དེང་རབས་བོད་ཀྱི་སྐད་ཆའི་མ་ལག་བསྐྲུན་པའི་འབོད་སྐུལ།
འཇུ་སྐལ་བཟང་།
ཁག་དང་པོ།
ཁག་གཉིས་པ།
ཁག་གསུམ་པ།
ཁག་བཞི་བ།
ཁག་ལྔ་བ།
ཁག་དྲུག་པ། ༼ རྫོགས་སོ།། ༽
འཇུ་སྐལ་བཟང་ངོ་སྤྲོད་མདོར་བསྡུས།
ཁོང་ནི་སྤྱི་ལོ1960ལོར་མཚོ་སྔོན་ཞིང་ཆེན་མགོ་ལོག་ཁུལ་དར་ལག་རྫོང་དུ་སྐྱེས། སྔ་རྗེས་སུ་ཀྲུང་དབྱང་མི་རིགས་སློབ་གྲྭ་ཆེན་མོ་དང་མཚོ་སྔོན་མི་རིགས་སློབ་ཆེན་སོགས་སུ་མཚན་ལྡན་གྱི་སློབ་དཔོན་དུ་མ་བསྟེན་ནས་སློབ་གཉེར་བྱས་ཤིང་། སྤྱི་ལོ1987 ལོར་མཚོ་སྔོན་མི་རིགས་སློབ་གྲྭ་ཆེན་མོའི་བོད་ཀྱི་རྩོམ་རིག་རབ་འབྱམས་པའི་དམ་བཅའ་བཞག ད་ལྟ་ཁོང་གིས་མཚོ་སྔོན་མགོ་ལོག་བོད་རིགས་རང་སྐྱོང་ཁུལ་མི་རིགས་སྐད་ཡིག་བྱ་བའི་ལས་ཁུངས་ཀྱི་གཙོ་འགན་པའི་འགན་ཁུར་ཞིང་། ལོ་ཙཱ་བ་ཆེན་མོའི་མིང་བཏགས་བླངས་ཡོད། ཁོང་ནི་བོད་ཀྱི་སྙན་ངག་པ་གྲགས་ཆེན་ཞིག་ཡིན་ཞིང་། སྙན་ངག་ཐད་ཀྱི་བརྩམས་ཆོས་མང་པོ་ཡོད་པ་ཡིན།
ཁོང་གི་བརྩམས་ཆོས་ཁག་ཅིག་ཞིང་ཆེན་ཕྱི་ནང་གིས་པར་སྐྲུན་བྱས་པའི་རྩོམ་རིག་བརྩམས་ཆོས་ཕྱོགས་བསྒྲིགས་དཔེ་དེབ་དག་དང་སློབ་དེབ་སོགས་སུ་བསྡུས་ཡོད་ཅིང་། བརྩམས་ཆོས་ཁག་ཅིག་ལ་ཞིང་ཆེན་ཕྱི་ནང་གི་བྱ་དགའ་ཐོབ་ཡོད། སྤྱི་ལོ1991ལོར་ཁོང་ལ་ཀྲོང་ཀྲུང་ཝུན་རྩོམ་རིག་བྱ་དགའ་ཐོབ།
སྤྱི་ལོ1977ལོ་ནས་བཟུང་སྟེ་རྩོམ་རིག་གསར་རྩོམ་གྱི་ལས་ལ་ཞུགས་ཤིང་། ད་བར་སྙན་རྩོམ་གཙོ་བྱས་པའི་རྩོམ་རིག་བརྩམས་ཆོས་དང་། རྩོམ་རིག་སྐོར་གྱི་ཆེད་རྩོམ། རྩོམ་རིག་སྒྱུར་རྩོམ་སོགས་གྲངས་བརྒྱ་ཕྲག་ལྷག་ཙམ་ཚགས་པར་དང་དུས་དེབ་སོགས་སུ་སྤེལ་ཡོད། བོད་ཀྱི་སྙན་ངག་རིག་གཞུང་སྐོར་གྱི་ཆེད་རྩོམ་དཔེ་དེབ《སྙན་ངག་གི་རྣམ་བཤད》ཅེས་པ་མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་ཅིང་། སྙན་རྩོམ་གྱི་དཔེ་དེབ《གངས་འདབས་ཀྱི་སེམས་པ》ཡང་པར་དུ་བསྐྲུན་ཡོད།