འཛམ་གླིང་སྟེང་གི་ས་ཆ་གང་ཞིག་ཡིན་རུང་ཚང་མས་ཆུ་ཁོལ་འཐུང་བ་ནི་བདེ་ཐང་ལ་ཕན་པའི་བྱ་སྤྱོད་ཅིག་ཏུ་བརྩི་བ་རེད།ཉེ་ཆར།ཨ་མེ་རི་ཁའི《ཀློག་པ་པོའི་རྩོམ་ཡིག》ཅེས་པའི་དུས་དེབ་སྟེང་ཆུ་ཁོལ་འཐུང་བའི་དགེ་མཚན་འགའ་ཕྱོགས་སྡོམ་བྱས་ཡོད་པ་སྟེ།
གཅིག ལུས་པོའི་ལྗིད་ཚད་ཇེ་ཡང་དུ་འགྲོ་བ། ཞོགས་པར་ཆུ་ཁོལ་ཕོར་བ་གང་འཐུང་ན་རྙིང་ཚབ་གསར་བརྗེ་བྱེད་པར་ཕན་པས།ལུས་པོའི་སྟེང་གི་ཚ་ཚད་མང་པོ་ཞིག་འདོར་ཐུབ་ལ།ཆུ་ཁོལ་འཐུང་ན་ད་རུང་ལུས་སྟེང་གི་ཆུ་ལྷག་མ་ཕྱིར་ཕུད་བྱེད་ཐུབ་པས།ཆུ་བསགས་པ་སྔོན་འགོག་བྱེད་ཐུབ།
གཉིས། སྣ་འགག་པ་གསོ་བཅོས་བྱེད་ཐུབ། ཆུ་ཁོལ་མང་དུ་འཐུང་ན་དབུགས་ལམ་གྱི་ནད་རིགས་མང་པོ་ཞིག་འགོག་ཐུབ་པ་དང་།ནད་ཐོག་ལག་ལེན་གྱི་ཚོད་ལྟ་ལྟར་ན།ཆུ་ཁོལ་གྱི་ཚ་དྲོས་བེ་སྣབས་ཞི་ལྷོད་དུ་བཏང་སྟེ་སྣ་འགག་པ་གསོ་བཅོས་བྱེད་ཐུབ།
གསུམ། སོ་ཉམས་གསོ་བྱེད་པ། ཆུ་ཁོལ་གྱི་སོ་ཉམས་གསོ་དང་བསྐྱར་གསོ་བྱེད་པའི་ནུས་པ་ཧ་ཅང་བཟང་།ཚབ་བཙུགས་སོ་མང་པོ་ཞིག་ཆུ་འཁྱགས་ཀྱི་ནུས་པའི་འོག་འཁུམས་ཏེ་ལྷུང་འགྲོ་བ་རེད།
བཞི། ཟས་འཇུ་བར་ཕན་པ། ཆུ་ཁོལ་ལ་ཁྲག་རྩ་རྐྱོང་འབྱེད་བྱེད་པའི་ནུས་པ་ལྡན་པས།ཁྲག་གི་འཁོར་རྒྱུག་བདེ་ཐང་ཡོང་བར་ཕན་ཞིང་ཟས་རིགས་འཇུ་བར་རོགས་རམ་བྱེད་ཐུབ་པར་མ་ཟད།ཆུ་ཁོལ་གྱིས་ད་རུང་ཚིལ་འཇུ་བར་བྱེད་ཐུབ།
ལྔ། རྔུལ་ཆུ་བཞུར་བ། ཆུ་ཁོལ་འཐུང་ནས་ལུས་པོའི་ཚ་དྲོད་ཇེ་མཐོར་སོང་ན་རྔུལ་ཆུ་བཞུར་བ་དང་།ཡང་ན་ཇ་ཕོར་བ་གང་སྦངས་ནས་འཐུང་ན་ལུས་སྟེང་གི་རང་དབང་གཞི་རྒྱུ་ཇེ་ཉུང་དུ་སོང་སྟེ།ཕྲ་ཕུང་ལ་རྨས་སྐྱོན་འབྱུང་ཚད་ཇེ་ཡང་དུ་འགྲོ་བ་རེད།
དྲུག ན་ཟུག་ཇེ་ཡང་དུ་འགྲོ་བ། ཆུ་འཁྱགས་འཐུང་ན་ཤ་གནད་འཁུམ་པ་དང་།ཆུ་ཁོལ་འཐུང་ན་ཁྲག་གི་འཁོར་རྒྱུག་ཇེ་མགྱོགས་སུ་གཏོང་ཐུབ་པས་ཤ་གནད་ལྷོད་ལ་འབབ་ཐུབ།དེས་ན་ཟུག་མང་པོ་ཞིག་གཅོག་ཐུབ་པ་སྟེ།དཔེར་ན་ཤ་སྒྲིམ་པ་ལས་བྱུང་བའི་མགོ་ན་བ་དང་ཡང་ན་གྲུམ་བུའི་ན་ཟུག་དང་ཟླ་མཚན་གྱི་ན་ཟུག་སོགས་གཅོག་ཐུབ།དགོང་མོ་ཉལ་ཁར་ཆུ་ཁོལ་འཐུང་ན་སེམས་ཁམས་དལ་ལྷོད་ཡོང་བར་ཕན་པས།གཉིད་སྐྱིད་པོ་ཡོང་བར་ཕན་པའོ།།
བདུན། ཁྲག་གི་འཁོར་རྒྱུག་ཇེ་ལེགས་སུ་འགྲོ་བ། ཆུ་ཚ་མོའི་ནང་དུ་ཁྲུས་བྱས་ན་ལུས་པོའི་འཁོར་རྒྱུག་མ་ལག་ལ་རོགས་བྱས་ཏེ་ཁྲག་རྒྱུན་ལུས་པོ་ཡོངས་སུ་ཁྱབ་ཏུ་འཇུག་ཐུབ་པ་བཞིན།ཆུ་ཁོལ་འཐུང་ནའང་ཁྲག་གི་འཁོར་རྒྱུག་ཇེ་ལེགས་སུ་གཏོང་ཐུབ།དེས་ཁྲག་ཤེད་བརྟན་འཇགས་ཡོང་བ་དང་།སྙིང་དང་ཁྲག་རྩའི་ནད་འབྱུང་བའི་ཉེན་ཁ་ཇེ་ཉུང་དུ་གཏོང་ཐུབ་པ་མཚོན་ཡོད།
བརྒྱད། བཤང་འགགས་པ་གསོ་བཅོས་བྱེད་ཐུབ། བཤང་འགགས་པ་ནི་རྒྱུན་དུ་རྒྱུ་མ་དང་ཕོ་བའི་འགུལ་སྐྱོད་བྱེད་ཚད་དལ་བའམ་ཡང་ན་ལུས་པོར་ཆུས་མ་འདང་བའི་དབང་གིས་བྱུང་བ་རེད།ཞོགས་པར་མལ་ལས་ལངས་རྗེས་ལྟོ་སྟོང་དུ་ཆུ་ཁོལ་ཕོར་བ་གང་འཐུང་ན་རྒྱུ་མ་དང་ཕོ་བ་འགུལ་སྐྱོད་བྱེད་པར་ཕན་པས།བཤང་འགགས་གསོ་བཅོས་བྱེད་ཐུབ།
དགུ། གཤིས་རྒྱུད་ཇེ་བཟང་དུ་འགྲོ་བ། ཨ་མེ་རི་ཁའི་ཁོའོ་ལུའོ་ལ་ཏུའོ་སློབ་ཆེན་པོ་ཨེར་ཏའེ་ཡན་ལག་སློབ་གྲྭའི་ཞིབ་འཇུག་པས་ཤེས་པ་ལྟར་ན།ཆུ་ཁོལ་འཐུང་རྒྱུར་དགའ་བའི་མི་ནི་ཆུ་འཁྱགས་འཐུང་རྒྱུར་དགའ་བའི་མི་ལས་གཤིས་རྒྱུད་བཟང་ཞིང་བརྩེ་སེམས་ལྡན་པ་རེད། །