1. མི་མང་ཤོས་ཀྱིས་སྨན་རྫས་ལ་དུག་ཡོད་པ་ཤེས་ཡོད་མོད། འོན་ཀྱང་མཆིན་པ་ནི་མིའི་ལུས་པོའི་རྙིང་ཚབ་གསར་འབྱེད་ཀྱི་དབང་བོ་གལ་ཆེན་ཞིག་ཡིན་པའི་ཆ་ནས་སྨན་རྫས་གསར་བརྗེ་བྱེད་པའི་ནུས་པ་གཙོ་བོ་འདོན་གྱིན་ཡོད་པ་ཤེས་མེད།
2.ཉེ་ལམ《སྨན་དུག》ཟེར་བའི་དུས་དེབ་སྟེང་བཀོད་པའི་ཞིབ་འཇུག་རྩོམ་ཡིག་ལྟར་ན། བུད་མེད་ལ་སྐྱེས་པ་ལས་ཀྱང་སྨན་འབྱུང་རང་བཞིན་གྱི་མཆིན་པའི་གནོད་པ་འབྱུང་སླ་བ་རེད། སྤྱིར་བཏང་གི་སྨན་འབྱུང་རང་བཞིན་གྱི་མཆིན་པར་གནོད་པ་ཞེས་པ་ནི་སྨན་རྫས་བཀོལ་བའི་དུས་སུ་མཆིན་པར་བཟོས་པའི་གནོད་པ་དང་ཡང་ན་ནད་པའི་དམིགས་བསལ་ཅན་གྱི་ལུས་པོའི་རྐྱེན་གྱིས་སྨན་རྫས་ལ་ཚོར་བ་རྣོན་པོ་ཡིན་པ་དང་ཡང་ན་ནད་པའི་དམིགས་བསལ་ཅན་གྱི་ལུས་པོའི་རྐྱེན་གྱིས་སྨན་རྫས་ལ་ཚོར་བ་རྣོན་པོ་ཡིན་པ་དང་ཡང་ན་སྨན་དུག་སེལ་ནུས་ཞན་པས་མཆིན་པར་གནོད་པ་བཟོས་པ་ལ་གོ གོ་བདེ་ཞིང་ཤེས་སླ་བའི་སྒོ་ནས་བཤད་ན། རང་ཉིད་ཀྱི་ལུས་པོའི་རྐྱེན་གྱིས་སྨན་རྫས་དེ་མཆིན་པའི་ནང་རྙིང་ཚབ་གསར་འབྱེད་བྱེད་པའི་དུས་མཚུངས་སུ། མཆིནཔར་གནོད་པ་ཐེབས་སྲིད་པ་རེད། བུད་མེད་ལ་མཚོན་ན། མཆིན་པའི་ནང་གི་སྨན་རྫས་རྙིང་ཚབ་གསར་འབྱེད་བྱེད་པའི་ནུས་པ་དེ་སྐྱེས་པ་ལས་ཞན་པས། དུག་ལྡན་དངོས་རྫས་མཆིན་པའི་ནང་གསོག་སླ་བ་དང་། སྨན་རྫས་ལས་མཆིན་པར་གནོད་པ་ཐེབས་པའི་ཉེན་ཁའང་སྐྱེས་པ་ལས་ཆེ་བ་རེད།
3.སྔོན་ཆད་ཀྱི་ཞིབ་འཇུག་སྡོམ་རྩིས་ལྟར་ན། ཀྲུང་ལུགས་སྨན་རྫས་བཀོལ་རྗེས་མཆིན་པར་གནོད་པ་ཐེབས་པའི་ཚད་ཕལ་ཆེར་བརྒྱ་ཆའི་བཞི་བཅུར་སླེབས་པ་དང་། གནས་ཚུལ་དེ་རྒན་པའི་ཁྲོད་ལྷག་ཏུ་རྒྱུན་མཐོང་ཡིན། དུས་རྒྱུན་དུ་མི་རྣམས་དང་ལྷག་པར་རྒན་པ་རྣམས་ཀྱིས་ཀྲུང་ལུགས་སྨན་རྫས་བདེ་འཇགས་ཡིན་པས། ཡུན་རིང་དུ་འཐུང་ནའང་གནོད་པ་གང་ཡང་མེད་པར་འདོད་ཀྱིན་ཡོད་མོད། འོན་ཀྱང་ཀྲུང་ལུགས་སྨན་རྫས་ཀྱང་ཡུན་རིང་དུ་འཐུང་ན་མཆིན་པར་གནོད་པ་ཆེ་བ་རེད། དེའི་ནང་དུ་པགས་ནད་ཚན་ཁག་གི་ཀྲུང་ལུགས་སྨན་རྫས་ཀྱིས་མཆིན་པར་གནོད་པ་བཟོ་ཚད་སྨན་རྫས་གཞན་དག་ལས་ཚབས་ཆེན་ཡིན་པ་སྟེ། སྐྲ་ལྷུང་བ་དང་རླན་འབྲུམ་དང་ཤ་བཀྲ་སོགས་ཀྱི་ནད་རིགས་ལ་སྨན་བཅོས་བྱེད་དུས། ཡུན་རིང་དུ་སྨན་འཐུང་དགོས་པས་མཆིན་པར་གནོད་པ་བཟོ་བའི་ཉེན་ཁ་ཇེ་ཆེར་འགྲོ་བ་ཡིན། ཞིབ་འཇུག་ལས་སྡོམ་རྩིས་བྱས་པའི་འབྲས་བུ་ལྟར་ན། ཀྲུང་སྨན་ཁ་ཤས་ཀྱིས་མཆིན་པར་གནོད་པ་བཟོ་བའི་ཚད་ལྷག་པར་ཆེ་བས་དོ་སྣང་ཆེན་པོ་བྱེད་དགོས།
དེ་མིན་རུས་ནད་ཚན་ཁག་གིས་རུས་ལྷག་སྐྱེས་པའི་ནད་ལ་སྨན་བཅོས་བྱེད་པ་དང་འགྱེལ་རྡབ་རྨས་སྐྱོན་སོགས་ཕྱོགས་ཀྱི་ཀྲུང་ལུགས་སྨན་རྫས་བཀོལ་དུས་མཆིན་པར་གནོད་པ་ཡོད་པའི་ཉེན་ཁར་མཐོང་ཆེན་བྱེད་དགོས། དེ་བས་རྒྱ་ཆེ་བའི་ནད་པས་སྨན་པའི་མཛུབ་སྟོན་འོག་ཏུ་ཚད་གཞི་ལྡན་པའི་སྒོ་ནས་སྨན་རྫས་བཀོལ་དགོས་པར་མ་ཟད། ད་དུང་མཆིན་པའི་ནུས་པར་དོ་སྣང་དང་ཚད་ལེན་བྱེད་དགོས།
ད་དུང་ཡུལ་ཐོན་ཡུ་གུ་ཤིང་འདྲེས་པའི་ཀྲུང་སྨན་བཀོལ་དུས་མཉམ་འཇོག་བྱེད་དགོས་ཏེ། དེ་བཀོལ་རྒྱུ་མང་དྲགས་ན་མཆིན་རྩ་ལ་གནོད་པ་ཡོད་ཅིང་། གལ་སྲིད་མཇུག་འབྲས་ཚབས་ཆེན་བཟོས་ན་དམིགས་བསལ་གྱི་སྨན་བཅོས་བྱེད་ཐབས་ཀྱང་མེད་དོ། །