ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས།(༣)

རང་རྒྱལ་དུ་བཤུ་གཞོག་གྲལ་རིམ་རྩ་མེད་དུ་བཏང་ཟིན་ཀྱང་གྲལ་རིམ་འཐབ་རྩོད་ཁྱབ་ཁོངས་ངེས་ཅན་ཞིག་གི་ནང་དུ་ད་དུང་ཡུན་རིང་གནས།ཀྲུང་གོ་མི་དམངས་ཀྱིས་རང་རྒྱལ་གྱི་སྤྱི་ཚོགས་རིང་ལུགས་ལ་གཏོར་བཤིག་གཏོང་བའི་དགྲ་འཛིན་སྟོབས་ཤུགས་དང་དགྲ་འཛིན་མཁན་ལ་ངེས་པར་དུ་འཐབ་རྩོད་བྱེད་དགོས།

ཐའེ་ཝན་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་གྱི་མཆོག་འགྱུར་མངའ་ཁོངས་ཀྱི་ཆ་ཤས་ཤིག་ཡིན།མེས་རྒྱལ་གོང་བུ་གཅིག་འགྱུར་གྱི་བྱ་བཞག་ནི་ཐའེ་ཝན་སྤུན་ཟླ་འདུས་པའི་ཀྲུང་གོ་མི་དམངས་ཡོངས་ཀྱི་ལས་འགན་མཆོག་གྱུར་ཞིག་ཡིན།

སྤྱི་ཚོགས་རིང་ལུགས་ཀྱི་འཛུགས་སྐྲུན་བྱ་བཞག་ནི་ངེས་པར་ཏུ་བཟོ་པ་དང་ཞིང་པ།ཤེས་ཡོན་ཅན་ལ་བརྟེན་དགོས་པ་དང༌།མཐུན་སྒྲིལ་བྱེད་ཐུབ་པའི་སྟོབས་ཤུགས་མཐའ་དག་ལ་མཐུན་སྒྲིལ་བྱེད་དགོས།ཡུན་རིང་གིས་གསར་བརྗེ་དང་འཛུགས་སྐྲུན་གྱི་བརྒྱུད་རིམ་ནང་ཀྲུང་གོ་གུང་ཁྲན་ཏང་གི་འགོ་ཁྲིད་ལས་བྱེད་པ་དང་དམངས་གཙོ་ཏང་ཁག་དང་མི་དམངས་ཀྱི་ཚོགས་པ་སོ་སོའི་ཚོགས་མི་དང་སྤྱི་ཚོགས་རིང་ལུགས་ཀྱི་ངལ་རྩོལ་པ་དང་སྤྱི་ཚོགས་རིང་ལུགས་བྱ་བཞག་གི་འཛུགས་སྐྲུན་པ་དང༌།སྤྱི་ཚོགས་རིང་ལུགས་ལ་རྒྱབ་སྐྱོར་བྱེད་པའི་རྒྱལ་གཅེས་པ་དང་མེས་རྒྱལ་གཅིག་གྱུར་ལ་རྒྱབ་སྐྱོར་བྱེད་པའི་རྒྱལ་གཅེས་པ་སོགས་འདུས་པའི་ཁྱབ་ཆེ་བའི་རྒྱལ་གཅེས་འཐབ་ཕྱོགས་གཅིག་གྱུར་གྲུབ་ཡོད།འཐབ་ཕྱོགས་གཅིག་གྱུར་འདི་ནི་མུ་མཐུད་དུ་སྲ་བརྟན་དང་འཕེལ་རྒྱས་སུ་གཏོང་དགོས།ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་ནི་ཁྱབ་ཆེ་བའི་འཐུས་མི་རང་བཞིན་ལྡན་པའི་འཐབ་ཕྱོགས་གཅིག་གྱུར་གྱི་རྩ་འཛུགས་ཡིན།འདས་པའི་ལོའི་ནང་གལ་ཆེ་བའི་ལོ་རྒྱུས་ཀྱི་ནུས་པ་ཐོན།རྗེས་སུ་ཡང་རྒྱལ་ཁབ་གྱི་ཆབ་སྲིད་འཚོ་བ་དང་སྤྱི་ཚོགས་འཚོ་བ།ཕྱིར་འབྲེལ་བྱ་འགུལ་ཁྲོད་དང་སྤྱི་ཚོགས་རིང་ལུགས་དེང་རབས་ཅན་གྱི་འཛུགས་སྐྲུན་དང་རྒྱལ་ཁབ་གཅིག་གྱུར་དང་མཐུན་སྒྲིལ་གྱི་འཐབ་རྩོད་ནང་མུ་མཐུད་དུ་དེའི་ནུས་པ་གལ་ཆེན་འདོན་སྤེལ་བྱེད་རྒྱུ།ཀྲུང་གོ་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ཆབ་སྲིད་གྲོས་མོལ་ཚོགས་འདུ་ལམ་ལུགས་དུས་ཡུན་རིང་པོའི་ནང་གནས་པ་དང་འཕེལ་རྒྱས་བྱེད་རྒྱུ།

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་རྒྱལ་ཡོངས་མི་རིགས་སོ་སོའི་མི་དམངས་ཀྱིས་ཐུན་མོང་གསར་འཛུགས་བྱས་པའི་གཅིག་གྱུར་གྱི་མི་རིགས་མང་བའི་རྒྱལ་ཁབ་ཅིག་ཡིན།འདྲ་མཉམ་དང་མཐུན་སྒྲིལ།མཉམ་ལས་ཀྱི་སྤྱི་ཚོགས་རིང་ལུགས་མི་རིགས་ཀྱི་འབྲེལ་བ་ཚུགས་ཡོད་པར་མ་ཟད་ད་དུང་མུ་མཐུད་དུ་ཤུགས་སྣོན་བྱེད་དགོས།མི་རིགས་མཐུན་སྒྲིལ་གྱི་འཐབ་རྩོད་འགན་སྲུང་བྱེད་པའི་ཁྲོད་མི་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་གཙོ་བོ་རྒྱ་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་ས་གནས་མི་རིགས་རིང་ལུགས་ལ་ཡང་ངོ་རྒོལ་བྱེད་དགོས།རྒྱལ་ཁབ་གྱིས་འབད་བརྩོན་གང་ལེགས་བྱས་ཏེ་རྒྱལ་ཡོངས་མི་རིགས་ཁག་ཐུན་མོང་དར་རྒྱས་གོང་འཕེལ་གཏོང་དགོས།

ཀྲུང་གོའི་གསར་བརྗེ་དང་འཛུགས་སྐྲུན་གྱི་གྲུབ་འབྲས་ནི་འཛམ་གླིང་མི་དམངས་ཀྱིས་རྒྱབ་སྐྱོར་དང་འབྲལ་ཐབས་མེད་པ་ཞིག་རེད།ཀྲུང་གོའི་མདུན་ལམ་ནི་འཛམ་གླིང་གི་མདུན་ལམ་དང་འབྲེལ་བ་དམ་པོ་ཡོད།ཀྲུང་གོས་རང་ཚུགས་རང་བདག་གི་ཕྱིར་འབྲེལ་སྲིད་ཇུས་རྒྱུན་འཁྱོངས་བྱེད་པ་དང་ཕན་ཚུན་གྱི་བདག་དབང་དང་མངའ་ཁོངས་ཆ་ཚང་ལ་བརྩི་འཇོག་བྱེད་རྒྱུ་དེ་ཕན་ཚུན་བཙན་གནོད་མི་བྱེད་པ་དང༌།ཕན་ཚུན་ནང་སྲིད་ལ་ཐེ་གཏོགས་མི་བྱེད་པ།འདྲ་མཉམ་གཉིས་ཕན།ཞི་བ་མཉམ་གནས་གྱི་རྩ་དོན་ལྔ་རྒྱུན་འཁྱོངས་བྱེད་པ་དང༌།རྒྱལ་ཁབ་ཁག་བར་གྱི་ཕྱིར་འབྲེལ་གྱི་འབྲེལ་བ་དང་དཔལ་འབྱོར།རིག་གནས་བརྗེ་རེས་བྱེད་རྒྱུ།བཙན་རྒྱལ་རིང་ལུགས་དང་བཙན་དབང་རིགས་ལུགས།མི་སེར་སྤེལ་བའི་རིང་ལུགས་ལ་ངོ་རྒོལ་རྒྱུན་འཁྱོངས་བྱས་ཏེ་འཛམ་གླིང་སྟེང་གི་རྒྱལ་ཁབ་སོ་སོ་བར་གྱི་མཐུན་སྒྲིལ་ལ་ཤུགས་སྣོན་བྱས་ཏེ་གཉའ་གནོན་་ཉུང་བའི་མི་རིགས་དང་འཕེལ་རྒྱས་འགྲོ་བཞིན་པའི་རྒྱལ་ཁབ་གྱི་མི་རིགས་རང་བཙན་འགན་སྲུང་དང་བརྩོན་ལེན།མི་རིགས་དཔལ་འབྱོར་འཕེལ་རྒྱས་བྱེད་པའི་དྲང་བདེན་འཐབ་རྩོད་བཅས་ལ་རྒྱབ་སྐྱོར་བྱས་ཏེ་འཛམ་གླིང་ཞི་བདེ་འགན་སྲུང་དང་མིའི་རིགས་ཀྱི་བྱ་བཞག་གོང་འཕེལ་བྱེད་ཆེད་འབད་བརྩོན་བྱེད་རྒྱུ།

རྩ་ཁྲིམས་འདིས་བཅའ་ཁྲིམས་ཀྱི་རྣམ་པ་ལས་ཀྲུང་གོ་མི་རིགས་ཁག་གི་མི་དམངས་ཀྱིས་འབད་ཐབས་བྱེད་པའི་གྲུབ་འབྲས་མཐའ་གཅིག་ཏུ་ངོས་འཛིན་བྱེད་པ་དང༌།རྒྱལ་ཁབ་གྱི་རྩ་བའི་ལམ་ལུགས་དང་གཞི་རྩའི་ལས་འགན་གཏན་འཁེལ་བྱེད་རྒྱུ་ནི་རྒྱལ་ཁབ་གྱི་རྩ་བའི་བཅའ་ཁྲིམས་ཡིན།ཆེས་མཐོ་བའི་བཅའ་ཁྲིམས་ཀྱི་ནུས་པ་ལྡན།རྒྱལ་ཡོངས་མི་རིགས་སོ་སོའི་མི་དམངས་དང༌།རྒྱལ་ཁབ་ཀྱི་ལས་ཁུངས་དང་དྲག་ཆས་སྟོབས་ཤུགས།སྲིད་ཏང་ཁག་དང་སྤྱི་ཚོགས་ཚོགས་པ།ཁེ་ལས་ལས་དོན་སྡེ་ཁག་སོགས་ངེས་པར་ཏུ་རྩ་ཁྲིམས་ཏེ་ལས་འགུལ་གྱི་རྩ་བའི་ཚད་གཞི་བྱས་པ་མ་ཟད་རྩ་ཁྲིམས་ཀྱི་ཟིལ་སྙན་ཉམས་མེད་སྲུང་སྐྱོང་བྱེད་པ་དང་རྩ་ཁྲིམས་ལག་བསྟར་འགན་སྲུང་བྱེད་པའི་འགན་འཁྲི་ཁུར་དགོས།

ལེའུ་དང་པོ།སྤྱིའི་རྩ་དོན།

དོན་ཚན་དང་པོ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་བཟོ་པ་གྲལ་རིམ་གྱིས་འགོ་ཁྲིད་བྱེད་པ་དང་བཟོ་ཞིང་མནའ་འབྲེལ་གྱིས་རྨང་གཞི་བྱེད་པའི་མི་དམངས་དམངས་གཙོ་སྲིད་དབང་སྒེར་འཛིན་གྱི་སྤྱི་ཚོགས་རིང་ལུགས་ཀྱི་རྒྱལ་ཁབ་ཞིག་ཡིན།

སྤྱི་ཚོགས་རིང་ལུགས་ཀྱི་ལམ་ལུགས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་བའི་ལམ་ལུགས་ཡིན་པ་དང༌།རྩ་འཛུགས་གང་ཞིག་དང་མི་སུ་ཞིག་གིས་སྤྱི་ཚོགས་རིང་ལུགས་ཀྱི་ལམ་ལུགས་ལ་གཏོར་བཤིག་གཏོང་བར་བཀག་སྡོམ་བྱེད་དགོས།

དོན་ཚན་གཉིས་པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དབང་ཆ་ཚང་མ་མི་དམངས་ལ་དབང་བ་ཡིན།

མི་དམངས་ཀྱིས་རྒྱལ་ཁབ་གྱི་དབང་ཆ་སྤྱོད་པའི་ལས་ཁུངས་ནི་རྒྱལ་ཡོངས་མི་དམངས་འཐུས་མི་ཚོགས་ཆེན་དང་ས་གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་ཡིན།

མི་དམངས་ཀྱིས་བཅའ་ཁྲིམས་ཀྱི་གཏན་འབེབས་ལྟར་ཐབས་ལམ་དང་བྱེད་སྟངས་སྣ་ཚོགས་ལ་བརྟེན་ནས་རྒྱལ་ཁབ་གྱི་ལས་དོན་དང༌།དཔའ་འབྱོར།རིག་གནས་ཀྱི་བྱ་བཞགསྤྱི་ཚོགས་ལས་དོན་སོགས་ལ་དོམ་དམ་བྱེད་དགོས།

དོན་ཚན་གསུམ་པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་སྒྲིག་གཞིས་དམངས་གཙོ་གཅིག་སྡུད་ལམ་ལུགས་ཀྱི་རྩ་དོན་ལག་བསྟར་བྱེད་པ་ཡིན།

རྒྱལ་ཡོངས་མི་དམངས་འཐུས་མི་ཚོགས་ཆེན་དང་ས་གནས་རིམ་པ་སོ་སོའི་མི་དམངས་འཐུས་མི་ཚོགས་ཆེན་ནི་དམངས་གཙོ་ལ་བརྟེན་ནས་བདམས་ཐོན་བྱུང་བ་ཡིན་པས།དེས་མི་དམངས་ལ་འགན་ཁུར་བ་དང་མི་དམངས་ཀྱིས་ལྟ་སྐུལ་དང་ལེན་བྱེད་དགོས།

རྒྱལ་ཁབ་ཀྱི་སྲིད་འཛིན་ལས་ཁུངས་དང༌།འདྲི་གཅོད་ལས་ཁུངས།ཞིབ་དཔྱོད་ལས་ཁུངས་སོགས་ནི་མི་དམངས་འཐུས་མི་ཚོགས་ཆེན་ལས་ཐོན་དགོས་པ་དང༌།དེས་འགན་ཁུར་པ་དང་དེའི་ལྟ་སྐུལ་དང་ལེན་བྱེད་དགོས།

ཀྲུང་དབྱངས་དང་ས་གནས་ཀྱི་རྒྱལ་ཁབ་སྒྲིག་གཞིའི་འགན་དབང་དབྱེ་འབྱེདབྱེད་སྟངས་ནི་ཀྲུང་དབྱངས་གི་གཅིག་གྱུར་འགོ་ཁྲིད་འོགགང་ལེགས་སྒོས་ས་གནས་ཀྱི་རང་འགུལ་རང་བཞིན་དང་ཧུར་བརྩོན་རང་བཞིན་འདོན་སྤེལ་བྱེད་པའི་རྩ་དོན་ལ་བརྩི་སྲུང་བྱེད་རྒྱུད་དེ་ཡིན།

དོན་ཚན་བཞི་པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ཚང་མ་འདྲ་མཉམ་ཡིན་པ་དང༌།རྒྱལ་ཁབ་གྱིས་གྲངས་ཉུང་མི་རིགས་སོ་སོའི་ཁྲིམས་མཐུན་དབང་ཆ་དང་ཁེ་ཕེན་ཁག་ཐེག་བྱེད་རྒྱུ།མི་རིགས་སོ་སོའི་འདྲ་མཉམ་དང་མཐུན་སྒྲིལ།རོགས་རམ་བཅས་ཀྱི་འབྲེལ་བ་སྲུང་སྐྱོང་དང་གོང་སྤེལ་བྱེད་དགོས།མི་རིགས་གང་ཞིག་ལའམ་མཐོང་ཆུང་དང་གཉའ་གནོན་བྱེད་པའི་རིགས་ལ་བཀག་སྡོམ་བྱེད་དགོས།མི་རིགས་མཐུན་སྒྲིལ་ལ་གཏོར་བརླག་དང་མི་རིགས་ཁ་བྲལ་གཏོང་བའི་བྱ་སྤྱོད་ལ་བཀག་སྡོམ་བྱེད་དགོས།

རྒྱལ་ཁབ་ཀྱིས་གྲངས་ཉུང་མི་རིགས་ཁག་གི་ཁྱད་ཆོས་དང་དགོས་མཁོ་གཞིར་བཟུང་ནས་གྲངས་ཉུང་མི་རིགས་ས་ཁུལ་ཁག་གི་དཔལ་འབྱོར་དང་རིག་གནས་འཕེལ་ཚད་ཇེ་འགྱོགས་སུ་གཏོང་རོགས་བྱེད་དགོས།

གྲངས་ཉུང་མི་རིགས་འདུས་སྡོད་བྱེད་པའི་ས་གནས་སོ་སོར་ས་ཁོངས་རང་སྐྱོང་ལག་བསྟར་བྱེད་སྟེ་རང་སྐྱོང་ལས་ཁུངས་འཛུགས་རྒྱུ་དང་རང་སྐྱོང་དབང་ཆ་ལག་བསྟར་བྱེད་དུ་འཇུག་དགོས།མི་རིགས་རང་སྐྱོང་ས་གནས་ཚང་མ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བྲལ་དུ་མི་རུང་བའི་གྲུབ་ཆ་ཡིན།

མི་རིགས་སོ་སོར་རང་ཉིད་ཀྱི་སྐད་ཆ་དང་ཡི་གེ་སྤྱོད་པ་དང་གོང་དུ་སྤེལ་བའི་རང་དབང་ཡོད།ཚང་མ་ལ་རང་ཉིད་ཡུལ་སྲོལ་གོམས་གཤིས་རྒྱུན་འཛིན་དང་ཡང་ན་སྒྱུར་བཅོས་བྱེད་པའི་རང་དབང་ཡོད།

དོན་ཚན་ལྔ་པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་རྩ་ཁྲིམས་ལྟར་རྒྱལ་ཁབ་སྐྱོང་བ་ལག་བསྟར་བྱས་ཏེ།སྤྱི་ཚོགས་རིང་ལུགས་ཁྲིམས་སྐྱོང་རྒྱལ་ཁབ་འཛུགས་སྐྲུན་བྱེད་དགོས།

རྒྱལ་ཁབ་ཀྱིས་སྤྱི་ཚོགས་རིང་ལུགས་ཁྲིམས་ལུགས་གཅིག་གྱུར་དང་དེའི་གཟི་རྔམ་ལ་འགན་སྲུང་བྱེད་དགོས།

 

རྩོམ་སྒྲིག་པ། ཀླུ་མོ་མཚོ།

དཔྱད་མཆན 0 ཡོད།