| དྲ་བ་འདིར་གཟིགས་པར་Windows Vista དང་ IE 7 བཅས་སྤྱོད་རོགས་གནང་། |
 |
|
| མདུན་ཤོག- སློབ་གསོ། |
〔 ནང་ དོན་ གནད་ བསྡུས། 〕 འདིར་ རྩོམ་ པ་ པོའི་ སློབ་ ཁྲིད་ ཀྱི་ ལག་ ལེན་ དངོས་ ལས་ སློབ་ ཆུང་ སྐད་ ཡིག་ སློབ་ དེབ་ ལ་ སྒྱུར་ རྩོམ་ མང་ བ་ དང་། དོན་ སྐྱོན་ དང་ ཚིག་ སྐྱོན་ མང་ བ་ སོགས་ ཀྱི་ གནད་ དོན་ འགའ་ ལྷག་ འདུག་ སྙམ་ པའི་ མྱོང་ ཚོར་ དངོས་ སུ་ བརྗོད་ པ་ དང་ འབྲེལ་ སླད་ དེའི་ ཐད་ ཀྱི་ རེ་ བ་ ཕྲན་ བུ་ གླེང་ བའོ། གླེང་ གཞི། བོད་ མི་ རིགས་ ནི་ མདོ་ དབུས་ མཐོ་ སྒང་ དུ་ འཕེལ་ ཞིང་ རྒྱས་ ལ་ ལོ་ ངོ་ སྟོང་ ཕྲག་ མང་ པོའི་ ལོ་ རྒྱུས་ ལྡན་ པ་ མ་ ཟད། འཛམ་ གླིང་ གི་ མི་ རིགས་ གང་ རུང་ བསྡུར་ ཆོག་ པའི་ འོད་ སྟོང་ འཚེར་ པའི་ རིག་ གནས་ ལྡན། དེ་ ཡང་ ཚང་ མས་ ཤེས་ གསལ་ ལྟར་ རིག་ གནས་ བཅུའམ་ བཅོ་ བརྒྱད་ དུ་ བགྲང་ བ་ དེར་ ལོ་ རྒྱུས་ དང་ རྩོམ་ རིག གནམ་ རིག་ དང་ ས་ དཔྱད། མཚན་ ཉིད་ རིག་ པ་ དང་ བཟོ་ རིག་ པ་ སོགས་ རིག་ ཚན་ མང་ པོའི་ གཞུང་ ལུགས་ རྒྱ་ ཆེ་ ཞིང་ གཏིང་ ཟབ་ པས་ རྒྱལ་ སྤྱིའི་ སྟེང་ དུ་ བོད་ རིག་ པ་ ཞེས་ གྲགས་ ཏེ། རིགས་ སོ་ སོའི་ མི་ དམངས་ ཀྱི་ བློ་ སེམས་ དབང་ མེད་ དུ་ འགུགས་ བཞིན་ མཆིས། དེ་ བས་ རང་ རེའི་ ཐུན་ མོང་ མ་ ཡིན་ པའི་ རིག་ གནས་ འདི་ ཉམས་ པ་ སླར་ གསོ་ དང་ མ་ ཉམས་ གོང་ འཕེལ་ དུ་ གཏོང་ ཕྱིར་ ཏང་ དང་ རྒྱལ་ ཁབ་ ཀྱིས་ མཐོང་ ཆེན་ གནང་ སྟེ་ བོད་ ས་ གནས་ སོ་ སོར་ བོད་ ཡིག་ སློབ་ ཆུང་ བཙུགས་ ནས་ བོད་ རང་ གི་ རིག་ གནས་ འཛིན་ སྐྱོང་ སྤེལ་ གསུམ་ གྱི་ འོས་ འགན་ སློབ་ གྲྭ་ རིམ་ པར་ སྤྲད། སློབ་ གྲྭ་ རིམ་ པ་ ལས་ ཀྱང་ སློབ་ ཆུང་ ནི་ བྱིས་ བློ་ ཤེས་ བྱར་ འདྲེན་ པའི་ ཐེམ་ པ་ དང་ ཡོན་ ཏན་ གྱི་ རྨང་ གཞི་ འདིང་ ས་ ཡིན་ པས་ ཁང་ བརྩེགས་ མཐོན་ པོ་ བྲག་ གི་ རི་ བོ་ ལྟ་ བུའི་ རྩ་ བ་ ཡིན་ པ་ ཀུན་ གྱིས་ ཤེས་ གསལ་ ལྟར་ ལགས། དེའི་ ཕྱིར་ སློབ་ ཆུང་ ནས་ ཤེས་ བྱའི་ རྨང་ བཏིང་ བའི་ བཟང་ ངན་ དང་ ཤེས་ བྱ་ བློར་ དྲངས་ པའི་ ཆེ་ ཆུང་ གིས་ མི་ ཚེ་ གང་ པོར་ ཤན་ ཤུགས་ ཐེབས་ པ་ ཡིན་ ཞེས་ མཁས་ བླུན་ ཀུན་ ལ་ གྲགས། དེ་ ལྟར་ ན་ སློབ་ ཆུང་ སློབ་ མར་ ཤེས་ བྱའི་ རྨང་ བཏིང་ བའི་ བཟང་ ངན་ རྨང་ འདིང་ བྱེད་ ཀྱི་ ལག་ ཆ་ སྟེ། དཔེ་ དེབ་ ཡིན་ པ་ སྨྲས་ མ་ དགོས། ཡིན་ ཡང་། ད་ ལྟ་ རང་ རེས་ སྤྱོད་ བཞིན་ པའི་ ལྗོངས་ ཞིང་ ལྔས་ བསྒྲིགས་ པའི་ ལོ་ དགུའི་ འོས་ འགན་ སློབ་ གསོའི་ སློབ་ ཆུང་ གི་ 《 སྐད་ ཡིག 》 སློབ་ དེབ་ དེ་ ལ་ ནི་ སྒྱུར་ རྩོམ་ མང་ པོ་ བསྡུས་ ཡོད་ པ་ མ་ ཟད། དེ་ དག་ ལ་ དོན་ སྐྱོན་ དང་ ཚིག་ སྐྱོན་ མང་ ལ། ནང་ དོན་ ཡང་ གོ་ དཀའ་ བས་ སློབ་ ཆུང་ སློབ་ མར་ རྨང་ གཞི་ བརྟན་ པོ་ འདིང་ བར་ བར་ ཆད་ ཆེ་ བ་ དང་། སློབ་ མའི་ བློ་ སེམས་ སློབ་ ཁྲིད་ དུ་ འགུགས་ པར་ བཀག་ རྒྱ་ ཤིན་ ཏུ་ ཆེ་ བས། ང་ དང་ ང་ ལྟ་ བུའི་ བོད་ སྐད་ ཡིག་ སློབ་ ཁྲིད་ ཀྱི་ ལས་ འགན་ འཁུར་ བའི་ དགེ་ རྒན་ མང་ པོའི་ བསམ་ གཞིགས་ ཀྱི་ གནས་ ཡིན་ པས་ གནད་ དོན་ གསལ་ བཤད་ དང་ གོང་ རིམ་ ལ་ ཡར་ ཞུའི་ ཆེད་ དུ་ རྩོམ་ ཐུང་ འདི་ བྲིས་ པ་ ཡིན། གཤམ་ འོག་ ཏུ་ སྒྱུར་ རྩོམ་ གྱི་ གྲངས་ མང་ བ་ དང་། དོན་ སྐྱོན་ མང་ བ། ཚིག་ སྐྱོན་ མང་ བ་ བཅས་ ཀྱིས་ སློབ་ མའི་ སློབ་ སྦྱོང་ ལ་ བཀག་ རྒྱ་ ཆེ་ ཚུལ་ དང་། ཁོ་ མོའི་ སེམས་ ཁོང་ གི་ རེ་ འདོད་ ཙམ་ ཚན་ པ་ དུ་ མར་ དབྱེ་ ནས་ ཞུ་ བར་ འདོད། གཅིག སྒྱུར་ རྩོམ་ གྱི་ གྲངས་ མང་ བ། སྐད་ ཡིག་ བསླབ་ དེབ་ འདི་ ནི་ ལོ་ དྲུག་ ལམ་ ལུགས་ ཀྱི་ སློབ་ ཆུང་ ཁྲིད་ དེབ་ ཡིན་ པས་ ལོ་ རེར་ དེབ་ གཉིས་ བྱས་ ནས་ བསྡོམས་ པས་ དེབ་ བཅུ་ གཉིས་ ཡོད་ པ་ དང་ ཕལ་ ཆེར་ སློབ་ ཚན་ སུམ་ བརྒྱ་ ལྷག་ ཡོད། དེ་ དག་ ལ་ ཞིབ་ ལྟ་ ཞིག་ བྱས་ ན་ བརྒྱ་ ཆ་ ལྔ་ བཅུ་ ཡན་ སྒྱུར་ རྩོམ་ ཡིན་ པས་ ཚིག་ རྙོག་ ཅིང་ སྐྱོན་ མང་ བ། འཛིན་ དཀའ་ ཞིག་ གོ་ མི་ བདེ་ བས་ དགེ་ རྒན་ གྱིས་ ཐབས་ ཇུས་ ཡོད་ ཚད་ བཀོལ་ ཀྱང་ སློབ་ མར་ དེ་ བཞིན་ གྱི་ འབྲས་ སུ་ མི་ འབྱུང་། དེ་ ཡང་ དཔེ་ ཞིག་ བཀོད་ ན། སྐད་ ཡིག་ དེབ་ བདུན་ པར་ སློབ་ ཚན་ ཉེར་ བཞི་ བཀོད་ ཡོད་ ལ་ དེ་ ལས་ སློབ་ ཚན་ བཅུ་ གསུམ་ སྒྱུར་ རྩོམ་ ཁོ་ ན་ ཡིན། དེ་ དག་ གིས་ སློབ་ ཚན་ སྤྱིའི་ བརྒྱ་ ཆའི་ ང་ བཞི་ ཟིན་ ཞིང་། ནང་ དོན་ གྱི་ ཆ་ ནས་ ཚན་ རིག་ དང་། དཔའ་ བོའི་ ལོ་ རྒྱུས། བྱེ་ ཐང་ གི་ འཚོ་ བ་ སོགས་ ཕྱོགས་ སྣ་ མང་ འདུས་ པས་ བྱིས་ པ་ ཚོའི་ བློ་ སྒོ་ འབྱེད་ པར་ དགེ་ མཚན་ ཆེན་ པོ་ ལྡན་ པར་ སྣང་ ཡང་། དོན་ ངོ་ མ་ དེ་ ལྟར་ ཡིན་ མིན་ ལ་ དཔྱད་ པ་ ཟབ་ མོ་ བྱ་ འོས། དེ་ ཡང་ ཐོག་ མར 《 སྐད་ ཡིག 》 སློབ་ དེབ་ ཡིན་ པས་ དེའི་ དམིགས་ ཡུལ་ དང་ ཁྱད་ ཆོས། དགེ་ མཚན་ བཅས་ བོར་ ནས། རང་ རེའི་ རིག་ གནས་ དེ་ ལ་ སློབ་ བུ་ ཚོའི་ བློ་ སེམས་ འདྲེན་ པའི་ ནུས་ པ་ དང་ རྒྱབ་ འགལ་ དུ་ སོང་ བའི་ སྐད་ དག་ མིན་ ཡ་ མ་ ཟུང་ ལ་ བརྟེན་ ཞིང་ བྱིས་ བློ་ དང་ ཐག་ རིང་ བའི་ རིག་ ཚན་ སྣ་ མང་ དང་ འབྲེལ་ བ་ མང་ དུ་ བྱས་ ནས་ བསླབ་ རྒྱུ་ ནི་ སློབ་ བུ་ ཚོའི་ ཤེས་ རབ་ ཆད་ པའི་ རྒྱུ་ རུ་ འགྱུར་ ཉེན་ ཆེ། ཡང་ ཁ་ ཅིག་ གིས་ རྒྱ་ ནག་ གི་ ལོ་ རྒྱུས་ དང་ དཔའ་ བོའི་ ཆེ་ བ། ལེ་ ཧྥུང་ གི་ སྙིང་ སྟོབས་ སོགས་ ཀྱི་ བག་ ཆགས་ སློབ་ བུའི་ སེམས་ ལ་ བཞག་ ནས་ མེས་ རྒྱལ་ ལ་ དགའ་ ཞིང་ མི་ དམངས་ ལ་ གཅེས་ པའི་ གཞོན་ རབས་ པ་ གསོ་ སྐྱོང་ བྱ་ རྒྱུར་ ཕན་ ཐོགས་ ཡོད་ ཅེ་ ན་ བདེན་ མོད། འོན་ ཀྱང་། བོད་ སྐད་ ཡིག་ ཁོ་ ནས་ དེ་ ལྟར་ བྱས་ ན་ ཁྲིད་ ཚན་ གཞན་ དག་ གིས་ ཅི་ བྱ། ལྷག་ པར་ དུ་ རྒྱུའི་ སྐད་ ཡིག་ སློབ་ དེབ་ དུའང་ སློབ་ ཚན་ དེ་ དག་ ཡང་ ནས་ བསྐྱར་ དུ་ བསླབ་ དགོས་ པས་ ནང་ དོན་ གྱི་ ཆ་ ནས་ བསྐྱར་ བཟློས་ མིན་ ནམ། དུས་ ཚོད་ ཀྱི་ ཆ་ ནས་ འཕྲོ་ བརླག་ ཏུ་ སོང་ བ་ མིན་ ནམ་ སྙམ། ཡང 《 སྐད་ ཡིག 》 སློབ་ དེབ་ བདུན་ པའི་ རང་ རྩོམ་ སློབ་ ཚན་ བཅུ་ གཅིག་ ཡོད་ པ་ དེ་ ལ་ དབྱེ་ ཞིབ་ ཅུང་ ཙམ་ བྱས་ ན། སློབ་ ཚན་ བཅུ་ གཅིག་ ལས་ བཞི་ སྙན་ ངག་ དང་ ལེགས་ བཤད་ ཡིན་ པ་ དང་། གཏམ་ རྒྱུད་ གསུམ། བོད་ ཀྱི་ ལོ་ རྒྱུས་ དང་ འབྲེལ་ བ་ གཉིས། འཚོ་ ཡུལ་ གྱི་ ཁྱད་ ཆོས་ དང་ འབྲེལ་ བ་ གཉིས་ བཅས་ བཀོད། འཚོ་ ཡུལ་ གྱི་ ཁྱད་ ཆོས་ དང་ འབྲེལ་ བ་ གཉིས་ བཅས་ བཀོད། ཚང་ མས་ ཤེས་ གསལ་ ལྟར་ བོད་ རང་ ལ་ ཆོས་ རྒྱལ་ མེད་ དབོན་ རྣམ་ གསུམ་ ནས་ ད་ ལྟ་ ལ་ ཐུག་ གི་ བར་ དུ་ ཐོན་ མི་ སམྦྷོཊ་ གཙོ་ བྱས་ པའི་ མཁས་ པའི་ དབང་ པོ་ རྒྱུན་ མ་ ཆད་ པར་ བྱོན་ པས། རིག་ གནས་ ཀྱི་ མ་ ལག་ ཚང་ ཞིང་ རྒྱལ་ ཁབ་ ཕྱི་ ནང་ གི་ སྐྱེ་ བོ་ མང་ པོས་ བསྟོད་ པའི་ མཐེ་ བོང་ སྒྲེང་ ཞིང་ ཆགས་ པས་ འགྲམ་ ཆུ་ ལྡང་ བ་ ལགས་ མོད། སྐད་ ཡིག་ སློབ་ དེབ་ ཏུ་ བཀོད་ པའི་ སློབ་ ཚན་ ལ་ གཞིགས་ ན་ རང་ རྩོམ་ གྱིས་ མ་ འདང་ བས་ གཞན་ རྩོམ་ ལ་ བརྟེན་ པའི་ ཚོར་ བ་ དབང་ མེད་ དུ་ སྐྱེས་ འོང་། དེ་ ཡང་ གཞན་ རྩོམ་ ལ་ བརྟེན་ པ་ མི་ ལེགས་ ཞེས་ ཁ་ ཚོན་ བཅད་ ནས་ སྨྲས་ པ་ མ་ ཡིན་ ཏེ། གཞན་ རྩོམ་ ལའང་ ལེགས་ ཆ་ དང་ སློབ་ སྦྱོང་ གི་ རིན་ ཐང་ ཆེ་ ས་ གང་ མང་ དུ་ ཡོད་ པ་ མིག་ མཐོང་ ལག་ ཟིན་ ཡིན་ མོད། འོན་ ཀྱང་ སྐད་ ཡིག་ སློབ་ དེབ་ ཏུ་ སྒྱུར་ རྩོམ་ མང་ ན་ སློབ་ ཁྲིད་ ཀྱི་ ཡུལ་ སློབ་ མའི་ བློ་ ངོ་ དང་ འཚམས་ མིན་ ལ་ བསམ་ གཞིགས་ བྱེད་ འོས་ པར་ འདོད་ པ་ ཡིན། གཉིས། སྒྱུར་ རྩོམ་ ལ་ དོན་ སྐྱོན་ དང་ ཚིག་ སྐྱོན་ མང་ བ། སྤྱིར་ རྒྱ་ བོད་ མི་ རིགས་ གཉིས་ ནི་ རང་ རང་ ལ་ ཡུན་ རིང་ པོའི་ ལོ་ རྒྱུས་ ལྡན་ ཞིང་། རང་ རང་ སོ་ སོའི་ འཚོ་ བའི་ ཁོར་ ཡུག་ དང་ ཡུལ་ སྲོལ་ གོམས་ གཤིས། རིག་ གནས་ མ་ ལག་ སོགས་ ཐ་ དད་ པའི་ དབང་ གིས་ ཐུན་ མོང་ མ་ ཡིན་ པའི་ སེམས་ ཁམས་ ཆགས། དེ་ བཞིན་ སྐད་ ཆ་ ཤོད་ སྲོལ་ དང་ འཚོ་ བ་ རོལ་ ཚུལ་ ཡང་ སོ་ སོར་ གནས་ པའི་ དབང་ གིས་ རྒྱའི་ རིག་ གནས་ དང་ སེམས་ ཁམས་ ལྟར་ ན་ སློབ་ ཚན 《 ཤོག་ བྱ་ སྤུར་ བ 》 དང 《 དཔའ་ བོ་ ཧོང་ ཅི་ ཀོང 》《 ཉི་ མ་ རྒྱ་ མཚོའི་ ངོས་ ནས་ ཤར་ བ 》 ལྟ་ བུ་ སོགས་ བྱིས་ བློར་ འཕྲོད་ ཅིང་ གོ་ སླ་ གནད་ འདུས་ འཛིན་ བདེ་ བའི་ ཁྱད་ ཆོས་ ལྡན་ ཡང་། བོད་ ཕྲུག་ ཚོ་ ལ་ དེ་ འདྲའི་ སྤྲོ་ སྣང་ སྐྱེད་ མི་ ཐུབ། རྒྱུ་ མཚན་ ནི་ རིག་ གནས་ དང་ སེམས་ ཁམས་ ཐ་ དད་ པའི་ དབང་ གིས་ ཡིན་ གོར་ མ་ ཆག དེ་ ནི་ ནང་ དོན་ གྱི་ ཆ་ མདོ་ ཙམ་ དང་། ཡང་ ལོ་ ཙཱའི་ ཆ་ ནས་ བཤད་ ན། ལོ་ ཙཱ་ ནི་ སྐད་ རིགས་ སམ་ ཡིག་ རིགས་ གཅིག་ ལ་ བརྟེན་ པའི་ བརྩམས་ ཆོས་ དེ་ དོན་ མ་ ཉམས་ ཟུར་ མ་ ཆག་ པར་ སྐད་ དམ་ ཡི་ གེ་ གཞན་ ཞིག་ ལ་ བསྒྱུར་ བར་ གོ་ བ་ ཡིན་ པས། རང་ རེའི་ སྒྲ་ སྦྱོར་ བམ་ གཉིས་ སུ་ ལེགས་ སྦྱར་ གྱི་ དོན་ མ་ ཉམས་ པར་ བོད་ ལའང་ བདེ་ བར་ བསྒྱུར་ དགོས་ ཚུལ་ གསུངས་ ཡོད་ པ་ མ་ ཟད། རྒྱའི་ ལོ་ ཙཱ་ བ་ ཡན་ ཧྥུ་ ལགས་ ཀྱིས་ བསྟུན་ འབྱོར་ སྙན་ གསུམ་ ཞེས་ ཚད་ གཞི་ གསལ་ པོར་ གསུངས་ ཡོད། ཡིན་ ཡང་ སྐད་ ཡིག་ སློབ་ དེབ་ ཏུ་ བཀོད་ པའི་ སྒྱུར་ རྩོམ་ དེ་ དག་ ལ་ སྔ་ ཕྱི་ འབྲེལ་ མི་ ཆགས་ པའི་ དོན་ སྐྱོན་ དང་། ཚིག་ ཉོག་ མང་ དྲགས་ པ་ དང་ ཕྲད་ ནོར་ བའི་ སྐྱོན་ སོགས་ གང་ སར་ མཐོང་ ཐུབ་ པས་ ལྗོངས་ ཞིང་ ལྔས་ བསྒྲིགས་ པའི་ སློབ་ དེབ་ ཀྱི་ ནུས་ པ་ དང་ དབང་ གྲགས་ ཉམས་ པར་ བཟོས་ ཡོད་ དེ། དཔེར་ ན། དེབ་ བདུན་ པའི་ སློབ་ ཚན་ གཉིས་ པ 《 ཤོག་ བྱ་ སྤུར་ བ 》 ཞེས་ པར། “ བྱིའུ་ འགའ་ འཕུར་ ནས་ ཡོང་ སྟེ། ‘ འབུ་ བླ་ མ་ མ་ ཎའི ’ མཐའ་ བསྐོར་ ཏེ་ ཀྱུ་ རུ་ རུ་ གྲགས་ པ་ དང་། དེའི་ རྣམ་ འགྱུར་ ལ་ བལྟས་ ན། དེ་ ཚོས་ ཧ་ ལས་ པའི་ ངང་ ནས་ ཁྱོད་ གང་ ནས་ འཕུར་ ཡོང་ བ་ ཡིན། ངོ་ མ་ མཛེས་ པ་ ལས་ ཨང་ ཞེས་ ཡ་ མཚན་ པའི་ ངང་ ནས་ གླེང་ མོལ་ བྱེད་ པ་ དང་ འདྲ ” ཞེས་ བཀོད་ པ་ དེར། བྱིའུ་ འགའ་ འཕུར་ ཡོང་ ནས་ ཤོག་ བྱ་ ལ་ བལྟས་ པའི་ རྣམ་ འགྱུར་ བྲིས་ པ་ ཡིན་ མོད། དེས་ ན་ དེའི་ རྣམ་ འགྱུར་ ཡིན་ ནམ་ དེ་ དག་ གི་ རྣམ་ འགྱུར་ ཡིན། དེ་ ནི་ གཅིག་ ཚིག་ ངོས་ འཛིན་ གྱི་ ཕྲད་ ཡིན་ པས་ མིང་ ཚིག་ ལ་ འཇུག་ ཐབས་ བྲལ་ ཕྱིར་ དེ་ དང་ དེ་ དག་ སྔ་ ཕྱི་ འགལ་ བའི་ སྐྱོན། ཡང་ དེབ་ བདུན་ པའི་ སློབ་ ཚན་ བཅུ་ བདུན་ པའི 《 བློ་ རྩེ་ གཅིག་ སྒྲིམ 》“ ཚི་ ཝེ་ ཀུ་ ཡིས་ རང་ དབང་ མེད་ པར་ ཐལ་ མོ་ བརྡབས་ ནས་ ལོ་ ཏན་ ལ་ རྟེན་ འབྲེལ་ ཞུས་ པ་ དང་། ཕུལ་ དུ་ བྱུང་ བའི་ བརྩམས་ ཆོས་ ཤིག་ གསར་ དུ་ བྱུང་ བར་ རྟེན་ འབྲེལ་ ཞུས ” ཞེས་ བཀོད་ ཡོད། ཚིག་ འདི་ དག་ ལ་ གྲིམ་ ཤ་ ལྷོད་ ཅིང་ ཉག་ ཉོག་ གི་ ཁྱད་ ཆོས་ མངོན་ གསལ་ ཡོད་ པའི་ སྒྱུར་ རྩོམ་ ཞིག་ ཡིན་ པ་ བལྟས་ མ་ ཐག་ གིས་ ཤེས་ ཐུབ། དེ་ དག་ ནི་ བོད་ རང་ སྐད་ བཞིན་ དུ “ ཚེ་ ཝེ་ ཀུ་ ཡིས་ རང་ དབང་ མེད་ པར་ ཐལ་ མོ་ བརྡབས་ ནས་ ལོ་ ཏན་ ལགས་ ཀྱིས་ ཕུལ་ དུ་ བྱུང་ བའི་ བརྩམས་ ཆོས་ གསར་ པ་ ཞིག་ བསྐྲུན་ པར་ རྟེན་ འབྲེལ་ ཞུས ” ཤེ་ ན་ ཅིས་ མི་ ཆོག ཡང་ དེབ་ དེའི་ སློབ་ ཚན་ བཅོ་ བརྒྱད་ པ 《 ལྕགས་ གླང་ བླངས་ པ 》 ཞེས་ པའི་ རང་ བྱུང་ ཚན་ པ་ གསུམ་ པ་ གཤམ་ ལྟར། “ བཙུན་ པས་ ཐོག་ མར་ རྐྱལ་ རྩལ་ བཟང་ བའི་ ཆུ་ བ་ ཆུ་ ཞབས་ སུ་ འཛུལ་ དུ་ བཅུག་ སྟེ། ལྕགས་ གླང་ བརྒྱད་ པོ་ གནས་ གང་ ཞིག་ ཏུ་ ཡོད་ པ་ བཙལ་ དུ་ བཅུག དེའི་ རྗེས་ སུ་ མི་ གཞན་ ལ་ ཤིང་ གྲུ་ ཆེན་ པོ་ གཉིས་ གྲ་ སྒྲིག་ བྱེད་ དུ་ བཅུག་ པ་ དང་། གྲུ་ དེ་ གཉིས་ ཀྱི་ ནང་ དུ་ བྱེ་ མ་ གང་ རེ་ བླུགས་ ཏེ། ལྕགས་ གླང་ ནུབ་ ཡོད་ ས་ དེའི་ སྟེང་ ཕྱོགས་ སུ་ བརྟན་ པོར་ སྡོད་ དུ་ བཅུག ཁོས་ གྲུ་ གཟིངས་ གཉིས་ བཤིབས་ ནས་ དམ་ པོར་ བསྡམ་ དུ་ བཅུག་ པ་ དང་། གྲུ་ གཉིས་ ཀྱི་ ཐོག་ ཏུ་ ཤིང་ སྦོམ་ པོ་ འགས་ འཇའ་ འཕེན་ དུ་ བཅུག དེ་ ནས་ ཡང་ རྐྱལ་ རྩལ་ བཟང་ བའི་ ཆུ་ བ་ ཆུ་ ཞབས་ སུ་ འཛུལ་ ཏེ། ཐག་ པ་ སྦོམ་ པོ་ ཞིག་ གི་ སྣེ་ གཅིག་ ལྕགས་ གླང་ གི་ སྐེ་ ལ་ དམ་ པོར་ བསྡམ་ དུ་ བཅུག་ པ་ དང་། སྣེ་ གཞན་ ཞིག་ གྲུ་ གཟིགས་ གཉིས་ བར་ གྱི་ འཇའ་ ཤིང་ ལ་ འདོགས་ སུ་ བཅུག ” དོན་ ཚན་ འདི་ ལ་ བོད་ རང་ གི་ ཐུན་ མོང་ མ་ ཡིན་ པའི་ ཚིག་ གི་ སྡེབ་ སྦྱོར་ དང་ སྙན་ པའི་ རོ། དོན་ གྱི་ རང་ མཚན། ཡིད་ ཀྱི་ འགྱུར་ བ་ འདྲེན་ པའི་ ཁྱད་ ཆོས་ རྡུལ་ ཙམ་ མེད་ པར་ ཚིག་ རྐང་ རེ་ རེའི་ རྗེས་ སུ་ བཅུག་ རེ་ བསྣན་ པས་ ཚིག་ རྐང་ བརྒྱད་ ལ་ བཅུག་ སྒྲ་ བརྒྱད་ ཐོན་ ཡོང་ བས། དེང་ རབས་ མཁས་ པའི་ དབང་ པོ་ དོར་ ཞི་ རིན་ པོ་ ཆེ་ ནས་ སྡེབ་ སྦྱོར་ གྱི་ བབ་ ཆགས་ མེད་ པ་ རྡོ་ ཆག་ བཙན་ སྒྲིག་ ལྟ་ བུ་ དང་། ཉམས་ འགྱུར་ གྱི་ གསོན་ སྲོག་ མེད་ པ་ མཛེས་ མའི་ བེམ་ རོ་ ལྟ་ བུ། སྒྱུ་ རྩལ་ གྱི་ སྣང་ བརྙན་ མེད་ པ་ ཆབ་ སྲིད་ ཀྱི་ ཁ་ གཡང་ ལྟ་ བུ། དོན་ གྱི་ ཟབ་ ཁྱད་ མེད་ པ་ ཆུ་ ཁའི་ ཝུ་ བ་ ལྟ་ བུ། རང་ རྩོམ་ གྱི་ ཁྱད་ ཆོས་ མེད་ པ་ ལམ་ པའི་ སྤྲེའུ་ ལྟ་ བུ་ ཞེས་ ཚད་ དང་ མི་ མཐུན་ པའི་ རྩོམ་ ལ་ སྡོམ་ ཚིག་ བཀོད་ པ་ ནི་ རྩོམ་ འདི་ ལྟ་ བུར་ དམིགས་ པ་ མིན་ ནམ་ སྙམ་ བྱུང་། ཡང་ དེབ་ རེ་ རེའི་ མཇུག་ ཏུ 《 ཡིག་ གསར་ ཕྱོགས་ བསྒྲིགས 》 ཞེས་ པའི་ ལེ་ ཚན་ བཀོད་ ནས་ གསར་ དུ་ སྦྱོང་ བའི་ ཐ་ སྙད་ རྣམས་ ཕྱོགས་ བསྡུས་ བྱས་ ཡོད་ པས་ སློབ་ བུ་ ཚོས་ བསྐྱར་ སྦྱོང་ བྱེད་ པར་ དགེ་ མཚན་ ཆེན་ པོ་ ལྡན་ པས་ ཤིན་ ཏུ་ ལེགས་ མོད། འོན་ ཀྱང་ ཡིག་ གསར་ ཞེ་ ན་ འགྲིག་ གམ། དོན་ ངོ་ མ་ ཡིག་ གསར་ ཡིན་ ནམ་ མིང་ གསར་ ཡིན། སོག་ རིགས་ ལ་ ཡི་ གེ་ གསར་ རྙིང་ གཉིས་ ཡོད་ པས་ ད་ ལྟ་ བཀོལ་ བཞིན་ པ་ ནི་ ཡིག་ གསར་ ཡིན་ པ་ དང་། རང་ རེའི་ མཁས་ དབང་ ཚེ་ ཏན་ ཞབས་ དྲུང་ ཚང་ ནས་ དགེ་ ལྡན་ ཡིག་ གསར་ ཞེས་ ཡི་ གེ་ འབྲི་ ཚུལ་ གསར་ པ་ ཞིག་ བཟོས་ ཡོད་ པ་ སོགས་ ཡིག་ ཆ་ སྣ་ ཚོགས་ ནས་ མཐོང་ ཐུབ་ མོད། འོན་ ཀྱང་ བོད་ ཡིག་ སྦྱོང་ བཞིན་ པའི་ དུས་ སུ་ ད་ དུང་ ཡིག་ གསར་ དང་ ཡིག་ གསར་ ཞེས་ བཀོད་ ཡོད་ པ་ ནི་ རྒྱབ་ རྟེན་ གང་ ལ་ བཅོལ་ ཞིང་ རིག་ གནས་ གང་ གི་ ཤན་ ཤུགས་ ཐེབས་ སོང་། དོན་ ངོ་ མར་ དེ་ དག་ ནི་ མང་ ངམ་ ཐ་ སྙད་ གསར་ པ་ ཕྱོགས་ བསྒྲིགས་ བྱས་ པ་ ཡིན་ པས་ ཡིག་ གསར་ ལས་ མིང་ ངམ་ ཐ་ སྙད་ ཅེ་ ན་ འོས་ ཤིང་ འཚམས་ པར་ སྣང་། གཞན་ ཡང་། དེབ་ བརྒྱད་ པའི 《 ཉི་ མ་ རྒྱ་ མཚོའི་ ངོས་ ནས་ འཆར་ བ། 》 དང 《 བུ་ ཆུང་ སྲན་ ལྡེ་ 》 སོགས་ སློབ་ ཚན་ མང་ པོའི་ ཁྲོད་ དུ “ རྐང་ རྗེན་ ཡིན་ པའི་ རྐང་ བ་ གཉིས ” ལྟ་ བུ་ དང “ ཨ་ ལ་ པ་ ལ ” ལྟ་ བུ་ སོགས་ རང་ ལུགས་ དང་ མི་ མཐུན་ པའི་ འགྱུར་ སྐྱོན་ མང་ དུ་ ཡོད་ མོད། རེ་ རེ་ བཞིན་ བགྲང་ ན་ ཡིག་ ཚོགས་ ཆེ་ བས་ གོང་ དག་ དཔེ་ ཙམ་ དུ་ དྲངས་ པ་ ཡིན། དེ་ ལྟར། གསལ་ པོ་ མིན་ པའི་ དོན་ དང་ སྙན་ པོ་ མིན་ པའི་ ཚིག དག་ པོ་ མིན་ པའི་ བོད་ སྐད་ དེ་ དག་ གིས་ བྱིས་ པ་ རྣམས་ ཀྱི་ བློ་ ཁ་ ཇི་ ལྟར་ ཤེས་ བྱའི་ ཕྱོགས་ སུ་ འདྲེན་ རྒྱུ། བྱིས་ པ་ རྣམས་ ལ་ ཇི་ ལྟར་ རང་ རེའི་ བོད་ རིགས་ ལ་ འོད་ སྟོང་ འབར་ བའི་ རིག་ གནས་ ཡོད་ ཅེས་ བཤད་ རྒྱུ་ རེད་ དམ། གསུམ། སེམས་ ཁོང་ གི་ རེ་ འབོད། རང་ རེའི་ བོད་ རིགས་ སློབ་ ཆུང་ གི་ སློབ་ ཆུང་ གི་ སློབ་ མ་ རྣམས་ ནི་ སློབ་ གྲྭ་ གཞན་ པའི་ སློབ་ མ་ རྣམས་ དང་ ཡོངས་ སུ་ འདྲ་ སྟེ་ སློབ་ སྦྱོང་ གི་ འགོ་ བརྩམས་ པ་ དང ་ ། འཇིག་ རྟེན་ ལ་ ཆ་ རྒྱུས་ ཀྱི་ འགོ་ བརྩམས་ པ། ཡང་ དག་ པའི་ འཚར་ ལོངས་ ཀྱི་ འགོ་ བརྩམས་ པ་ ཡིན་ པས། དེ་ དག་ ལ་ སྐད་ ཡིག་ སློབ་ ཁྲིད་ བྱ་ རྒྱུ་ དེ་ ཐོག་ མར་ སྒྲ་ དག་ པ་ དང་ དོན་ གསལ་ པོའི་ སྒོ་ ནས་ ཁྲིད་ དགོས་ པ་ ཐུན་ མོང་ གི་ ཆོས་ ཉིད་ དུ་ གྱུར། དེ་ བས་ སློབ་ ཁྲིད་ ནི་ སློབ་ གྲྭའི་ སློབ་ སྦྱོང་ གི་ བྱེད་ ཐབས་ གཙོ་ བོ་ དང་ སློབ་ དེབ་ ནི་ སློབ་ གྲྭའི་ སློབ་ ཁྲིད་ ཀྱི་ ཡོ་ བྱད་ ཉག་ གཅིག་ ཡིན་ པས། སློབ་ དེབ་ ལ་ རེ་ བ་ འགའ་ བཏོན་ ན། ༡ནང་ དོན་ གྱི་ ཆ་ ནས། བོད་ རང་ གི་ ཡུལ་ སྲོལ་ གོམ་ གཤིས་ དང་ རིག་ གནས་ ཁྱད་ ཆོས། སེམས་ ཁམས་ ཁྱད་ ཆོས་ དང་ མཐུན་ པའི་ རྩོམ་ ཡིག་ མང་ པོ་ འདེམས་ བཀོད་ བྱེད་ འོས། དེ་ ལྟར་ ན་ དགེ་ རྒན་ གྱི་ ཁྲིད་ བདེ་ བ་ དང་ སློབ་ མས་ ཉན་ བདེ་ ཞིང་ འཛིན་ སླ་ བ་ མ་ ཟད། སྦྱངས་ ཟིན་ པའི་ ཤེས་ བྱ་ དེ་ རྒྱུན་ དུ་ བཀོལ་ ཐུབ་ པས་ སློབ་ སྦྱོང་ གི་ འདུན་ པ་ དང་ རིག་ གནས་ ལ་ ཡིད་ ཆེས་ ཀྱི་ སེམས་ རང་ བཞིན་ གྱིས་ སྐྱེ་ འོངས། ༢ ཚིག་ སྦྱོར་ གྱི་ ཆ་ ནས། བོད་ རང་ གི་ བཅད་ ལྷུག་ སྤེལ་ མ་ གསུམ་ གྱི་ རྣམ་ པ་ ལ་ བརྟེན་ པའི “ ཚིག་ གི་ སྡེབ་ སྦྱོར་ སྙན་ ཞིང་ འཇེབས་ པ་ གླུ་ དབྱངས་ ཀྱི་ ཁྱད་ ཆོས། དོན་ གྱི་ རང་ མཚན་ སྣང་ བརྙན་ དུ་ ཤར་ བ་ རི་ མོའི་ ཁྱད་ ཆོས། གནས་ ལུགས་ ཟབ་ མོ་ སྟོན་ པ་ ལྟ་ བའི་ ཁྱད་ ཆོས། ཚིག་ ཉུང་ ལ་ གནད་ འདུས་ པ་ རིན་ པོ་ ཆེ་ རིལ་ བུའི་ ཁྱད་ ཆོས། བསམ་ དོན་ ཁོང་ དུ་ སྦེད་ པ་ ན་ ཆུང་ ཟུར་ མིག་ གི་ ཁྱད་ ཆོས། ཡིད་ འགྱུར་ གྱི་ ནུས་ པ་ ཐོན་ པ་ ལྷའི་ བྱིན་ རླབས་ ཀྱི་ ཁྱད་ ཆོས ” དང་ ལྡན་ པའི་ རྩོམ་ མང་ པོ་ བཀོད་ ན། བོད་ སྐད་ དག་ པོ་ བཤད་ རྒྱུའི་ སྣེ་ འདྲེན་ པ་ མ་ ཟད། ཚིག་ གི་ གོ་ རིམ་ དང་ དོན་ གྱི་ སྔ་ ཕྱི་ སོགས་ གསལ་ པོར་ གོ་ ཞིང་ ཤེས་ པས་ གོ་ བ་ ལེན་ པ་ དང་ ནང་ དོན་ བཤད་ པར་ དགེ་ མཚན་ ལྡན་ པ་ དང། བོད་ རང་ ལའང་ ཐུན་ མོང་ མ་ ཡིན་ པའི་ འབྲི་ ཚུལ་ འདི་ ལྟ་ བུ་ ཡོད་ པ་ ཤེས་ ནས་ རང་ གི་ རིག་ གནས་ ལ་ རྩིས་ མཐོང་ ཆེ་ བ་ དང་ སྦྱོང་ འདོད་ ཆེ་ བའི་ བློ་ སྣ་ འདྲེན་ ཐུབ། ༣ སྒྱུར་ རྩོམ་ གྱི་ ཐད་ ནས། འཇིག་ རྟེན་ མིག་ ཏུ་ གྱུར་ པའི་ འཛམ་ གླིང་ གི་ མཁས་ པ་ ཆེན་ པོ་ དང་ ཕྱི་ རྒྱལ་ གྱི་ གནའ་ དེང་ གི་ བརྩམས་ ཆོས་ གྲགས་ ཅན་ འོས་ འཚམས་ བོད་ ཡིག་ ལ་ བསྒྱུར་ ནས་ སློབ་ དེབ་ ཏུ་ བཀོད་ ན་ འཛམ་ གླིང་ རིག་ གནས་ ལ་ ཆ་ རྒྱུས་ ཐོག་ མ་ འཇོག་ པའི་ དགེ་ མཚན་ ལྡན། དེ་ དག་ སྒྱུར་ དུས་ སུའང་ རིག་ གནས་ སྣ་ གཉིས་ ཤེས་ པ་ ཙམ་ མ་ ཡིན་ པར་ རིག་ གནས་ སྣ་ གཉིས་ ལ་ བྱང་ བའི་ ལོ་ ཙཱ་ བ་ གདན་ འདྲེན་ གྱིས་ མ་ ཡིག་ གི་ ནང་ དོན་ མ་ ཉམས་ ལ་ རང་ རེའི་ བོད་ སྐད་ ཀྱི་ བརྡའི་ སྦྱོར་ སྲོལ་ དང་ མཐུན་ པར་ བསྒྱུར་ རྒྱུ་ གལ་ ཆེ། དེ་ ལས་ ལྡོག་ ན་ གོང་ དུ་ བཀོད་ པ་ བཞིན་ གྱི་ སྐྱོན་ འབྱུང་ སླའོ། གཞན་ ཡང་ རྒྱ་ ཡིག་ ནས་ བསྒྱུར་ མི་ དགོས་ པའི་ རྒྱུ་ མཚན་ ཅི་ ཞེ་ ན། བོད་ ཡིག་ སློབ་ ཆུང་ དུ་ བོད་ ཡིག་ མ་ ཟད་ རྒྱ་ ཡིག་ ཀྱང་ ཁྲིད་ བཞིན་ པས་ རྒྱའི་ རིག་ གནས་ དང་ ལོ་ རྒྱུས། སེམས་ ཁམས་ དང་ ས་ གཤིས་ སོགས་ དེ་ ན་ གསལ་ པོར་ བཀོད་ ཡོད་ པས་ བོད་ ཡིག་ སློབ་ དེབ་ ཏུ་ དེ་ ལྟ་ བུ་ བསྐྱར་ བཟློས་ ཀྱི་ ངལ་ བ་ བྱ་ མི་ དགོས་ པས་ སོ། མདོར་ ན། གོང་ སྨྲོས་ འདི་ དག་ ནི་ ཁོ་ མོས་ ལོ་ ངོ་ བཅུ་ ཕྲག་ རིང་ ལ་ དགེ་ རྒན་ བྱས་ པའི་ ཉམས་ མྱོང་ གཞིར་ བྱས་ ཐོག བོད་ རིགས་ སློབ་ བུ་ རྣམས་ ཀྱི་ ཡུལ་ སྲོལ་ གོམས་ གཤིས་ དང་ འཚོ་ བའི་ ཁོར་ ཡུག་ སེམས་ ཁམས་ ཆགས་ ཚུལ་ བཅས་ ལ་ གཞིགས་ ནས་ དེ་ དག་ གི་ མ་ འོངས་ པའི་ མདུན་ ལམ་ དང་ འཕེལ་ ཕྱོགས་ ལ་ འཚམ་ ཞིང་། བོད་ རང་ གི་ སྐད་ ཀྱི་ བརྡ་ དང་ མཐུན་ པ་ མ་ ཟད། སློབ་ བུ་ ཚོའི་ བློ་ སེམས་ རང་ རིགས་ ཀྱི་ རིག་ གནས་ ཀྱི་ སྟེང་ ལ་ འདྲེན་ ཅི་ ཐུབ་ བྱེད་ པར་ བསམ་ གཞིགས་ ཡང་ ཡང་ བཏང་ ནས་ འབྲི་ ཁུལ་ བྱས་ པ་ ཡིན་ པས། གོང་ རིམ་ སྡེ་ ཁག་ དང་ དགེ་ རྒན་ རྣམ་ པ། རྩོམ་ སྒྲིག་ པ་ རྣམ་ པ་ བཅས་ ལ་ འདི་ ཕྱོགས་ སུ་ བསམ་ གཞིགས་ ཀྱི་ རྒྱུ་ རུ་ འགྱུར་ བའི་ སྨོན་ འདུན་ ཞུ་ བའོ།། དཔྱད་ གཞའི་ ཡིག་ རིགས། ༡སློབ་ དཔོན་ དོར་ ཞི་ མཆོག་ གིས་ བརྩམས་ པའི 《 མུན་ འཇོམས་ ནོར་ བུའི་ ཕྲེང་ བ། 》 ༢སློབ་ དཀོན་ རིས་ མཆོག་ གིས་ བརྩམས་ པའི 《 བརྡ་ རྙིང་ ཡིག་ ཆ་ ཕྱོགས་ བསྒྲིགས། 》 ༣སློབ་ ཆུང་ སློབ་ དེབ། དེབ་ ༡ནས་ ༡༢པ། |
པར་དབང་གསལ་བསྒྲགས། རང་རེའི་དྲ་བ་ངོ་སྤྲོད། འབྲེལ་གཏུགས་བྱེད་ཚུལ། གློག་འཕྲིན་ཡིག་སྒམ། tibet3@126.com ཁ་པར། 0971-8455441 ©2008 China Tibetannet Corporation པར་དབང་ངེད་དྲ་བར་དབང་བས་ཆོག་མཆན་མ་ཐོབ་པར་གཞན་གྱིས་རང་དགར་སྤྱོད་མི་ཆོག |