་ནང་འབྲེལ་ཐེབས་སྐྱིན་ཚབ་ཀྱི་འགན་འཁྲི་འཁུར་དགོས་པའི་རེ་བ་བཏོན།
བཅའ་ཁྲིམས་ཀྱི་ཁུངས་ལུང་།
གྱོད་ཡ་དོན་གྲུབ་ཚེ་རིང་དང་གྱོད་བདག་ཚེ་རྒྱལ་གཉིས་བར་གྱི་དམངས་དོན་དངུལ་བུན་གྱི་འབྲེལ་བ་དེ་ཁྲིམས་ལྟར་གྲུབ་ཡོད་པ་རེད།དོན་གྲུབ་ཚེ་རིང་གིས་ཚེ་དབང་སྐྱིད་དང་བཟའ་ཟླའི་འབྲེལ་བ་གནས་པའི་སྐབས་སུ་ཚེ་རྒྱལ་གྱི་ལག་ནས་སྒོར་ཁྲི5བསྐྱིས་པ་ཡིན་པས།བུ་ལོན་དེ་བཟའ་ཟླའི་ཐུན་མོང་གི་བུ་ལོན་གྱི་ཁོངས་སུ་གཏོགས།དེ་བས་ད་ལྟ་དོན་གྲུབ་ཚེ་རིང་ཚེ་ལས་འདས་ནའང་ཚེ་དབང་སྐྱིད་ཀྱིས་བུ་ལོན་དེའི་སྐྱིན་ཚབ་སྤྲོད་དགོས་པ་རེད།གྱོད་ཡ་དོན་གྲུབ་རྒྱལ་དང་ཚེ་སྒྲོན་གཉིས་ནི་དོན་གྲུབ་ཚེ་རིང་གི་རིམ་པ་དང་པོའི་རྒྱུད་འཛིན་མཁན་ཡིན་པས།དོན་གྲུབ་ཚེ་རིང་གི་ཤུལ་ནོར་རྒྱུད་འཛིན་བྱེད་རྒྱུའི་དབང་ཆ་ཡོད་ལ།དོན་གྲུབ་ཚེ་རིང་གི་བུ་ལོན་དེ་ཤུལ་ནོར་རྒྱུད་འཛིན་བྱས་པའི་མངའ་ཁོངས་དེའི་ནང་ནས་སྐྱིན་ཚབ་འཇལ་རྒྱུའི་འོས་འགན་ཡང་ཡོད་པ་རེད།དེའི་རྐྱེན་གྱིས་ཁྲིམས་ཁང་གིས་གྱོད་ཡ་ཚེ་དབང་སྐྱིད་ཀྱིས་ཁྲིམས་ཐག་བཅད་པའི་ཉིན་དེ་ནས་བཟུང་བའི་ཟླ་གཅིག་གི་ནང་གྱོད་བདག་ཚེ་རྒྱལ་ལ་བསྐྱིས་དངུལ་སྒོར་ཁྲི5དང་ད་རུང་སྐྱེད་ཀ་དང་བཅས་པ་སྤྲོད་དགོས་པ་དང་།གྱོད་ཡ་དོན་གྲུབ་རྒྱལ་དང་ཚེ་སྒྲོན་གཉིས་ཀྱིས་ཤུལ་ནོར་རྒྱུད་འཛིན་བྱེད་པའི་ཁྱབ་ཁོངས་དེའི་ནང་ནས་འབྲེལ་ཐེབས་སྐྱིན་ཚབ་ཀྱི་འགན་འཁྲི་འཁུར་དགོས་པ་ཐག་གིས་བཅད་པ་རེད། །
ཉེ་ལམ། ཟི་ལིང་གྲོང་ཁྱེར་སྤྱི་བདེ་ཅུས་མཁར་བྱང་ཡན་ལག་རུ་ཁག་གི་སྐྱེ་དངོས་གླིང་ཁུལ་མངག་གཏོང་ཁང་གི་མི་དམངས་ཉེན་རྟོག་པ་གླིང་ཁུལ་དེར་ཡོད་པའི་ཀྲུང་གོ་འཛུགས་སྐྲུན་ཅུས་གསུམ་པའི་ཚོགས་པ་ཚད་ཡོད་ཀུང་སིའི་ལས་གཞིའི་ལས་ཡུལ་དུ་སོང་སྟེ། མེ་འགོག་བདེ་འཇགས་ཞིབ་བཤེར་དང་ཁྲིམས་ལུགས་དྲིལ་སྒྲོག་གི་བྱ་འགུལ་སྤེལ། བྱ་འགུལ་སྤེལ་སྐབས་སུ། མི་དམངས་ཉེན་རྟོག་པས་འབྲེལ་ཡོད་ཀྱི་ཁྲིམས་ལུགས་དང་ཁྲིམས་སྲོལ་ལས་གཞིའི་ལས་ཡུལ་གྱི་ལས་བཟོ་པ་རྣམས་ལ་སྒྲོག་འགྲེལ་བྱེད་བཞིན་ཡོད། །